ഗൃഹനാഥന്റെ മരണം: വനം വകുപ്പ് ഓഫിസിന്​ മുന്നിൽ മൃതദേഹവുമായി പ്രതിഷേധം

വ​ട​ക്ക​ഞ്ചേ​രി: മം​ഗ​ലം ഡാം ​ഓ​ടം​തോ​ട്ടി​ൽ ഗൃ​ഹ​നാ​ഥ​ന്റെ ആ​ത്മ​ഹ​ത്യ​ക്ക് കാ​ര​ണ​മാ​യ​ത് വ​നം വ​കു​പ്പി​ന്റെ മാ​ന​സി​ക പീ​ഡ​ന​മാ​ണെ​ന്നാ​രോ​പി​ച്ച് മൃ​ത​ദേ​ഹ​വു​മാ​യി വ​നം വ​കു​പ്പ് ഓ​ഫി​സി​ന് മു​ന്നി​ൽ നാ​ട്ടു​കാ​രു​ടെ പ്ര​തി​ഷേ​ധം. ഓ​ടം​തോ​ട് കാ​നാ​ട്ട് വീ​ട്ടി​ൽ സ​ജീ​വാ​ണ് (54) ക​ഴി​ഞ്ഞ​ദി​വ​സം മ​രി​ച്ച​ത്.

ടാ​പ്പി​ങ്​ തൊ​ഴി​ലാ​ളി​യാ​യ സ​ജീ​വി​നെ ക​വി​ളു​പാ​റ​യി​ലെ തോ​ട്ട​ത്തി​ലെ വീ​ടി​ന് മു​ന്നി​ൽ മ​രി​ച്ച​നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. തി​ങ്ക​ളാ​ഴ്ച മൃ​ത​ദേ​ഹം പോ​സ്റ്റ്മോ​ർ​ട്ടം ചെ​യ്ത​പ്പോ​ഴാ​ണ് വി​ഷം അ​ക​ത്ത് ചെ​ന്നാ​ണ് മ​ര​ണം സം​ഭ​വി​ച്ച​തെ​ന്ന് സ്ഥി​രീ​ക​രി​ച്ച​ത്. ആ​ഗ​സ്റ്റ് 11ന് ​ഓ​ടം​തോ​ട്ടി​ലെ തോ​ട്ട​ത്തി​ൽ പു​ലി ച​ത്ത സം​ഭ​വ​വു​മാ​യി ബ​ന്ധ​പ്പെ​ട്ട് സ​ജീ​വി​നെ വ​നം വ​കു​പ്പ് അ​ധി​കൃ​ത​ർ ചോ​ദ്യം ചെ​യ്തി​രു​ന്നു. ഇ​തി​ൽ മ​നോ​വി​ഷ​മ​ത്തി​ലാ​യി​രു​ന്നെ​ന്ന് ബ​ന്ധു​ക്ക​ൾ പ​റ​ഞ്ഞു. വ​നം വ​കു​പ്പ് അ​ധി​കൃ​ത​രു​ടെ മാ​ന​സി​ക പീ​ഡ​ന​മാ​ണ് ആ​ത്മ​ഹ​ത്യ​ക്ക് പി​ന്നി​ലെ​ന്നാ​രോ​പി​ച്ചാ​ണ് നാ​ട്ടു​കാ​ർ മൃ​ത​ദേ​ഹ​വു​മാ​യി ക​രി​ങ്ക​യം ഫോ​റ​സ്റ്റ് ഓ​ഫി​സി​ന് മു​ന്നി​ൽ പ്ര​തി​ഷേ​ധി​ച്ച​ത്.

മൃ​ത​ദേ​ഹം കൊ​ണ്ടു​വ​ന്ന ആം​ബു​ല​ൻ​സ് അ​ര​മ​ണി​ക്കൂ​റോ​ളം ഓ​ഫി​സി​ന് മു​ന്നി​ൽ നി​ർ​ത്തി​യി​ട്ട് പ്ര​തി​ഷേ​ധി​ക്കു​ക​യാ​യി​രു​ന്നു. പു​ലി ച​ത്ത​തി​​ന്റെ പേ​രി​ൽ വ​നം വ​കു​പ്പ് അ​ധി​കൃ​ത​ർ ക​ർ​ഷ​ക​രോ​ട് കാ​ണി​ക്കു​ന്ന പീ​ഡ​നം അ​വ​സാ​നി​പ്പി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

ആ​ല​ത്തൂ​ർ സി.​ഐ ടി.​എ​ൻ. ഉ​ണ്ണി​കൃ​ഷ്ണ​ൻ, നെ​ന്മാ​റ എ​സ്.​ഐ വി​വേ​ക് നാ​രാ​യ​ണ​ൻ, വ​ട​ക്ക​ഞ്ചേ​രി എ​സ്.​ഐ പി. ​ബാ​ബു, മം​ഗ​ലം ഡാം ​എ.​എ​സ്.​ഐ സ​ജീ​വ്കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ പൊ​ലീ​സ് സ്ഥ​ല​ത്തെ​ത്തി​യി​രു​ന്നു. സ​ജീ​വി​ന്റെ മൃ​ത​ദേ​ഹം ഐ​വ​ർ​മ​ഠ​ത്തി​ൽ സം​സ്ക​രി​ച്ചു.