അ​രി ത​രാം കൂ​ട്ട​രേ...​പ​ണി​ത​രാം കൂ​ട്ട​രേ... അ​രി​വാ​ളും ക​തി​രു​മാ​ണ്​ എ​െൻറ ചി​ഹ്നം...

വ​ട​ക്ക​ഞ്ചേ​രി: നാ​ല് പ​തി​റ്റാ​ണ്ട് മു​മ്പാ​ണ്​ ക​മ്യൂ​ണി​സ്​​റ്റ്​ നേ​താ​വാ​യ സി.​ടി. കൃ​ഷ്ണ​ൻ ആ​ല​ത്തൂ​ർ നി​യോ​ജ​ക മ​ണ്ഡ​ല​ത്തി​ൽ​നി​ന്ന് ആ​ദ്യ​മാ​യി വി​ജ​യി​ച്ച്​ നി​യ​മ​സ​ഭ​യി​ലെ​ത്തി​യ​ത്. 1980ലാ​യി​രു​ന്നു ആ​ദ്യ​മ​ത്സ​രം. അ​ന്ന്​ കി​ഴ​ക്ക​ഞ്ചേ​രി​ക്കാ​ര​നാ​യ ത​ന്നെ സൂ​ക്ഷി​ക്ക​ണ​മെ​ന്ന​ും അ​പ​ക​ട​മാ​ണെ​ന്നും, മ​ണ്ഡ​ല​ത്തി​ൽ എ​തി​രാ​ളി​ക​ൾ വ്യാ​പ​ക​മാ​യി പ്ര​ചാ​ര​ണം അ​ഴി​ച്ചു​വി​ട്ടി​രു​ന്ന​താ​യി കൃ​ഷ്​​ണ​ൻ ഒാ​ർ​ക്കു​ന്നു. ആ ​കാ​ല​ത്ത് കി​ഴ​ക്ക​ഞ്ചേ​രി ഭാ​ഗ​ത്ത് രാ​ഷ്​​ട്രീ​യ സം​ഘ​ട്ട​ന​ങ്ങ​ൾ ഇ​ട​ക്കി​ടെ ഉ​ണ്ടാ​കു​ന്ന കാ​ല​മാ​യി​രു​ന്നു. അ​തു​വെ​ച്ചാ​ണ്​ അ​ന്നാ​ട്ടു​കാ​ര​​നാ​യ ത​ന്നെ​ക്കു​റി​ച്ച്​ അ​വ​ർ കു​പ്ര​ചാ​ര​ണം അ​ഴി​ച്ചു​വി​ട്ട​തെ​ന്നും സി.​ടി പ​റ​യു​ന്നു.

1980ക​ൾ വ​രെ മെ​ഗാ​ഫോ​ൺ ഉ​പ​യോ​ഗി​ച്ചാ​യി​രു​ന്നു വോ​ട്ട​ഭ്യ​ർ​ഥ​ന. സ്ഥാ​നാ​ർ​ഥി​ക്ക് സ​ഞ്ച​രി​ക്കാ​നും വി​ളി​ച്ചു​പ​റ​യാ​നും ഒ​രേ വാ​ഹ​ന​മാ​യി​രു​ന്നു. വൈ​കു​ന്നേ​ര​ങ്ങ​ളി​ൽ ഗ്രാ​മ​ങ്ങ​ൾ തോ​റും മെ​ഗാ​ഫോ​ണു​മാ​യി പാ​ർ​ട്ടി പ്ര​വ​ർ​ത്ത​ക​ർ ഇ​റ​ങ്ങും. അ​തി​ലൂ​ടെ സ്ഥാ​നാ​ർ​ഥി​യു​ടെ പേ​രും ചി​ഹ്​​ന​വും പ​റ​ഞ്ഞ് വോ​ട്ട​ഭ്യ​ർ​ഥി​ക്കും. അ​തോ​ടൊ​പ്പം സ്ഥാ​നാ​ർ​ഥി​യു​ടെ പേ​ര് ചേ​ർ​ത്തി ആ​നു​കാ​ലി​ക സം​ഭ​വ​ങ്ങ​ൾ കോ​ർ​ത്തി​ണ​ക്കി​യു​ള്ള പാ​ട്ട് പാ​ടി​യും വോ​ട്ട് തേ​ടും. അ​രി ത​രാം കൂ​ട്ട​രേ...​പ​ണി​ത​രാം കൂ​ട്ട​രേ... അ​രി​വാ​ളും ക​തി​രു​മാ​ണ്​ എ​െൻറ ചി​ഹ്നം... എ​ന്നു തു​ട​ങ്ങു​ന്ന അ​വി​ഭ​ക്ത ക​മ്യൂ​ണി​സ്​​റ്റ്​ പാ​ർ​ട്ടി​യു​ടെ ഗാ​നം പാ​ടി​യ​തും സി.​ടി ഓ​ർ​ക്കു​ന്നു.

