സമാനതകളില്ലാത്ത രക്ഷാദൗത്യം

പാ​ല​ക്കാ​ട്​: മ​ല​മ്പു​ഴ ചെ​റാ​ട്​ മ​ല​യി​ലെ പാ​റ​ക്കെ​ട്ടി​ൽ കു​ടു​ങ്ങി​യ യു​വാ​വി​നെ ര​ക്ഷി​ക്കാ​ൻ ന​ട​ന്ന​ത്​ സ​മാ​ന​ത​ക​ളി​ല്ലാ​ത്ത ര​ക്ഷാ​ദൗ​ത്യം. ചെ​ങ്കു​ത്താ​യ മ​ല​ഞ്ചെ​രി​വാ​യ​തി​നാ​ൽ പ​രി​ശ്ര​മ​ത്തി​നൊ​പ്പം വ​ലി​യ വൈ​ദ​ഗ്​​ധ്യ​വും ഇ​തി​നാ​യി വേ​ണ്ടി​യി​രു​ന്നു. അ​തി​നാ​ൽ, എ​വ​റ​സ്റ്റ് കീ​ഴ​ട​ക്കി​യ ര​ണ്ടു​പേ​രെ​യും സൈ​ന്യ​ത്തി​ന്‍റെ സം​ഘ​ത്തി​ൽ ഉ​ൾ​പ്പെ​ടു​ത്തി​യി​രു​ന്നു. മ​ദ്രാ​സ് റെ​ജി​മെ​ന്‍റി​ൽ നി​ന്നു​ള്ള​വ​രാ​യി​രു​ന്നു ഇ​വ​ർ. ഇ​വ​രെ കൂ​ടാ​തെ പ​ർ​വ​താ​രോ​ഹ​ക​രു​മു​ണ്ടാ​യി​രു​ന്നു.

ദേ​ശീ​യ ദു​ര​ന്ത​നി​വാ​ര​ണ​സേ​ന​യു​ടെ ഒ​രു ബാ​ച്ച് മു​ഴു​വ​ൻ ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​യി. ഇ​വ​ർ​​​ക്കൊ​പ്പം ആ​ന്‍റി ടെ​റ​റി​സ്റ്റ് ടീ​മും പൊ​ലീ​സു​മു​ണ്ടാ​യി​രു​ന്നു. ആ​ധു​നി​ക സാ​​ങ്കേ​തി​ക​വി​ദ്യ പ​ര​മാ​വ​ധി ഉ​പ​യോ​ഗി​ച്ചാ​യി​രു​ന്നു ഓ​രോ ഘ​ട്ട​ത്തി​ലും ര​ക്ഷാ​പ്ര​വ​ർ​ത്ത​നം മു​ന്നോ​ട്ടു​പോ​യ​ത്. ലൈ​വ് വി​വ​ര​ങ്ങ​ൾ​ക്കാ​യി സ​ർ​വേ​യു​ടെ ഡ്രോ​ൺ സം​ഘ​വും നി​ര​ന്ത​രം പ​രി​ശ്ര​മി​ച്ചു. മൂ​ന്ന് ഡോ​ക്ട​ർ​മാ​രു​ൾ​പ്പെ​ടു​ന്ന സം​ഘ​വും സ​ജ്ജ​മാ​യി​രു​ന്നു.

പ​ല ദൗ​ത്യ​സം​ഘ​ങ്ങ​ളെ ഏ​കോ​പി​പ്പി​ച്ചാ​യി​രു​ന്നു പ്ര​വ​ർ​ത്ത​ന​ങ്ങ​ൾ മു​ന്നോ​ട്ടു​പോ​യ​ത്. 1,000 മീ​റ്റ​ർ ഉ​യ​ര​മു​ള്ള ചെ​ങ്കു​ത്താ​യ മ​ല​യി​ൽ മു​ക​ളി​ൽ നി​ന്ന്​ 400 മീ​റ്റ​റോ​ളം താ​ഴെ​യാ​യി​രു​ന്നു ബാ​ബു കു​ടു​ങ്ങി​ക്കി​ട​ന്നി​രു​ന്ന​ത്. ചെ​ങ്കു​ത്താ​യ മ​ല​യാ​യ​തി​നാ​ൽ റോ​പ്പ് ഇ​ട്ട് കൊ​ടു​ത്ത് ര​ക്ഷി​ക്കു​ക ശ്ര​മ​ക​ര​മാ​യി​രു​ന്നു. തി​ങ്ക​ളാ​ഴ്ച രാ​ത്രി ത​ന്നെ വ​നം, പൊ​ലീ​സ്, അ​ഗ്നി​ര​ക്ഷാ​സേ​ന ഉ​ദ്യോ​ഗ​സ്ഥ​രു​ടെ സം​ഘം മ​ല ക​യ​റി​യെ​ങ്കി​ലും ഇ​രു​ട്ടാ​യ​തി​നാ​ൽ ര​ക്ഷാ​പ്ര​വ​ർ​ത്ത​നം ന​ട​ന്നി​ല്ല.

ചൊ​വ്വാ​ഴ്ച രാ​വി​ലെ മ​റ്റൊ​രു സം​ഘ​വും മ​ല ക​യ​റി. ഫ​ല​മു​ണ്ടാ​യി​ല്ല. ദേ​ശീ​യ ദു​ര​ന്ത​നി​വാ​ര​ണ സേ​ന ക​യ​ർ ഇ​റ​ക്കി പാ​റ​യി​ടു​ക്കി​ൽ എ​ത്താ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. കോ​സ്റ്റ്ഗാ​ർ​ഡി​ന്‍റെ ഹെ​ലി​കോ​പ്റ്റ​ർ എ​ത്തി​യെ​ങ്കി​ലും ഭൂ​പ്ര​കൃ​തി​യും ശ​ക്ത​മാ​യ കാ​റ്റും കാ​ര​ണം പി​ന്മാ​റേ​ണ്ടി വ​ന്നു. ഭ​ക്ഷ​ണ​വും വെ​ള്ള​വും എ​ത്തി​ക്കാ​ൻ കോ​യ​മ്പ​ത്തൂ​രി​ൽ നി​ന്ന്​ ഫു​ഡ്​ ഡെ​ലി​വ​റി ഡ്രോ​ണ​ട​ക്കം എ​ത്തി​ക്കാ​നു​ള്ള ശ്ര​മ​ങ്ങ​ളും ന​ട​ന്നിരുന്നു. മ​ദ്രാ​സ് റെ​ജി​മെ​ന്‍റി​ലെ സൈ​നി​ക​ർ, പാ​രാ റെ​ജി​മെ​ന്‍റ് സെ​ന്‍റ​റി​ലെ സൈ​നി​ക​ർ എ​ന്നി​വ​രാ​ണ്​ മ​ല​മ്പു​ഴ മി​ഷ​നി​ൽ പ​​ങ്കെ​ടു​ത്ത​ത്. മ​ല​യാ​ളി​യാ​യ ല​ഫ്. കേ​ണ​ൽ ഹേ​മ​ന്ത് രാ​ജി​ന്‍റെ നേ​തൃ​ത്വ​ത്തി​ൽ ദ​ക്ഷി​ണ ഭാ​ര​ത ഏ​രി​യ ജി.​ഒ.​സി ല​ഫ്റ്റ​ന​ന്‍റ് ജ​ന​റ​ൽ അ​രു​ണാ​ണ്​ ര​ക്ഷാ​പ്ര​വ​ർ​ത്ത​നം ഏ​കോ​പി​പ്പി​ച്ച​ത്.