ഉ​പ്പു​കു​ള​ത്തും ക​ണ്ട​മം​ഗ​ല​ത്തും കാ​ട്ടാ​ന​ക​ളു​ടെ വി​ള​യാ​ട്ടം

അ​ല​ന​ല്ലൂ​ർ: വേ​ന​ൽ​ക​ടു​ത്ത​തോ​ടെ കാ​ട്ടാ​ന​ക​ൾ നാ​ട്ടി​ലി​റ​ങ്ങി നാ​ശം വി​ത​ക്കു​ന്ന​ത് തു​ട​രു​ന്നു. ഉ​പ്പു​കു​ള​ത്തും ക​ണ്ട​മം​ഗ​ല​ത്തും ബു​ധ​നാ​ഴ്ച രാ​ത്രി​യും വ്യാ​ഴാ​ഴ്ച പു​ല​ർ​ച്ചെ​യു​മാ​യി നാ​ട്ടി​ലി​റ​ങ്ങി​യ കാ​ട്ടാ​ന​ക​ൾ കൃ​ഷി​യും കു​ടി​വെ​ള്ള പൈ​പ്പു​ക​ളും കി​ണ​റും ന​ശി​പ്പി​ച്ചു. ഉ​പ്പു​കു​ളം ഓ​ല​പ്പാ​റ​യി​ൽ കു​ടി​വെ​ള്ള​ത്തി​നാ​യി കാ​ട്ട​രു​വി​ക​ളി​ൽ നി​ന്ന് വീ​ടു​ക​ളി​ലേ​ക്ക് ഇ​ട്ടി​രു​ന്ന കു​ഴ​ലു​ക​ൾ ച​വി​ട്ടി ന​ശി​പ്പി​ച്ചു. ഇ​ട​ക്കി​ടെ വെ​ള്ളം കൊ​ണ്ടു​വ​രു​ന്ന ചെ​റി​യ ഹോ​സു​ക​ൾ കാ​ട്ടാ​ന​ക​ൾ ന​ശി​പ്പി​ക്കു​ന്ന​തി​നാ​ൽ കു​ടി​വെ​ള്ള പ്ര​ശ്ന​വും പ്ര​ദേ​ശ​ത്തു​ണ്ട്. ക​ണ്ട​മം​ഗ​ത്ത് ഒ​റ്റ​യാ​നി​റ​ങ്ങി കി​ണ​റും കൃ​ഷി​യും ന​ശി​പ്പി​ച്ചു. മേ​ക്ക​ള​പ്പാ​റ വ​ന​മേ​ഖ​ല താ​വ​ള​മാ​ക്കി​യ ഒ​റ്റ​യാ​നാ​ണ് ക​ണ്ട​മം​ഗ​ലം പ​ള്ളി​യോ​ട് ചേ​ർ​ന്നു​ള്ള മു​ട്ട​ത്ത് ലി​ല്ലി​ക്കു​ട്ടി ചെ​റി​യാ​ന്റെ 30 ക​വു​ങ്ങു​ക​ൾ ന​ശി​പ്പി​ച്ച​ത്. വീ​ടി​ന് പി​ൻ​വ​ശ​ത്തെ പ്ലാ​വി​ൽ നി​ന്ന് ച​ക്ക വീ​ഴു​ന്ന ശ​ബ്ദം കേ​ട്ടാ​ണ് വീ​ട്ടു​കാ​ർ ഉ​ണ​ർ​ന്ന​ത്. ജ​ന​ലി​ലൂ​ടെ ടോ​ർ​ച്ച് തെ​ളി​യി​ച്ച​പ്പോ​ൾ ച​ക്ക തി​ന്നു​ന്ന ഒ​റ്റ​യാ​നെ​യാ​ണ് ക​ണ്ട​ത്. വെ​ളി​ച്ചം ക​ണ്ട​തോ​ടെ ഒ​റ്റ​യാ​ൻ വ​ന്ന വ​ഴി​യെ മ​ട​ങ്ങി. പോ​കും വ​ഴി തെ​ണ്ടി​ക്കാ​ല​യി​ൽ ഫ്രാ​ൻ​സി​സി​ന്റെ തോ​ട്ട​ത്തി​ലെ കി​ണ​റി​ൽ നി​ന്ന് വെ​ള്ളം കു​ടി​ക്കാ​ൻ തു​മ്പി​ക്കെ കി​ണ​റി​ൽ താ​ഴ്ത്തു​ന്ന​തി​നി​ടെ കി​ണ​റി​ന്റെ ര​ണ്ട് തൂ​ണു​ക​ൾ ത​ക​ർ​ന്നു. തൂ​ണി​ൽ ബ​ന്ധി​ച്ചി​രു​ന്ന പ​മ്പ് സെ​റ്റ് വെ​ള്ള​ത്തി​ലേ​ക്ക് വീ​ണു. ന​ന​ക്കാ​നും വീ​ട്ടാ​വ​ശ്യ​ത്തി​നും വെ​ള്ളം എ​ത്തി​ക്കാ​ൻ ഉ​പ​യോ​ഗി​ക്കു​ന്ന ര​ണ്ട് റൗ​ണ്ട് പൈ​പ്പും ച​വി​ട്ടി ന​ശി​പ്പി​ച്ചി​ട്ടു​ണ്ട്. ഇ​തോ​ടെ ഇ​വ​രു​ടെ ശു​ദ്ധ​ജ​ല സം​വി​ധാ​നം ഇ​ല്ലാ​താ​യി.

മു​പ്പ​ത് ഏ​ക്ക​ർ മു​ത​ൽ മേ​ക്ക​ള​പ്പാ​റ വ​രെ തൂ​ക്കു വേ​ലി​യു​ള്ള​തി​നാ​ൽ ഈ ​ഭാ​ഗ​ത്തി​ലൂ​ടെ നാ​ട്ടി​ലേ​ക്ക് വ​ന്യ​മൃ​ഗ​ങ്ങ​ൾ ഇ​റ​ങ്ങു​ന്ന​ത് കു​റ​ഞ്ഞി​ട്ടു​ണ്ട്. മേ​ക്ക​ള​പ്പാ​റ മു​ത​ലു​ള്ള 16 കി​ലോ​മീ​റ്റ​റി​ൽ കൂ​ടി വേ​ലി നി​ർ​മാ​ണം പൂ​ർ​ത്തി​യാ​യാ​ലേ വ​ന്യ​മൃ​ഗ​ശ​ല്യം പൂ​ർ​ണ​മാ​യും ത​ട​യാ​നാ​കൂ. വ​നം വ​കു​പ്പ് ജീ​വ​ന​ക്കാ​ർ സം​ഭ​വ സ്ഥ​ല​ത്തെ​ത്തി നാ​ശ​ന​ഷ്ട​ങ്ങ​ളു​ടെ ക​ണ​ക്കെ​ടു​ത്തു.