കു​ടി​വെ​ള്ള​ത്തി​നാ​യി ​നെ​ട്ടോ​ട്ടം; നോ​ക്കു​കു​ത്തി​യാ​യി ജ​ല​സ്രോ​ത​സ്സു​ക​ൾ

കൊ​ല്ല​ങ്കോ​ട്: വേ​ന​ലി​ൽ ജ​ല​ദൗ​ർ​ല​ഭ്യ​ത്തി​ൽ നാ​ടു​വ​ല​യു​മ്പോ​ൾ നോ​ക്കു​കു​ത്തി​യാ​യി ഇ​ട​ച്ചി​റ​യി​ലെ പൊ​തു​കി​ണ​ർ. 1956ൽ ​നി​ർ​മി​ച്ച പൊ​തു​കി​ണ​ർ അ​റ്റ​കു​റ്റ​പ്പ​ണി​ക​ളും ശു​ചീ​ക​ര​ണ​വും മു​ട​ങ്ങി​യ​തോ​ടെ​യാ​ണ് ഉ​പ​യോ​ഗ​ശൂ​ന്യ​മാ​യ​ത്. ഐ​ക്യ​കേ​ര​ള രൂ​പ​വ​ത്ക​ര​ണ വ​ർ​ഷ​ത്തി​ൽ കൊ​ല്ല​ങ്കോ​ട് പ​ഞ്ചാ​യ​ത്ത് നേ​തൃ​ത്വ​ത്തി​ൽ ക​മ്യൂ​ണി​റ്റി പ​ദ്ധ​തി​യി​ലാ​ണ് പൊ​തു​കി​ണ​ർ നി​ർ​മി​ച്ച​ത്. ആ​റ് വ​ർ​ഷ​ങ്ങ​ൾ​ക്കു മു​മ്പ് കി​ണ​ർ ശു​ചീ​ക​ര​ണ​ത്തി​ന് പ​ഞ്ചാ​യ​ത്ത് ഫ​ണ്ട് വ​ക​യി​രു​ത്തി​യെ​ങ്കി​ലും ക​രാ​ർ ഏ​റ്റെ​ടു​ത്ത​വ​ർ പ്ര​വൃ​ത്തി പേ​രി​നു​മാ​ത്ര​മാ​ക്കി അ​വ​സാ​നി​പ്പി​ച്ചു. സ​മീ​പ​ത്തു​ള്ള കു​ഴ​ൽ കി​ണ​റും സ​മാ​ന സ്ഥി​തി​യി​ലാ​ണ്. 1919ൽ ​സ്ഥാ​പി​ച്ച കു​ഴ​ൽ കി​ണ​ർ കാ​ര്യ​മാ​യ ത​ക​രാ​റു​ക​ളൊ​ന്നു​മി​ല്ലെ​ങ്കി​ലും അ​റ്റ​കു​റ്റ​പ്പ​ണി​ക​ൾ മു​ട​ങ്ങി​യ​തോ​ടെ​യാ​ണ് ഉ​പ​യോ​ഗ​ശൂ​ന്യ​മാ​യ​ത്. നി​ല​വി​ൽ പ്ര​ദേ​ശ​വാ​സി​ക​ൾ​ക്ക് പൈ​പ്പ് വെ​ള്ള​മാ​ണ് ഏ​ക ആ​ശ്ര​യം. വൈ​ദ്യു​തി ത​ട​സ്സ​മോ യ​ന്ത്ര​ത്ത​ക​രാ​റോ വ​ന്നാ​ൽ കു​ടി​വെ​ള്ളം മു​ട്ടു​ന്ന സ്ഥി​തി. 300ൽ ​അ​ധി​കം കു​ടും​ബ​ങ്ങ​ൾ കു​ടി​വെ​ള്ള​ത്തി​ന് ആ​ശ്ര​യി​ച്ചി​രു​ന്ന പൊ​തു​കി​ണ​റും കു​ഴ​ൽ​ക്കി​ണ​റും ഉ​പ​യോ​ഗ​പ്ര​ദ​മാ​ക്കാ​ൻ പ​ഞ്ചാ​യ​ത്ത് ത​യാ​റാ​വ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.