പാ​ല​ക്കാ​ട് ജില്ലയിൽ ഒരുമാസത്തിനിടെ മൂന്ന് ഡെങ്കി മരണം

പാ​ല​ക്കാ​ട്: ഒ​രു​മാ​സ​ത്തി​നി​ടെ ജി​ല്ല​യി​ല്‍ റി​പ്പോ​ർ​ട്ട് ചെ​യ്യ​പ്പെ​ട്ട​ത് മൂ​ന്ന് ഡെ​ങ്കി മ​ര​ണ​ങ്ങ​ൾ. ജൂ​ണ്‍ 17ന് ​കോ​യ​മ്പ​ത്തൂ​രി​ല്‍ ചി​കി​ത്സ​യി​ലി​രി​ക്കെ മ​രി​ച്ച 32കാ​ര​നും 20ന് ​മ​രി​ച്ച പ​ന​യം​പാ​ടം സ്വ​ദേ​ശി​യും ഉ​ൾ​പ്പെ​ടെ ക​ല്ല​ടി​ക്കോ​ടു​ണ്ടാ​യ ര​ണ്ട് പ​നി മ​ര​ണ​വും ഡെ​ങ്കി​പ്പ​നി മൂ​ല​മാ​ണെ​ന്ന് ക​ഴി​ഞ്ഞ ദി​വ​സ​മാ​ണ് സ്ഥി​രീ​ക​രി​ക്ക​പ്പെ​ട്ട​ത്.

ര​ണ്ടു ദി​വ​സ​ത്തി​നി​ടെ 97 പേ​ർ ഡെ​ങ്കി ബാ​ധി​ത​രാ​യി ചി​കി​ത്സ തേ​ടി. തി​ങ്ക​ളാ​ഴ്ച മ​ങ്ക​ര സ്വ​ദേ​ശി​യാ​യ 48 കാ​ര​ന്റെ മ​ര​ണ​കാ​ര​ണം ഡെ​ങ്ക​പ്പ​നി​യെ​ന്ന് സം​ശ​യി​ക്കു​ന്നു​ണ്ട്. ര​ക്ത​പ​രി​ശോ​ധ​ന​യി​ല്‍ ഡെ​ങ്കി സ്ഥ​രീ​ക​രി​ച്ചെ​ങ്കി​ലും ഇ​യാ​ള്‍ക്ക് മ​റ്റ് അ​സു​ഖ​ങ്ങ​ളും ഉ​ണ്ടാ​യി​രു​ന്നു. ക​ഴി​ഞ്ഞ 26 ദി​വ​സ​ത്തി​നി​ടെ ഡെ​ങ്കി​പ്പ​നി പി​ടി​പെ​ട്ട​ത് 689 പേ​ര്‍ക്കാ​ണ്. 88 പേ​ര്‍ക്ക് രോ​ഗം സ്ഥി​രീ​ക​രി​ക്കു​ക​യും ചെ​യ്തു. 18000 പേ​ര്‍ പ​നി​ക്ക് ചി​കി​ത്സ തേ​ടി.

ഡെ​ങ്കി പെ​രു​കു​ന്നു; ഉ​ദ്യോ​ഗ​സ്ഥ ക്ഷാ​മ​ത്തി​ൽ ആ​രോ​ഗ്യ​വ​കു​പ്പ്

21 ഫീ​ല്‍ഡ് വ​ര്‍ക്ക​ര്‍ വേ​ണ്ടി​ട​ത്ത് 11 പേ​ര്‍

പാ​ല​ക്കാ​ട്: ഡെ​ങ്കി കേ​സു​ക​ള്‍ വ്യാ​പ​ക​മാ​കു​മ്പോ​ഴും ആ​രോ​ഗ്യ​വ​കു​പ്പി​ലെ പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ക്ക് വേ​ണ്ട​ത്ര ഉ​ദ്യോ​ഗ​സ്ഥ​രി​ല്ല. കൊ​തു​ക് ജ​ന്യ രോ​ഗ​ങ്ങ​ളു​ടെ നി​രീ​ക്ഷ​ണ​വും പ്ര​തി​രോ​ധ പ്ര​വ​ര്‍ത്ത​ന​ങ്ങ​ളും ഏ​കോ​പി​പ്പി​ക്കേ​ണ്ട ജി​ല്ല മ​ലേ​റി​യ ഓ​ഫി​സ​റു​ടെ (ഡി​സ്ട്രി​ക്ട് വെ​ക്ട​ര്‍ ബോ​ണ്‍ ഡി​സീ​സ് സ​ര്‍വൈ​ല​ന്‍സ് ഓ​ഫീ​സ​ര്‍) ത​സ്തി​ക ഒ​ഴി​ഞ്ഞ്കി​ട​പ്പാ​ണ്. ജി​ല്ല ബ​യോ​ള​ജി​സ്റ്റി​നാ​ണ് ഈ ​ചു​മ​ത​ല ന​ൽ​കി​യി​ട്ടു​ള്ള​ത്. ജി​ല്ല വെ​ക്ട​ര്‍ ക​ണ്‍ട്രോ​ള്‍ യൂ​നി​റ്റി​ന്റെ ചു​മ​ത​ല​യാ​ണ് ബ​യോ​ള​ജി​സ്റ്റി​നു​ള്ള​ത്. ഫോ​ഗി​ങ്, കീ​ട​നാ​ശി​നി പ്ര​യോ​ഗം എ​ന്നി​വ​യി​ലൂ​ടെ രോ​ഗ​കാ​രി​ക​ളാ​യ പ്രാ​ണി​ക​ളെ​യും ചെ​ള്ളു​ക​ളെ​യും ന​ശി​പ്പി​ക്കു​ക​യാ​ണ് ഇ​വ​രു​ടെ പ്ര​ധാ​ന ദൗ​ത്യം. ഈ ​പ്ര​വ​ര്‍ത്ത​ന​ങ്ങ​ള്‍ക്ക് ത​ന്നെ മ​തി​യാ​യ ജീ​വ​ന​ക്കാ​ര്‍ ജി​ല്ല വെ​ക്ട​ര്‍ ക​ണ്‍ട്രോ​ള്‍ യൂ​ണി​റ്റി​ല്ല. 21 ഫീ​ല്‍ഡ് വ​ര്‍ക്ക​ര്‍ വേ​ണ്ടി​ട​ത്ത് 11 പേ​ര്‍ മാ​ത്ര​മാ​ണി​പ്പോ​ഴു​ള്ള​ത്. ഡെ​ങ്കി​പ്പ​നി​യും എ​ലി​പ്പ​നി​യും ദി​നം​പ്ര​തി വ​ര്‍ധി​ക്കു​ക​യാ​ണ്