ആ​ല​ത്തൂ​ർ ടൗ​ണി​ലെ​ന്നും കു​ടി​ക്കാ​ൻ ക​ല​ക്ക​വെ​ള്ളം

ആ​ല​ത്തൂ​ർ: ടൗ​ണി​ലെ ര​ണ്ട് വാ​ർ​ഡു​ക​ളി​ൽ വ​ർ​ഷ​ങ്ങ​ളാ​യി കു​ടി​വെ​ള്ള​മാ​യി വി​ത​ര​ണം ചെ​യ്യു​ന്ന​ത് ച​ളി നി​റ​ഞ്ഞ ക​ല​ക്ക​വെ​ള്ള​മാ​ണ്. പ​ല​വി​ധ പ​രാ​തി​ക​ളും പ്ര​തി​ഷേ​ധ​ങ്ങ​ളും ഉ​യ​ർ​ന്നി​ട്ടും അ​വ​സ്ഥ​ക്ക് മാ​റ്റ​മി​ല്ല. ആ​ല​ത്തൂ​ർ ഗ്രാ​മ​പ​ഞ്ചാ​യ​ത്തി​ലെ 15, 16 വാ​ർ​ഡു​ക​ളി​ലാ​ണ് പ്ര​തി​സ​ന്ധി. പ​ഞ്ചാ​യ​ത്തി​ന്റെ മ​റ്റെ​ല്ലാ ഭാ​ഗ​ത്തും വെ​ള്ള​പ്ര​ശ്ന​ങ്ങ​ൾ ഉ​ണ്ടാ​യെ​ങ്കി​ലും അ​തി​നെ​ല്ലാം പ​രി​ഹാ​ര​മു​ണ്ടാ​യി. എ​ന്നാ​ൽ 15, 16 വാ​ർ​ഡു​ക​ള​ട​ങ്ങു​ന്ന ടൗ​ൺ പ്ര​ദേ​ശ​ത്ത് ഉ​പ​യോ​ഗി​ക്കാ​ൻ പ​റ്റാ​ത്ത ജ​ലം വി​ത​ര​ണം ചെ​യ്ത് ജ​ന​ങ്ങ​ളെ മ​നഃ​പൂ​ർ​വം ക​ഷ്ട​പ്പെ​ടു​ത്തു​ക​യാ​ണെ​ന്നാ​ണ് പൊ​തു​വേ ഉ​യ​ർ​ന്ന ആ​രോ​പ​ണം.

ആ​ല​ത്തൂ​രി​ൽ ജ​ല​വി​ത​ര​ണം ന​ട​ത്തു​ന്ന​ത് ആ​ല​ത്തൂ​ർ ഗ്രാ​മ പ​ഞ്ചാ​യ​ത്താ​ണ്. ഈ ​വാ​ർ​ഡു​ക​ൾ മു​ൻ​കാ​ല​ങ്ങ​ളി​ൽ പ്ര​തി​പ​ക്ഷ​ത്തി​ന്റേ​താ​യി​രു​ന്നു. ക​ഴി​ഞ്ഞ ത​വ​ണ വാ​ർ​ഡ് 15 ഭ​ര​ണ​പ​ക്ഷ​ത്താ​യി​ട്ടും ജ​ല​വി​ത​ര​ണ​ത്തി​ൽ മാ​റ്റം വ​ന്നി​ല്ല. വാ​ർ​ഡ് 16 കു​റെ വ​ർ​ഷ​ങ്ങ​ളാ​യി വെ​ൽ​ഫെ​യ​ർ പാ​ർ​ട്ടി​യു​ടെ കൈ​വ​ശ​മാ​ണ്. ആ​ല​ത്തൂ​ർ ടൗ​ൺ ഭാ​ഗ​ത്തേ​ക്ക് കു​ടി​വെ​ള്ളം വി​ത​ര​ണം ചെ​യ്യു​ന്ന​ത് പു​ഴ​യി​ൽ​നി​ന്ന് നേ​രി​ട്ടാ​ണെ​ന്നാ​ണ് പ​റ​യു​ന്ന​ത്. നി​ല​വി​ലെ സം​വി​ധാ​ന​മ​നു​സ​രി​ച്ച് ഗാ​യ​ത്രി പു​ഴ എ​ടാം​പ​റ​മ്പ് ത​ട​യ​ണ​യി​ലെ പ​മ്പ് ഹൗ​സി​ൽ​നി​ന്ന് ആ​ല​ത്തൂ​ർ ഗ്രാ​മ പ​ഞ്ചാ​യ​ത്ത് ഓ​ഫി​സി​ന് പി​ൻ​ഭാ​ഗ​ത്തെ ജ​ല അ​തോ​റി​റ്റി ഓ​ഫി​സ് പ​രി​സ​ര​ത്തെ ഫി​ൽ​റ്റ​റേ​ഷ​ൻ പ്ലാ​ന്റി​ലേ​ക്ക് പ​മ്പ് ചെ​യ്ത് അ​വി​ടെ നി​ന്ന് ടാ​ങ്കി​ലേ​ക്ക് വീ​ണ്ടും പ​മ്പ് ചെ​യ്ത് നി​റ​ച്ചാ​ണ് വി​ത​ര​ണ ലൈ​നി​ലേ​ക്ക് തു​റ​ന്നു​വി​ടു​ന്ന​ത്.

