ലോക തണ്ണീർത്തട ദിനം ഇന്ന്; ചോദ്യചിഹ്നമായി നെൽവയലുകളും തണ്ണീർത്തടങ്ങളും

കോ​ങ്ങാ​ട്: ഇ​ന്ന് ലോ​ക ത​ണ്ണീ​ർ​ത്ത​ട ദി​നം ആ​ച​രി​ക്കു​മ്പോ​ഴും മ​ണ്ണും കോ​ൺ​ക്രീ​റ്റും നി​റ​ഞ്ഞ് അ​പ്ര​ത്യ​ക്ഷ​മാ​കു​ന്ന നെ​ൽ​വ​യ​ലു​ക​ളും ത​ണ്ണീ​ർ​ത്ത​ട​ങ്ങ​ളും ചോ​ദ്യ​ചിഹ്ന​മാ​വു​ന്നു. ഗ്രാ​മ​പ്ര​ദേ​ശ​ങ്ങ​ളി​ൽ ത​ണ്ണീ​ർ​ത്ത​ട​ങ്ങ​ൾ പ​ല​തും നാ​ശ​ത്തി​ന്റെ വ​ക്കി​ലാ​ണ്. ഗ്രാ​മീ​ണ മേ​ഖ​ല​ക​ൾ ന​ഗ​ര​വ​ത്ക​ര​ണ​ത്തി​ന് വ​ഴി​മാ​റി​യ​തും റോ​ഡു​ക​ളു​ടെ വി​ക​സ​ന​വും പ​ല​യി​ട​ത്തും നെ​ൽ​വ​യ​ൽ വി​ഴു​ങ്ങു​ന്ന​താ​ണ് കാ​ഴ്ച.

ഒ​രു വ​ർ​ഷ​ത്തി​നി​ടെ മു​ണ്ടൂ​ർ-​തൂ​ത റോ​ഡ്, ഉ​ൾ​നാ​ട​ൻ ഗ്രാ​മീ​ണ പാ​ത​ക​ൾ എ​ന്നി​വ​യു​ടെ ന​വീ​ക​ര​ണ​ത്തോ​ടെ ഗ​താ​ഗ​ത​സൗ​ക​ര്യ​മു​ള്ള സ്ഥ​ല​ങ്ങ​ളി​ലെ വ​യ​ലു​ക​ൾ പ​കു​തി​യി​ലേ​റെ വി​വി​ധ നി​ർ​മി​തി​ക​ൾ​ക്ക് വ​ഴി​മാ​റി. സ​മീ​പ പ്ര​ദേ​ശ​ങ്ങ​ളി​ൽ വ​യ​ലു​ക​ൾ വ​ൻ​തോ​തി​ൽ നി​ക​ത്ത​പ്പെ​ട്ട​തോ​ടെ പ​ന്നി​ക്കോ​ട് നി​ന്ന് ഉ​ത്ഭ​വി​ക്കു​ന്ന ചെ​റാ​യ തോ​ട് നാ​യാ​ടി​ക്കു​ന്ന് വ​രെ മെ​ലി​ഞ്ഞു​ണ​ങ്ങി.

വേ​ന​ലി​ൽ ജ​ല​സേ​ച​ന​ത്തി​നും മ​റ്റ് ആ​വ​ശ്യ​ങ്ങ​ൾ​ക്കും ന​ല്ല​തോ​തി​ൽ ഉ​പ​യോ​ഗി​ച്ചി​രു​ന്ന തോ​ടാ​ണി​ത്. ജ​ല​സ്രോ​ത​സ്സു​ക​ളു​ടെ നി​ല​നി​ൽ​പ്പി​ൽ മു​ഖ്യ​പ​ങ്ക് വ​ഹി​ക്കു​ന്ന കു​ള​ങ്ങ​ളും കൊ​ച്ചു തോ​ടു​ക​ളും പ​ല​തും അ​പ്ര​ത്യ​ക്ഷ​മാ​യി. നാ​യാ​ടി​ക്കു​ന്ന്, വെ​ട്ടു​കു​ളം, ക​രാ​ണി​പ്പാ​ടി, ചെ​റാ​യ എ​ന്നി​വി​ട​ങ്ങ​ളി​ൽ വ​യ​ലു​ക​ൾ മ​ണ്ണി​ട്ട് നി​ക​ത്തി​യ​തോ​ടെ തോ​ടി​ന്റെ കൈ​വ​ഴി​ക​ളും നീ​ർ​ച്ചാ​ലു​ക​ളും ഇ​ല്ലാ​താ​യി. ഒ​രു ഗ്രാ​മ​ത്തി​ന്റെ ചി​ര​കാ​ല അ​ട​യാ​ള​മാ​യി​രു​ന്ന മാ​രാ​ർ​ക്കു​ളം ഇ​ന്ന് സ്ഥ​ല​നാ​മ​ത്തി​ൽ മാ​ത്ര​മാ​യി ഒ​തു​ങ്ങി.

