തൊ​ഴി​ലാ​ളി​ക​ളെ കി​ട്ടാ​നി​ല്ല; നെ​ൽ​കൃ​ഷി​യി​ൽ ന​ടീ​ൽ ന​ട​ക്കു​ന്നി​ല്ല

ആ​ല​ത്തൂ​ർ: കാ​ർ​ഷി​ക മേ​ഖ​ല​യി​ൽ തൊ​ഴി​ലാ​ളി​ക​ളെ കി​ട്ടാ​നി​ല്ലാ​ത്ത​തി​നാ​ൽ നെ​ൽ​കൃ​ഷി​യി​ൽ ന​ടീ​ൽ ന​ട​ക്കു​ന്നി​ല്ല. കാ​വ​ശ്ശേ​രി കൃ​ഷി​ഭ​വ​ൻ പ​രി​ധി​യി​ലെ മൂ​പ്പു​പ​റ​മ്പ് പാ​ട​ശേ​ഖ​ര​ത്തി​ലെ ഏ​ക്ക​ർ ക​ണ​ക്കി​ന് കൃ​ഷി​യി​ട​ത്തി​ലാ​ണ് ന​ടീ​ൽ ന​ട​ത്താ​ൻ ക​ഴി​യാ​തെ പ്ര​തി​സ​ന്ധി നേ​രി​ടു​ന്ന​ത്.

ത​മി​ഴ്നാ​ട്ടി​ലെ​യും ബം​ഗാ​ളി​ലെ​യും തൊ​ഴി​ലാ​ളി​ക​ളാ​ണ് കു​റ​ച്ച് വ​ർ​ഷ​ങ്ങ​ളാ​യി കൃ​ഷി ഇ​റ​ക്കു​ന്ന സ​മ​യ​ത്ത് ഇ​വി​ടെ തൊ​ഴി​ൽ ചെ​യ്തു കൊ​ണ്ടി​രു​ന്ന​ത്. ത​മി​ഴ്നാ​ട്ടി​ൽ ഇ​പ്പോ​ൾ മ​ഴ​യു​ള്ള​ത് കൊ​ണ്ട് അ​വ​ർ അ​വി​ടെ തൊ​ഴി​ലി​ൽ ഏ​ർ​പ്പെ​ട്ടി​രി​ക്കു​ക​യാ​ണ്. ഈ ​വ​ർ​ഷം മ​ഴ വൈ​കി​യ​ത് കൊ​ണ്ട് ന​ടീ​ൽ ന​ട​ത്താ​നും വൈ​കി. മ​ഴ പെ​യ്ത​ത് ജൂ​ലൈ ആ​ദ്യ​ത്തെ ആ​ഴ്ച​യാ​ണ്. ഈ ​സ​മ​യം ബം​ഗാ​ളി​ൽ പ​ഞ്ചാ​യ​ത്ത് തെ​ര​ഞ്ഞെ​ടു​പ്പ് വ​ന്ന​തി​നാ​ൽ ബം​ഗാ​ളി തൊ​ഴി​ലാ​ളി​ക​ളി​ൽ മി​ക്ക​വ​രും നാ​ട്ടി​ലേ​ക്ക് പോ​യ​ത് ജി​ല്ല​യി​ലെ ക​ർ​ഷ​ക​ർ​ക്കും കാ​ർ​ഷി​ക മേ​ഖ​ല​ക്കും വി​ന​യാ​യി. ഞാ​റ്റ​ടി ത​യാ​റാ​ക്കി 45 ദി​വ​സം ക​ഴി​ഞ്ഞ​തി​നാ​ൽ ഇ​നി ന​ട്ടാ​ൽ വി​ള​വ് മോ​ശ​മാ​യി​രി​ക്കു​മെ​ന്നാ​ണ് പ​റ​യു​ന്ന​ത്. ഈ ​അ​വ​സ്ഥ​യി​ലും ന​ടീ​ൽ ന​ട​ത്താ​ൻ ത​യാ​റാ​യെ​ങ്കി​ലും തൊ​ഴി​ലാ​ളി​യെ കി​ട്ടാ​ത്ത​ത് വി​ന​യാ​യി. ഞാ​റ് മൂ​പ്പ് അ​ധി​ക​മാ​യ​തി​നാ​ൽ പ​ല ഭാ​ഗ​ങ്ങ​ളി​ലും ഒ​ന്നാം വി​ള നെ​ൽ കൃ​ഷി ഉ​പേ​ക്ഷി​ക്കു​ന്ന​താ​യും പ​റ​യു​ന്നു​ണ്ട്.