പോ​ക്ക​റ്റ​ടി​ച്ച് വി​ല​ക്ക‍യ​റ്റം

പാ​ല​ക്കാ​ട്: ഭ​ക്ഷ്യ​വ​സ്തു​ക്ക​ൾ​ക്കെ​ല്ലാം വി​ല കു​തി​ച്ചു​ക​യ​റി​യ​തോ​ടെ അ​ടു​ക്ക​ള പു​ക​യ​ണ​മെ​ങ്കി​ൽ കീ​ശ കാ​ലി​യാ​ക്കേ​ണ്ട അ​വ​സ്ഥ​യി​ലാ​ണ് പൊ​തു​ജ​നം. പ​ച്ച​ക്ക​റി, കോ​ഴി​യി​റ​ച്ചി, ബീ​ഫ്, മീ​ൻ തു​ട​ങ്ങി​യ എ​ല്ലാ അ​വ​ശ്യ​സാ​ധ​ന​ങ്ങ​ൾ​ക്കും വി​ല കു​തി​ച്ചു​ക​യ​റു​ക​യാ​ണ്. വ​രു​മാ​ന​വും ദൈ​നം​ദി​ന ചെ​ല​വും ത​മ്മി​ൽ കൂ​ട്ടി​മു​ട്ടി​ക്കാ​ൻ സാ​ധാ​ര​ണ​ക്കാ​ർ പാ​ടു​പെ​ടു​ന്നു. 20 മു​ത​ൽ 50 രൂ​പ​യു​ടെ വ​രെ ഇ​ട​യി​ൽ നി​ന്നി​രു​ന്ന പ​ച്ച​ക്ക​റി​ക​ളി​ൽ പ​ല​തി​ന്റെ​യും വി​ല സെ​ഞ്ചു​റി​യും ക​ട​ന്നു​കു​തി​ക്കു​ക​യാ​ണ്. വെ​ളു​ത്തു​ള്ളി​യും ഇ​ഞ്ചി​യു​മാ​ണ് ആ​ഴ്ച​ക​ളാ​യി 100ന് ​മു​ക​ളി​ലെ​ത്തി നി​ൽ​ക്കു​ന്ന​ത്. ഒ​രു കി​ലോ വെ​ളു​ത്തു​ള്ളി​യു​ടെ വി​ല പ​ല​യി​ട​ത്തും 350 വ​രെ​യെ​ത്തി. ഇ​ഞ്ചി​യു​ടെ വി​ല​യും 100ന് ​മു​ക​ളി​ലാ​ണ്. വെ​ണ്ട, വ​ഴു​ത​ന​ങ്ങ, ബീ​ൻ​സ്, പ​ച്ച​മു​ള​ക് എ​ന്നി​വ​ക്കും മു​മ്പു​ണ്ടാ​യി​രു​ന്ന​തി​നെ​ക്കാ​ൾ ഇ​ര​ട്ടി വി​ല​യാ​യി. പ​ച്ച​മു​ള​കി​ന് 50 മു​ത​ൽ 60 വ​രെ ന​ൽ​ക​ണം.

പ​റ​ന്ന് കോ​ഴി​യും ബീ​ഫും

കോ​ഴി ഇ​റ​ച്ചി​ക്ക് 190 മു​ത​ൽ 200 വ​രെ വി​ല​യെ​ത്തി​യി​രു​ന്ന​തു ക​ഴി​ഞ്ഞ​ദി​വ​സ​ങ്ങ​ളി​ൽ അ​ൽ​പം കു​റ​ഞ്ഞെ​ങ്കി​ലും വീ​ണ്ടും കൂ​ടു​ന്ന​തി​ന്റെ ല​ക്ഷ​ണ​മാ​ണ് വി​പ​ണി​യി​ൽ. ബീ​ഫി​നും വി​ല മു​മ്പ​ത്തെ​ക്കാ​ളും വ​ർ​ധി​ച്ചു. 320 രൂ​പ വി​ല​യു​ണ്ടാ​യി​രു​ന്ന ഒ​രു കി​ലോ ബീ​ഫി​ന് ഇ​പ്പോ​ൾ 340 വ​രെ​യാ​ണ് ക​ച്ച​വ​ടം ന​ട​ക്കു​ന്ന​ത്.

വി​ല​കൂ​ടി മീ​നും

പ​ച്ച​ക്ക​റി​ക​ൾ​ക്കൊ​പ്പം മീ​നി​നും വി​ല ക​യ​റി. ആ​ളു​ക​ൾ കൂ​ടു​ത​ലാ​യി വാ​ങ്ങി​യി​രു​ന്ന അ​യ​ല, മ​ത്തി തു​ട​ങ്ങി​യ​വ​ക്ക് 200 രൂ​പ വ​രെ​യെ​ത്തി​യി​രു​ന്നു. ഇ​പ്പോ​ഴും 120 മു​ത​ലാ​ണ് മ​ത്തി​യു​ടെ വി​പ​ണി​യി​ലെ വി​ല. ക​ഴി​ഞ്ഞ​ദി​വ​സ​ങ്ങ​ളി​ൽ 150 രൂ​പ​ക്ക് മു​ക​ളി​ലാ​യി​രു​ന്നു അ​യ​ല​യു​ടെ വി​ൽ​പ​ന.

ഹോ​ട്ട​ലു​ക​ളി​ലും വി​ല​ക്ക​യ​റ്റം

കോ​ഴി​യി​റ​ച്ചി​ക്കും ബീ​ഫി​നും വി​ല കൂ​ടി​യ​തോ​ടെ ചി​ല ഹോ​ട്ട​ലു​ക​ൾ ഇ​വ ഉ​പ​യോ​ഗി​ച്ച് ഉ​ണ്ടാ​ക്കു​ന്ന വി​ഭ​വ​ങ്ങ​ൾ​ക്കും വി​ല വ​ർ​ധി​പ്പി​ച്ചി​ട്ടു​ണ്ട്. മീ​ൻ വി​ഭ​വ​ങ്ങ​ൾ​ക്കും സ​മാ​ന​മാ​യ രീ​തി​യി​ൽ വി​ല വ​ർ​ധ​യു​ണ്ട്.