ഓ​ട​ക​ളു​ടെ ശു​ചീ​ക​ര​ണം: ത​ദ്ദേ​ശ സ്ഥാ​പ​ന​ങ്ങ​ളും പൊ​തു​മ​രാ​മ​ത്ത് വ​കു​പ്പും ര​ണ്ടു​ത​ട്ടി​ൽ

മു​ത​ല​മ​ട: ത​ക​ർ​ന്ന​തും മാ​ലി​ന്യം നി​റ​ഞ്ഞ​തു​മാ​യ ഓ​ട​ക​ൾ കൈ​കാ​ര്യം ചെ​യ്യു​ന്ന​തി​ൽ ര​ണ്ടു ത​ട്ടി​ലാ​ണ് ത​ദ്ദേ​ശ​ഭ​ര​ണ സ്ഥാ​പ​ന​ങ്ങ​ളും പൊ​തു​മ​രാ​മ​ത്ത് വ​കു​പ്പും. കൊ​ല്ല​ങ്കോ​ട്, കൊ​ടു​വാ​യൂ​ർ, പു​തു​ന​ഗ​രം, മു​ത​ല​മ​ട എ​ന്നീ പ​ഞ്ചാ​യ​ത്തു​ക​ളി​ലാ​ണ് പൊ​തു​മ​രാ​മ​ത്ത് വ​കു​പ്പ് ഓ​ട​ക​ളെ അ​വ​ഗ​ണി​ക്കു​ന്ന​ത്. പാ​ല​ക്കാ​ട് -മീ​നാ​ക്ഷി​പു​രം, മം​ഗ​ലം -ഗോ​വി​ന്ദാ​പു​രം എ​ന്നീ റോ​ഡു​ക​ളു​ടെ വ​ശ​ങ്ങ​ളി​ലെ ഓ​ട​ക​ൾ ത​ക​ർ​ന്നും സ്ലാ​ബു​ക​ൾ സ്ഥാ​പി​ക്കാ​തെ​യും മാ​ലി​ന്യം നി​റ​ഞ്ഞും അ​പ​ക​ട​ങ്ങ​ൾ​ക്ക് വ​ഴി​വെ​ക്കു​ബോ​ൾ പ​ഞ്ചാ​യ​ത്തു​ക​ളു​ടെ അ​ഭ്യ​ർ​ഥ​ന​ക​ൾ പൊ​തു​മ​രാ​മ​ത്ത് വ​കു​പ്പ് അ​വ​ഗ​ണി​ക്കു​ന്നു എ​ന്നാ​ണ് ആ​ക്ഷേ​പം.

കൊ​ടു​വാ​യൂ​ർ ടൗ​ണി​ൽ ഓ​ട​ക​ളി​ൽ കൃ​ത്യ​മാ​യി സ്ലാ​ബു​ക​ൾ സ്ഥാ​പി​ക്കാ​ത്ത​തി​നാ​ൽ ഇ​രു​ച​ക്ര​വാ​ഹ​ന​ങ്ങ​ൾ അ​പ​ക​ട​ത്തി​ൽ പെ​ടു​ന്ന​തും മാ​ലി​ന്യം നി​റ​ഞ്ഞ് മ​ലി​ന​ജ​ലം റോ​ഡി​ൽ ഒ​ഴു​കു​ന്ന​തും പ​തി​വാ​ണ്.

പു​തു​ന​ഗ​രം പ​ഞ്ചാ​യ​ത്തി​ൽ കൊ​ടു​വാ​യൂ​ർ, കൊ​ല്ല​ങ്കോ​ട്, ചി​റ്റൂ​ർ റോ​ഡു​ക​ളു​ടെ വ​ശ​ങ്ങ​ളി​ലെ ഓ​ട​ക​ൾ മാ​ലി​ന്യം നി​റ​ഞ്ഞും സ്ലാ​ബ് ത​ക​ർ​ന്നും നി​ര​വ​ധി പ​രാ​തി​ക​ൾ പ​ഞ്ചാ​യ​ത്തി​ലും പൊ​തു​മ​രാ​മ​ത്ത് വ​കു​പ്പി​ലും ന​ൽ​കി​യ​തോ​ടെ പ​ഞ്ചാ​യ​ത്ത് ക​ഴി​ഞ്ഞ വ​ർ​ഷം ഓ​ട​ക​ളു​ടെ ഒ​രു ഭാ​ഗ​ത്തു​ള്ള മാ​ലി​ന്യം നീ​ക്കി​യി​രു​ന്നു. എ​ന്നാ​ൽ, തു​ട​ർ​ന​ട​പ​ടി​യു​ണ്ടാ​യി​ല്ല.

ഓ​ട​ക​ൾ പൂ​ർ​ണ​മാ​യും ത​ക​ർ​ന്ന കൊ​ടു​വാ​യൂ​ർ റോ​ഡി​ൽ അ​റ്റ​കു​റ്റ​പ്പ​ണി​ക​ൾ പോ​ലും പൊ​തു​മ​രാ​മ​ത്ത് വ​കു​പ്പ് ന​ട​ത്തു​ന്നി​ല്ലെ​ന്ന് വ്യാ​പാ​രി​ക​ൾ പ​റ​ഞ്ഞു. കൊ​ല്ല​ങ്കോ​ട്ടി​ൽ ഓ​ട​ക​ളി​ൽ മ​ണ്ണ് നി​റ​ഞ്ഞ് മ​ഴ​വെ​ള്ളം റോ​ഡി​ൽ കെ​ട്ടി​നി​ൽ​ക്കാ​റു​ണ്ടെ​ങ്കി​ലും ഒ​ര​ന​ക്ക​വും പൊ​തു​മ​രാ​മ​ത്ത് -പ​ഞ്ചാ​യ​ത്തി‍െൻറ ഭാ​ഗ​ത്തു​നി​ന്ന് ഉ​ണ്ടാ​യി​ട്ടി​ല്ല.