ചെ​റാ​ട്ട് ഭീ​തി വി​ത​ച്ച പു​ലി വ​നം​വ​കു​പ്പി​ന്റെ കൂ​ട്ടി​ലാ​യി

അ​ക​ത്തേ​ത്ത​റ: ഗ്രാ​മ​പ​ഞ്ചാ​യ​ത്തി​ലെ ജ​ന​വാ​സ മേ​ഖ​ല​യി​ൽ ഭീ​തി വി​ത​ച്ച പു​ള്ളി​പ്പു​ലി വ​നം​വ​കു​പ്പ് സ്ഥാ​പി​ച്ച കൂ​ട്ടി​ലാ​യി. അ​ക​ത്തേ​ത്ത​റ ചെ​റാ​ട് ശാ​സ്ത ന​ഗ​റി​ന​ടു​ത്ത് മൈ​ത്രി ന​ഗ​റി​ൽ കേ​ന്ദ്ര സ​ർ​ക്കാ​ർ ഗ്രീ​ൻ​ഫീ​ൽ​ഡ് പാ​ത​ക്ക് ഏ​റ്റെ​ടു​ത്ത സ്ഥ​ല​ത്ത് 20 ദി​വ​സം മു​ൻ​പ് വ​ന​പാ​ല​ക​ർ ഒ​രു​ക്കി​യ ഇ​രു​മ്പ് കൂ​ട്ടി​ലാ​ണ് ഏ​ക​ദേ​ശം നാ​ല് വ​യ​സ്സ് പ്രാ​യ​മു​ള്ള പെ​ൺ​പു​ലി കു​ടു​ങ്ങി​യ​ത്. വ​നം വാ​ള​യാ​ർ റെ​യ്ഞ്ച് ഓ​ഫി​സ് പ​രി​ധി​യി​ൽ ശ​നി​യാ​ഴ്ച പു​ല​ർ​ച്ചെ 4.30ഓ​ടെ​യാ​ണ് സം​ഭ​വം. ഉ​ട​നെ പ്ര​ദേ​ശ​വാ​സി​ക​ൾ വ​ന​പാ​ല​ക​രെ വി​വ​ര​മ​റി​യി​ച്ചു.

സം​ഭ​വ സ്ഥ​ല​ത്തെ​ത്തി​യ വ​ന​പാ​ല​ക​രും ദ്രു​ത പ്ര​തി​ക​ര​ണ സേ​ന​യും പു​ലി​യു​ടെ നീ​ക്ക​ങ്ങ​ൾ നി​രീ​ക്ഷി​ച്ചു. പാ​ല​ക്കാ​ട് ഡി.​എ​ഫ്.​ഒ ര​വി​കു​മാ​ർ മീ​ണ​യു​ടെ നി​ർ​ദ്ദേ​ശ​പ്ര​കാ​രം കെ​ണി​യി​ല​ക​പ്പെ​ട്ട പു​ലി​യെ വ​നം വ​കു​പ്പി​ന്റെ ധോ​ണി വ​ന്യ​ജീ​വി പ​രി​പാ​ല​ന കേ​ന്ദ്ര​ത്തി​ലെ​ത്തി​ച്ചു. വ​നം വെ​റ്റ​റി​ന​റി സ​ർ​ജ​ൻ ഡോ. ​ഡേ​വി​ഡ് എ​ബ്ര​ഹാം പു​ലി​യെ പ​രി​ശോ​ധി​ച്ച് ആ​രോ​ഗ്യ​സ്ഥി​തി വി​ല​യി​രു​ത്തി. ഡോ​ക്ട​റു​ടെ നി​ർ​ദ്ദേ​ശ​പ്ര​കാ​രം തു​ട​ർ​ന​ട​പ​ടി സ്വീ​ക​രി​ക്കും.

ക​ഴി​ഞ്ഞ ഒ​രു വ​ർ​ഷ​ക്കാ​ല​മാ​യി ചേ​റാ​ടും പ​രി​സ​ര​ങ്ങ​ളി​ലും നി​ര​വ​ധി വ​ള​ർ​ത്തു​മൃ​ഗ​ങ്ങ​ളെ പു​ലി പി​ടി​കൂ​ടി കൊ​ന്ന് തി​ന്ന അ​നു​ഭ​വ​മു​ണ്ട്. ക​ഴി​ഞ്ഞ മാ​സം 21ന് ​നാ​ട്ടി​ലി​റ​ങ്ങി​യ പു​ലി​യു​ടെ ആ​ക്ര​മ​ണ​ത്തി​ൽ അ​ക​ത്തേ​ത്ത​റ മൈ​ത്രി ന​ഗ​ർ ബാ​ബു​വി​ന്റെ വ​ള​ർ​ത്തു​നാ​യ​ക്ക് പ​രി​ക്കേ​റ്റി​രു​ന്നു.

സ​പ്തം​ബ​ർ 27നും ​മ​റ്റൊ​രു വ​ള​ർ​ത്ത് നാ​യ​യെ പു​ലി കൊ​ന്നു​തി​ന്നു. ഈ ​സം​ഭ​വ​ങ്ങ​ളു​ടെ പ​ശ്ചാ​ത്ത​ല​ത്തി​ൽ സ്ഥ​ലം പ​രി​ശോ​ധി​ച്ച വ​ന​പാ​ല​ക​ർ പു​ലി​യു​ടേ​തെ​ന്ന് സാ​ദൃ​ശ്യ​മു​ള്ള കാ​ൽ​പാ​ടു​ക​ൾ ക​ണ്ടെ​ത്തി. നി​രീ​ക്ഷ​ണ കാ​മ​റ സ്ഥാ​പി​ച്ച് പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ചു. തു​ട​ർ​ന്ന് പു​ലി​ക്കൂ​ട് സ്ഥാ​പി​ക്കു​ന്ന​തി​ന് അ​നു​മ​തി​ക്കാ​യി വാ​ള​യാ​ർ വ​നം റെ​യി​ഞ്ച് ഓ​ഫി​സ​ർ ടി.​എ​സ്. ശ്യാ​മ പാ​ല​ക്കാ​ട് ഡി.​എ​ഫ്.​ഒ​ക്ക് അ​പേ​ക്ഷ സ​മ​ർ​പ്പി​ച്ചി​രു​ന്നു. ഡി.​എ​ഫ്.​ഒ കേ​ര​ള മു​ഖ്യ​വ​ന​പാ​ല​ക​ന്റെ അ​നു​മ​തി തേ​ടി ക​ത്ത​യ​ച്ചു. ഇ​തോ​ടെ​യാ​ണ് ചേ​റാ​ട് ഭാ​ഗ​ത്ത് പു​ലി കൂ​ട് സ്ഥാ​പി​ച്ച​ത്.