പൊ​തു​യോ​ഗ​ങ്ങ​ൾ ചേ​രു​മ്പോ​ഴും അ​വ​സാ​നി​ക്കു​മ്പോ​ഴും രാ​ഷ്​​ട്രീ​യ ഗാ​നാ​ലാ​പ​ന​മു​ണ്ടാ​യി​രു​ന്നു. പ്ര​ചാ​ര​ണ​ത്തി​ന് ചു​ണ്ണാ​മ്പും പ​ഞ്ച​സാ​ര​യും തു​രി​ശും ചേ​ർ​ത്ത് ചൂ​ടാ​ക്കി​യ മി​ശ്രി​തം കൊ​ണ്ട് പ​ന​യു​ടെ ത​ണ്ട് ച​ത​ച്ച് ബ്ര​ഷ് പോ​ലെ​യാ​ക്കി​യാ​ണ് ചു​വ​രെ​ഴു​ത്ത് ന​ട​ത്തി​യി​രു​ന്ന​ത്. റോ​ഡി​ലും പാ​റ​ക​ളി​ലും എ​ഴു​തും. ഏ​റ്റ​വും ഉ​യ​ര​ത്തി​ലു​ള്ള മ​ല​മു​ക​ളി​ലെ പാ​റ​പ്പു​റ​ത്ത് എ​ഴു​തു​മ്പോ​ൾ മാ​സ​ങ്ങ​ളോ​ളം അ​ത് മാ​യാ​തെ നി​ൽ​ക്കും. മ​ഷി​ഗു​ളി​ക ക​ല​ക്കി​യാ​ണ് പോ​സ്​​റ്റ​റു​ക​ൾ എ​ഴു​തി​യി​രു​ന്ന​ത്. ഇ​ന്ന​ത്തെ കു​ടും​ബ​യോ​ഗ​ങ്ങ​ൾ പോ​ലെ ചെ​റി​യ പൊ​തു​യോ​ഗ​ങ്ങ​ളും പ്ര​ചാ​ര​ണ​ത്തി​െൻറ ഭാ​ഗ​മാ​യി ന​ട​ത്തും.

1980ലും 1982​ലും ന​ട​ന്ന ര​ണ്ട് തെ​ര​ഞ്ഞെ​ടു​പ്പു​ക​ളി​ലാ​ണ് സി.​ടി. കൃ​ഷ്ണ​ൻ ആ​ല​ത്തൂ​രി​ൽ മ​ത്സ​രി​ച്ചി​രു​ന്ന​ത്. ര​ണ്ടി​ലും വി​ജ​യി​ച്ചു. 1987ൽ ​കൊ​ല്ല​ങ്കോ​ട്ടേ​ക്ക് മാ​റി. ആ​കെ 11 വ​ർ​ഷം നി​യ​മ​സ​ഭാം​ഗ​മാ​യി. അ​ന്ന​ത്തെ രീ​തി​ക​ളി​ൽ നി​ന്ന് എ​ല്ലാ മേ​ഖ​ല​ക​ളി​ലും വ​ലി​യ മാ​റ്റ​ങ്ങ​ളാ​ണ് ഇ​പ്പോ​ൾ വ​ന്നി​ട്ടു​ള്ള​തെ​ന്ന് സി.​ടി. കൃ​ഷ്ണ​ൻ പ​റ​ഞ്ഞു.