തെന്നിലാപുരം പാലം ഇന്ന് തുറക്കും
text_fieldsആലത്തൂർ: ഇരട്ടകുളം വാണിയമ്പാറ റോഡിൽ മംഗലം പുഴക്ക് കുറുകെ നിർമിച്ച തെന്നിലാപുരം പാലം തിങ്കളാഴ്ച രാവിലെ ഗതാഗതത്തിന് തുറന്ന് കൊടുക്കും. മഴക്കാലത്ത് വെള്ളം മുങ്ങി ഗതാഗതം മുടങ്ങുന്നതിനെ തുടർന്നാണ് പഴയപാലം പൊളിച്ച് അതേസ്ഥലത്ത് പുതിയ പാലം നിർമിച്ചത്. ഔപചാരിക ഉദ്ഘാടനം പിന്നീടാണ് നടക്കുക. ദേശീയപാതയിലെ പന്നിയങ്കര ടോൾ ഒഴിവാക്കി പ്രാദേശികർക്ക് തൃശൂർ ഭാഗത്തേക്ക് സഞ്ചരിക്കാമെന്നതാണ് ആശ്വാസം. 2018ലാണ് പാലം നിർമാണം ആരംഭിച്ചത്. ഊരാളുങ്കൽ ലേബർ കോൺട്രാക്റ്റ് സൊസൈറ്റിയാണ് നിർമാണം നടത്തിയത്. ജൂൺ 15ഓടെ ഇതേ പുഴയിൽ മണപ്പാടം അരങ്ങാട്ടുകടവിൽ നിർമിക്കുന്ന പാലവും തുറന്നുകൊടുക്കുമെന്നാണ് അറിയുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.