തെ​രു​വു നാ​യ് ആ​ക്ര​മ​ണത്തിൽ കു​ട്ടി​ക​ള​ട​ക്കം മൂ​ന്നു​പേ​ർ​ക്ക് പ​രി​ക്ക്

കാ​ഞ്ഞി​ര​പ്പു​ഴ: പി​താ​വി​നും മ​ക​നും നാ​യ​യു​ടെ ആ​ക്ര​മ​ണ​ത്തി​ൽ പ​രി​ക്ക്. കാ​ഞ്ഞി​ര​പ്പു​ഴ ചേ​ലേ​ങ്ക​ര നെ​ടു​ങ്ങോ​ട്ടി​ല്‍ സു​ധീ​ഷി​നെ​യും മ​ക​ന്‍ ധ്യാ​നി​നെ​യു​മാ​ണ്(​നാ​ല്) തെ​രു​വു​നാ​യ ആ​ക്ര​മി​ച്ച​ത്. കു​ട്ടി വീ​ടി​ന്റെ പൂ​മു​ഖ​ത്ത് ക​ളി​ച്ചു​കൊ​ണ്ടി​രി​ക്കു​മ്പോ​ഴാ​ണ് നാ​യ ആ​ക്ര​മി​ച്ച​ത്. മു​ഖ​ത്തും മു​തു​കി​ന് പു​റ​ത്തും പ​രി​ക്കേ​റ്റു. കു​ട്ടി​യെ താ​ലൂ​ക്ക് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. വെ​ള്ളി​യാ​ഴ്ച വൈ​കീ​ട്ട് 3.30നാ​ണ് സം​ഭ​വം. ശ​ബ്ദം കേ​ട്ട് മാ​താ​വ് സ​വി​ത ഓ​ടി​യെ​ത്തി നാ​യ​യെ ഓ​ടി​ച്ച​തി​നാ​ല്‍ കൂ​ടു​ത​ല്‍ പ​രി​ക്കേ​ല്‍ക്കാ​തെ ര​ക്ഷ​പ്പെ​ടു​ത്തി.

കു​ട്ടി​യു​ടെ പി​താ​വും ഓ​ട്ടോ ഡ്രൈ​വ​റാ​യ സു​ധീ​ഷി​ന് വെ​ള്ളി​യാ​ഴ്ച രാ​ത്രി ഏ​ഴി​നാ​ണ് തെ​രു​വ് നാ​യ​യു​ടെ ക​ടി​യേ​റ്റ​ത്. രാ​ത്രി വീ​ട്ടി​ലേ​ക്ക് തി​രി​ച്ച് വ​രു​മ്പോ​ഴാ​ണ് സം​ഭ​വം. സു​ധി​ഷ് പാ​ല​ക്കാ​ട് ജി​ല്ലാ​ശു​പ​ത്രി​യി​ൽ ചി​കി​ത്സ തേ​ടി. ജ​ന​വാ​സ​മേ​ഖ​ല​യാ​യ ചേ​ലേ​ങ്ക​ര​യി​ലും പ​രി​സ​ര​ങ്ങ​ളി​ലും തെ​രു​വു​നാ​യ ശ​ല്യം വ​ർ​ധി​ച്ച​താ​യി നാ​ട്ടു​കാ​ര്‍ പ​രാ​തി​പ്പെ​ട്ടു.

ക​ല്ല​ടി​ക്കോ​ട്: തെ​രു​വ് നാ​യ​യു​ടെ ആ​ക്ര​മ​ണ​ത്തി​ൽ ബാ​ലി​ക​ക്ക് പ​രി​ക്ക്. ക​ല്ല​ടി​ക്കോ​ട് സ്വ​ദേ​ശി അ​ബ്‌​ദു​ൾ സ​ലാ​മി​ന്റെ മ​ക​ൾ ആ​യി​ഷാ​ലി​യ​ക്കാ​ണ് (ഒ​മ്പ​ത്) പ​രി​ക്ക്. ക​ല്ല​ടി​ക്കോ​ട് മ​ദ്ര​സ​യി​ലേ​ക്ക് പോ​കു​ന്ന വ​ഴി​യി​ൽ ടി.​ബി ജ​ങ​ഷ​നി​ലാ​ണ് കു​ട്ടി​ക്ക് തെ​രു​വു​നാ​യ​യു​ടെ ക​ടി​യേ​റ്റ​ത്. ശ​നി​യാ​ഴ്ച രാ​വി​ലെ ഏ​ഴി​നാ​ണ് സം​ഭ​വം. കു​ട്ടി​യെ ജി​ല്ല ആ​ശു​പ​ത്രി​യി​ൽ എ​ത്തി​ച്ച് ചി​കി​ത്സ തേ​ടി. അ​തേ​സ​മ​യം, ക​ല്ല​ടി​ക്കോ​ടും സ​മീ​പ പ്ര​ദേ​ശ​ങ്ങ​ളി​ലും തെ​രു​വ് നാ​യ ശ​ല്യം കൂ​ടി​യ​തോ​ടെ വ​ഴി​യാ​ത്ര​ക്കാ​രും ഇ​രു​ച​ക്ര​ത്തി​ൽ സ​ഞ്ച​രി​ക്കു​ന്ന​വ​രും ഭീ​തി​യി​ലാ​ണ്.