പ​ച്ച​പ്പാ​ട​ത്തി​ന് നീ​ല​പ്പൊ​ട്ടിട്ട് വ​ട്ട​ക്കി​ണ​ർ

ആ​ന​ക്ക​ര: ഒ​രു​കാ​ല​ത്ത് അ​വ​ഗ​ണ​ന​യു​ടെ വി​ള​നി​ല​മാ​യി​രു​ന്ന കു​മ​ര​നെ​ല്ലൂ​രി​ലെ വ​ട്ട​കി​ണ​റും പ​ച്ച​തു​രു​ത്തും ഇ​ന്ന് വ​ശ്യ​ത​യു​ടെ നി​റ​ചാ​ര്‍ത്താ​കു​ന്നു. കാ​ര്‍ഷി​കാ​വ​ശ്യ​ത്തി​നാ​യി മു​ന്‍കാ​ല​ത്ത് പ​ഞ്ചാ​യ​ത്താ​ണ് വ​യ​ലി​ന് ന​ടു​വി​ല്‍ കി​ണ​ര്‍ കു​ഴി​ച്ച​ത്. ശേ​ഷി​ച്ച മ​ണ്ണ് ചു​റ്റും കൂ​ട്ടി​യി​ട്ട​തോ​ടെ കാ​ലാ​ന്ത​ര​ത്തി​ല്‍ മ​ര​ങ്ങ​ള്‍ വ​ള​ര്‍ന്നും മ​റ്റും കി​ണ​ര്‍ ഭീ​ക​ര​ത പ​ട​ര്‍ത്തി​യി​രു​ന്നു.

എ​ന്നാ​ല്‍ എ​ട്ട് വ​ര്‍ഷം മു​മ്പാ​ണ് ക​പ്പൂ​ര്‍ പ​ഞ്ചാ​യ​ത്ത് കി​ണ​ര്‍ വൃ​ത്തി​യാ​ക്കി മ​ണ്ണെ​ല്ലാം നീ​ക്കം ചെ​യ്ത് വ​ട്ട​ത്തി​ല്‍ കോ​ൺ​ക്രീ​റ്റ് കൊ​ണ്ട് സം​ര​ക്ഷ​ണ​മേ​കി​യ​ത്. ചു​റ്റു​പാ​ടും നെ​ല്‍വി​ത്തു​ക​ള്‍ മു​ള​പൊ​ട്ടി​യ​തോ​ടെ ദൂ​ര​ക്കാ​ഴ്ച​ക്ക് ശോ​ഭ​യേ​റി. വൈ​കു​ന്നേ​ര​ങ്ങ​ളി​ല്‍ യു​വാ​ക്ക​ള്‍ ചാ​ടി​ക്കു​ളി​ക്കാ​ൻ ഇ​വി​ടം തെ​ര​ഞ്ഞെ​ടു​ത്തു.

ക​ഴി​ഞ്ഞ​ദി​വ​സം സ്വ​കാ​ര്യ​വ്യ​ക്തി ആ​കാ​ശ​കാ​മ​റ ഉ​പ​യോ​ഗി​ച്ച് പ​ക​ര്‍ത്തി​യ ചി​ത്രം സാ​മൂ​ഹ്യ​മാ​ധ്യ​മ​ങ്ങ​ളി​ൽ ആ​ഘോ​ഷ​മാ​യി. ആ​റ് ദി​വ​സം കൊ​ണ്ട് 25 ല​ക്ഷ​ത്തി​ല്‍പ്പ​രം പേ​ര്‍ അ​തേ​റ്റെ​ടു​ത്തു. ഇ​പ്പോ​ള്‍ വ​ട്ട​കി​ണ​റി​ന്‍റെ ദൃ​ശ്യം ആ​സ്വ​ദി​ക്കാ​ന്‍ ആ​ളു​ക​ളു​ടെ ഒ​ഴു​ക്കാ​ണ്.