മൊബൈൽ വെട്ടത്തിൽ കുത്തിവെപ്പ്​: ഇത്​ അട്ടപ്പാടി ഉൗരിലെ കാഴ്​ച

പാ​ല​ക്കാ​ട്​: കോ​വി​ഡ് പ്ര​തി​രോ​ധം ല​ക്ഷ്യ​മി​ട്ട് അ​ട്ട​പ്പാ​ടി​യി​ലെ ഊ​രു​ക​ള്‍ കേ​ന്ദ്രീ​ക​രി​ച്ച് കു​ത്തി​വെ​പ്പ്​ ക്യാ​മ്പു​ക​ള്‍ സ​ജീ​വം. ഊ​രു​ക​ളി​ലെ 45 വ​യ​സ്സി​ന് മു​ക​ളി​ലു​ള്ള 60 ശ​ത​മാ​നം പേ​ര്‍ക്കും ഇ​തി​നോ​ട​കം വാ​ക്‌​സി​ന്‍ ന​ല്‍കി ക​ഴി​ഞ്ഞു.

18 വ​യ​സ്സി​ന് മു​ക​ളി​ലു​ള്ള​വ​രു​ടെ വാ​ക്‌​സി​നേ​ഷ​ന്‍ പു​രോ​ഗ​മി​ക്കു​ന്ന​താ​യും അ​ടു​ത്ത ഒ​രു​മാ​സ​ത്തി​ന​കം ഊ​രു​ക​ളി​ല്‍ എ​ല്ലാ​വ​ര്‍ക്കും വാ​ക്‌​സി​നേ​ഷ​ന്‍ എ​ത്തി​ക്കാ​നാ​ണ് ആ​രോ​ഗ്യ വ​കു​പ്പ് ശ്ര​മി​ക്കു​ന്ന​തെ​ന്നും ​അ​ട്ട​പ്പാ​ടി ​േബ്ലാ​ക്ക്​ മെ​ഡി​ക്ക​ൽ ഒാ​ഫി​സ​ർ ഡോ. ​ജൂ​ഡ് ജോ​സ് തോം​സ​ണ്‍ അ​റി​യി​ച്ചു. ഷോ​ള​യൂ​ര്‍ കു​ടും​ബാ​രോ​ഗ്യ കേ​ന്ദ്ര​ത്തി​ന് കീ​ഴി​ലെ തൂ​വ, ഉ​റി​യ​ന്‍ചാ​ള, മൂ​ല​ഗം​ഗ​ല്‍, വെ​ള്ള​ക്കു​ളം, വെ​ച്ച​പ്പ​തി തു​ട​ങ്ങി​യ വി​ദൂ​ര ആ​ദി​വാ​സി ഊ​രു​ക​ളി​ല്‍ പ​ക​ല്‍ സ​മ​യം ഊ​രു​നി​വാ​സി​ക​ള്‍ ആ​ടു​ക​ളും പ​ശു​ക്ക​ളും മേ​യ്ക്കാ​ന്‍ കാ​ട് ക​യ​റി പോ​വു​ന്ന​തി​നാ​ല്‍ വൈ​കു​ന്നേ​ര​ങ്ങ​ളി​ല്‍ ഊ​രു​ക​ളി​ലെ​ത്തി രാ​ത്രി ഏ​റെ വൈ​കി​യും ഇ​വ​ര്‍ക്ക് വാ​ക്സി​നേ​ഷ​ന്‍ ന​ൽ​കു​ന്നു​ണ്ട്. വൈ​ദ്യു​തി എ​ത്താ​ത്ത ഉൗ​രു​ക​ളി​ൽ പ​​ല​പ്പോ​ഴും രാ​ത്രി മൊ​ബൈ​ൽ ഫോ​ൺ വെ​ളി​ച്ച​ത്തി​ലാ​ണ്​ കു​ത്തി​വെ​പ്പ്​ ന​ട​ത്തു​ന്ന​ത്.

ഊ​രു​ക​ളി​ല്‍ കോ​വി​ഡ് പോ​സി​റ്റി​വാ​കു​ന്ന ഗ​ര്‍ഭി​ണി​ക​ള്‍ക്ക് കൃ​ത്യ​മാ​യ ചി​കി​ത്സ ഉ​റ​പ്പ് വ​രു​ത്തു​ന്ന​തി​നാ​യി അ​ഗ​ളി സി.​എ​ച്ച്.​സി​യി​ലെ ര​ണ്ടാം​ത​ല ചി​കി​ത്സ കേ​ന്ദ്ര​ത്തി​ലേ​ക്ക് മാ​റ്റി ആ​വ​ശ്യ​മാ​യ പ​രി​ച​ര​ണം ഉ​റ​പ്പു​വ​രു​ത്തു​ന്നു​ണ്ട്. കോ​ട്ട​ത്ത​റ ട്രൈ​ബ​ല്‍ ആ​ശു​പ​ത്രി​യി​ല്‍ കൂ​ടു​ത​ല്‍ വെൻറി​ലേ​റ്റ​റു​ക​ള്‍ സ​ജ്ജ​മാ​ക്കു​ന്ന​താ​യും മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു.

ആ​ന​വാ​യ്, തു​ഡു​ക്കി, ഗ​ല​സി ഉ​ള്‍പ്പ​ടെ​യു​ള്ള ഉ​ള്‍പ്ര​ദേ​ശ​ങ്ങ​ളി​ലെ ഊ​രു​ക​ളി​ല്‍ പൊ​ലീ​സ്, വ​നം വ​കു​പ്പ് ഉ​ദ്യോ​ഗ​സ്ഥ​രു​ടെ സ​ഹ​ക​ര​ണ​ത്തോ​ടെ ആ​രോ​ഗ്യ പ്ര​വ​ര്‍ത്ത​ക​ര്‍ നേ​രി​ട്ടെ​ത്തി വാ​ക്‌​സി​നേ​ഷ​ന്‍ എ​ടു​പ്പി​ക്കു​ന്നു​ണ്ട്. വ​രും​ദി​വ​സ​ങ്ങ​ളി​ലും അ​ത് തു​ട​രും.