മു​ണ്ടൂ​രി​ൽ മോ​ഷ​ണം തു​ട​ർ​ക്ക​ഥ

മു​ണ്ടൂ​ർ: ന​ഗ​ര​പ്ര​ദേ​ശ​ങ്ങ​ളി​ലും ഗ്രാ​മീ​ണ മേ​ഖ​ല​യി​ലും മോ​ഷ​ണം തു​ട​ർ​ക്ക​ഥ​യാ​വു​ന്നു. ര​ണ്ട് മാ​സ​ത്തി​നു​ള്ളി​ൽ മൂ​ന്ന് പൊ​ലീ​സ് സ്റ്റേ​ഷ​നു​ക​ളു​ടെ പ്ര​വ​ർ​ത്ത​ന​പ​രി​ധി​യി​ലാ​ണ് ഒ​രു ഡ​സ​നി​ൽ​പ​രം മോ​ഷ​ണം ന​ട​ന്ന​ത്. മി​ക്ക​യി​ട​ങ്ങ​ളി​ലും ആ​റാ​യി​രം മു​ത​ൽ 10,000 രൂ​പ വ​രെ വ്യാ​പാ​ര സ്ഥാ​പ​ന​ങ്ങ​ളി​ൽ​നി​ന്ന് ന​ഷ്ട​പ്പെ​ട്ടു. ഉ​ൾ​നാ​ട​ൻ ഗ്രാ​മ​ങ്ങ​ളി​ൽ​നി​ന്ന് റ​ബ​ർ ഷീ​റ്റ്, ചാ​ക്കി​ൽ നി​റ​ച്ച അ​ട​ക്ക, തേ​ങ്ങ എ​ന്നി​വ​യാ​ണ് ക​ള​വ് പോ​കു​ന്ന​ത്.

ക​ല്ല​ടി​ക്കോ​ട്, കോ​ങ്ങാ​ട് പൊ​ലീ​സ് സ്റ്റേ​ഷ​ൻ പ​രി​ധി​ക​ളി​ലാ​ണി​ത്. ഉ​ട​മ​ക​ൾ പൊ​ലീ​സി​ൽ പ​രാ​തി ന​ൽ​കി​യ​വ​യും അ​ല്ലാ​ത്ത​വ​യും ഇ​തി​ലു​ണ്ട്. കോ​ങ്ങാ​ട് പൊ​ലീ​സ് സ്റ്റേ​ഷ​ന്‍റെ ഒ​ന്ന​ര കി​ലോ​മീ​റ്റ​ർ പ​രി​ധി​യി​ൽ പ​ട്ടാ​പ്പ​ക​ൽ എ​ട്ട് പ​വ​ൻ സ്വ​ർ​ണാ​ഭ​ര​ണം ക​വ​ർ​ന്ന പ്ര​തി​യെ പി​ടി​കൂ​ടി​യെ​ങ്കി​ലും തൊ​ണ്ടി​മു​ത​ൽ ക​ണ്ടെ​ത്തി​യി​രു​ന്നി​ല്ല.

ക​ഴി​ഞ്ഞ ദി​വ​സം മു​ണ്ടൂ​ർ പൊ​രി​യാ​നി​യി​ലെ മൂ​ന്ന് ക​ട​ക​ളി​ലും ക​ള്ള​ൻ ക​യ​റി. ദേ​ശീ​യ​പാ​ത​യോ​ര​ത്തെ സ്ഥാ​പ​ന​ങ്ങ​ളി​ലാ​യി​രു​ന്നു സം​ഭ​വം. പൊ​രി​യാ​നി​യി​ലെ ചി​ങ്ങ​ത്ത് പ്ര​ബി​ന്‍റെ പു​ക പ​രി​ശോ​ധ​ന കേ​ന്ദ്ര​ത്തി​ന്‍റെ ഷ​ട്ട​റി​ന്‍റെ പൂ​ട്ട് പൊ​ളി​ച്ചാ​ണ് 10,000 രൂ​പ​യും മൊ​ബൈ​ൽ ഫോ​ണും മോ​ഷ്ടി​ച്ച​ത്. പൊ​രി​യാ​നി ഓ​മ​ന വി​ഹാ​റി​ൽ ബൈ​ജു​വി​ന്‍റെ പ​ല​ച​ര​ക്ക് ക​ട​യി​ലും ക​ള്ള​ൻ ക​യ​റി.

കാ​ര്യ​മാ​യ​തൊ​ന്നും ന​ഷ്ട​പ്പെ​ട്ടി​ട്ടി​ല്ലെ​ന്ന് സ്ഥ​ലം സ​ന്ദ​ർ​ശി​ച്ച കോ​ങ്ങാ​ട് പൊ​ലീ​സ് പ​റ​ഞ്ഞു. ഇ​തു​മാ​യി ബ​ന്ധ​പ്പെ​ട്ട് പൊ​ലീ​സ് കേ​സ് ര​ജി​സ്റ്റ​ർ ചെ​യ്തി​ട്ടി​ല്ല. പൊ​ലീ​സി​ന്‍റെ രാ​ത്രി​കാ​ല പ​രി​ശോ​ധ​ന ഊ​ർ​ജി​ത​മാ​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ‍്യം.