ബൈക്കുകൾ കൂട്ടിയിടിച്ച് രണ്ടുപേർക്ക് പരിക്ക്

മുണ്ടൂർ: ബൈക്കുകൾ കൂട്ടിയിടിച്ച് യാത്രക്കാരായ രണ്ടുപേർക്ക് പരിക്കേറ്റു. കോങ്ങാട് മണിക്കശ്ശേരി രാജേന്ദ്രൻ (54), മണ്ണാർക്കാട് പെരിമ്പിടാരി നിഷാദ് (26) എന്നിവർക്കാണ് പരിക്കേറ്റത്. ഇവർ മണ്ണാർക്കാട് വട്ടമ്പലം സ്വകാര്യ ആശുപത്രിയിൽ ചികിത്സ തേടി. പരിക്ക് സാരമുള്ളതല്ല. പാലക്കാട് - കോഴിക്കോട് ദേശീയപാതയിൽ ബുധനാഴ്ച ഉച്ചക്ക് 12.30നാണ് അപകടം.