അ​ങ്ങ​നെ ചെ​യ്യു​മ്പോ​ൾ അ​ടു​ത്ത പ്ര​ദേ​ശ​ങ്ങ​ളി​ൽ വെ​ള്ളം കൂ​ടു​ത​ൽ കി​ട്ടും. ഉ​യ​ര​വും ദൂ​ര​വും കൂ​ടി​യ ടൗ​ൺ ഭാ​ഗ​ത്ത് വെ​ള്ളം ആ​വ​ശ്യ​ത്തി​ന് എ​ത്തി​യി​രു​ന്നി​ല്ല. ഇ​തി​നെ തു​ട​ർ​ന്നാ​ണ് വ​ർ​ഷ​ങ്ങ​ൾ​ക്ക് മു​മ്പ് ടൗ​ൺ ലൈ​നി​ലേ​ക്ക് നേ​രി​ട്ട് പ​മ്പ് ചെ​യ്യാ​ൻ തു​ട​ങ്ങി​യ​ത്. അ​തോ​ടെ വെ​ള്ളം കി​ട്ടു​ന്നു​ണ്ടെ​ങ്കി​ലും കി​ട്ടു​ന്ന​ത് ച​ളി​വെ​ള്ള​മാ​യി. അ​തി​ന് കാ​ര​ണം ടൗ​ണി​ലെ പൈ​പ്പ് ലൈ​ൻ പ​ഴ​യ കാ​ല​ത്തെ ചെ​റി​യ പൈ​പ്പ് ആ​യ​ത് കൊ​ണ്ട് പൈ​പ്പി​ൽ ച​ളി അ​ട​ഞ്ഞ​ത് കൊ​ണ്ടാ​ണെ​ന്ന ക​ണ്ടെ​ത്ത​ലി​ൽ ടൗ​ൺ ഭാ​ഗ​ത്തെ പ​ഴ​യ കാ​ല​ത്തെ ചെ​റി​യ പൈ​പ്പു​ക​ൾ മാ​റ്റി വ്യാ​സം കൂ​ടി​യ വ​ലി​യ പൈ​പ്പു​ക​ൾ സ്ഥാ​പി​ച്ചു. എ​ന്നി​ട്ടും പ​രി​ഹാ​ര​മാ​യി​ല്ല.

പ​ഞ്ചാ​യ​ത്തി​ന്റെ പ​കു​തി ഭാ​ഗ​ങ്ങ​ളി​ൽ തെ​ളി​ഞ്ഞ വെ​ള്ള​വും മ​റ്റേ പ​കു​തി ഭാ​ഗ​ത്ത് ക​ല​ക്ക​വെ​ള്ള​വു​മാ​ണ് നി​ല​വി​ൽ ല​ഭി​ക്കു​ന്ന​ത്. മൂ​ച്ചി​ക്കാ​ട്, സ്വ​വാ​ബ് ന​ഗ​ർ, ഇ​ശ​അ​ത്ത് ന​ഗ​ർ, മാ​ളി​ക പ​റ​മ്പ്, പ​ള്ളി​പ​റ​മ്പ്, കു​ന്നം​പ​റ​മ്പ്, പ​ന​യ്ക്ക​ക്ക​ൽ പ​റ​മ്പ് പ്ര​ദേ​ശ​ങ്ങ​ളി​ലാ​ണ് ക​ല​ക്ക​വെ​ള്ളം പൈ​പ്പ് വ​ഴി വ​രു​ന്ന​ത്. പൈ​പ്പ് ലൈ​നി​നോ​ട് ചേ​ർ​ന്ന് ഫി​ൽ​ട്ട​റേ​ഷ​ൻ സം​വി​ധാ​നം സ്ഥാ​പി​ക്കു​ക​യോ അ​ല്ലെ​ങ്കി​ൽ ആ​ല​ത്തൂ​ർ ടൗ​ൺ ഭാ​ഗ​ത്തേ​ക്ക് ജ​ല​വി​ത​ര​ണ​ത്തി​നാ​യി മ​റ്റൊ​രു ടാ​ങ്കും ഫി​ൽ​റ്റ​റേ​ഷ​നും നി​ർ​മി​ക്കു​ക​യോ ചെ​യ്ത് പ​രി​ഹാ​രം കാ​ണ​ണ​മെ​ന്നാ​ണ് ആ​വ​ശ്യം.