തു​പ്പ​നാ​ട് അ​പ​ക​ടം: അ​ധി​കൃ​ത​ർ ക​ണ്ണ് തു​റ​ക്കു​മോ?

ക​ല്ല​ടി​ക്കോ​ട്: ന​വീ​ക​രി​ച്ച പാ​ല​ക്കാ​ട്-​കോ​ഴി​ക്കോ​ട് ദേ​ശീ​യ​പാ​ത​യി​ലെ പ്ര​ധാ​ന പാ​ല​ങ്ങ​ളി​ലൊ​ന്നാ​യ തു​പ്പ​നാ​ട് പാ​ല​ത്തി​ലെ അ​പ​ക​ട സാ​ധ്യ​ത ഇ​ല്ലാ​താ​ക്കാ​ൻ അ​ധി​കൃ​ത​ർ ക​ണ്ണ് തു​​റ​ക്കു​മോ? അ​പ്രോ​ച്ച് റോ​ഡി​ൽ സു​ര​ക്ഷ​വേ​ലി അ​ട​ക്ക​മു​ള്ള സം​വി​ധാ​ന​ങ്ങ​ൾ ക്ര​മീ​ക​രി​ക്കാ​ൻ ഇ​നി​യെ​ങ്കി​ലും ദേ​ശീ​യ​പാ​ത അ​തോ​റി​റ്റി ഉ​ണ​ർ​ന്ന് പ്ര​വ​ർ​ത്തി​ക്ക​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. പാ​ർ​ശ്വ​ഭി​ത്തി​യോ ബാ​രി​ക്കേ​ഡോ നി​ർ​മി​ക്കാ​ത്ത​ത് ഇ​വി​ടെ സു​ര​ക്ഷി​ത​യാ​ത്ര​ക്ക് ഭീ​ഷ​ണി​യാ​ണ്.

ഒ​ന്ന​ര​മാ​സം മു​മ്പ് കാ​ർ ത​ല​കീ​ഴാ​യി മ​റി​ഞ്ഞ​ത് ഈ ​സ്ഥ​ല​ത്താ​ണ്. ക​ഴി​ഞ്ഞ ദി​വ​സം നി​യ​ന്ത്ര​ണം​വി​ട്ട ച​ര​ക്ക് ലോ​റി ഓ​ട്ടോ​യി​ൽ ഇ​ടി​ച്ച് മ​റി​ഞ്ഞ​തും പാ​ലം അ​പ്രോ​ച്ച് റോ​ഡി​ലാ​ണ്. അ​പ​ക​ട​ത്തി​ൽ പ​രി​ക്കേ​റ്റ ഓ​ട്ടോ ഡ്രൈ​വ​ർ മു​ജീ​ബ്, ലോ​റി ഡ്രൈ​വ​ർ അ​വ​ണൂ​ർ ത​ങ്ങാ​ലൂ​ർ ചേ​ല്ലാ​രി വീ​ട്ടി​ൽ അ​ജി​ത്ത് (28) എ​ന്നി​വ​ർ പെ​രി​ന്ത​ൽ​മ​ണ്ണ​യി​​​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ഏ​ക​ദേ​ശം 50 അ​ടി താ​ഴ്ച​യു​ള്ള സ്ഥ​ല​ത്ത് നി​ല​ങ്ങ​ളും പു​ഴ​മ്പ്ര​ദേ​ശ​വു​മാ​ണി​വി​ടെ.

രാ​ത്രി​യും പ​ക​ലും ഈ ​ഭാ​ഗ​ത്ത് വാ​ഹ​ന​ങ്ങ​ൾ അ​പ​ക​ട​ത്തി​ൽ​പ്പെ​ടാ​നി​ട​യു​ണ്ട്. കൂ​ടാ​തെ ഉ​യ​ർ​ന്ന പ്ര​കാ​ശ​ക്ഷ​മ​ത​യു​ള്ള വ​ഴി​വി​ള​ക്കു​ക​ളോ പാ​ല​മു​​ണ്ടെ​ന്ന് അ​റി​യി​ക്കു​ന്ന സൂ​ച​ന ബോ​ർ​ഡു​ക​ളോ സ്ഥാ​പി​ക്കാ​ത്ത​തും വി​ന​യാ​വു​ന്നു. ഗ്യാ​സ് ടാ​ങ്ക​ർ, ട്രെ​യി​ല​ർ ഉ​ൾ​പ്പെ​ടെ ഭീ​മ​ൻ വാ​ഹ​ന​ങ്ങ​ൾ സ​ഞ്ച​രി​ക്കു​ന്ന പാ​ത​യി​ൽ അ​പ​ക​ട​ങ്ങ​ളും ജീ​വ​ഹാ​നി​യും ഒ​ഴി​വാ​ക്കാ​ൻ സു​ര​ക്ഷ ക്ര​മീ​ക​ര​ണ​ങ്ങ​ൾ ഒ​രു​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.