ത​ണ്ണീ​ർ​ത്ത​ട സം​ര​ക്ഷ​ണ നി​യ​മ​വും അ​വ സം​ര​ക്ഷി​ക്കാ​ൻ പ​ഞ്ചാ​യ​ത്ത്ത​ല സ​മി​തി​ക​ളും പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും ത​ണ്ണീ​ർ​ത്ത​ട​ങ്ങ​ളും ഗ്രാ​മ​ങ്ങ​ളും പ​ച്ച​പ്പും പ​തു​ക്കെ അ​വ്യ​ക്ത​മാ​യ കാ​ഴ്ച​യാ​വു​ക​യാ​ണ്.

മണ്ണ് ഖനനവും ഇഷ്ടികക്കളങ്ങളും വ്യാപകം; കണ്ണടച്ച് അധികൃതർ

കൊ​ല്ല​ങ്കോ​ട്: അ​ന​ധി​കൃ​ത മ​ണ്ണ് ഖ​ന​ന​വും ഇ​ഷ്ടി​ക​ക്ക​ള​ങ്ങ​ളും വ്യാ​പ​ക​മാ​യി​ട്ടും ന​ട​പ​ടി​യെ​ടു​ക്കാ​തെ റ​വ​ന്യൂ- പ​ഞ്ചാ​യ​ത്ത് അ​ധി​കൃ​ത​ർ. തെ​ന്മ​ല​യോ​ര പ്ര​ദേ​ശ​ങ്ങ​ളാ​യ മേ​ച്ചി​റ, തേ​ക്കി​ൻ​ചി​റ, വാ​ഴ​പ്പു​ഴ, മാ​മ​ണി, ചാ​ത്ത​ൻ​പാ​റ, മ​ണ്ണാ​ർ​കു​ണ്ട്, മാ​ത്തൂ​ർ, അ​ടി​വാ​രം തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് മ​ണ്ണെ​ടു​പ്പും അ​ന​ധി​കൃ​ത ഇ​ഷ്ടി​ക​ക്ക​ള​ങ്ങ​ളും പ്ര​വ​ർ​ത്തി​ക്കു​ന്ന​ത്.

ഇ​ഷ്ടി​ക​ക്ക​ള​ങ്ങ​ൾ​ക്കും ഓ​ട്ടു​ക​മ്പ​നി​ക​ൾ​ക്കു​മാ​യി മ​ണ്ണ് ക​ട​ത്തു​മ്പോ​ൾ ന​ട​പ​ടി​യു​ണ്ടാ​കു​ന്നി​ല്ല. കൂ​ടാ​തെ നെ​ൽ​പാ​ട​ങ്ങ​ളി​ൽ ഖ​ന​നം ചെ​യ്ത മ​ണ്ണ് ഇ​ഷ്ടി​ക രൂ​പ​ത്തി​ലാ​ക്കി ഇ​ത​ര ജി​ല്ല​ക​ളി​ലേ​ക്ക് ക​ട​ത്തു​ന്ന​വ​രു​മു​ണ്ട്.

ആ​റ് വ​ർ​ഷ​ത്തി​നി​ടെ ത​ഹ​സി​ൽ​ദാ​ർ, ഡ​പ്യൂ​ട്ടി ക​ല​ക്ട​ർ, ജി​ല്ല ക​ല​ക്ട​ർ എ​ന്നി​വ​ർ വ​രെ എ​ത്തി അ​ന​ധി​കൃ​ത ഖ​ന​നം, ഇ​ഷ്ടി​ട​ക്ക​ളം എ​ന്നി​വ​ക്കെ​തി​രെ ന​ട​പ​ടി എ​ടു​ത്തി​ട്ടും വീ​ണ്ടും അ​തേ പ്ര​ദേ​ശ​ങ്ങ​ളി​ൽ ഉ​ദ്യോ​ഗ​സ്ഥ​രെ പോ​ക്ക​റ്റി​ലാ​ക്കി ചൂ​ഷ​ണം തു​ട​രു​ക​യാ​ണ്. തെ​ന്മ​ല അ​ടി​വാ​ര​ത്തി​ലെ ഖ​ന​ന പ്ര​ദേ​ശ​ങ്ങ​ളി​ൽ പ​രി​ശോ​ധ​ന ന​ട​ത്തി ന​ട​പ​ടി​യെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.