പാ​ല​ക്കു​ഴി​യി​ൽ വീടിനകത്തുനിന്ന് രാജവെമ്പാലയെ പിടികൂടി

കി​ഴ​ക്ക​ഞ്ചേ​രി: പാ​ല​ക്കു​ഴി​യി​ൽ വീ​ടി​ന​ക​ത്തു​നി​ന്ന് രാ​ജ​വെ​മ്പാ​ല​യെ പി​ടി​കൂ​ടി. പാ​ല​ക്കു​ഴി പി.​സി.​ടി​യി​ൽ തെ​രേ​സാ മൊ​ക്കി​ന് സ​മീ​പം മ​ല​യം​പ​റ​മ്പി​ൽ ഏ​ലി​ക്കു​ട്ടി​യു​ടെ വീ​ട്ടി​ലാ​ണ് വെ​ള്ളി​യാ​ഴ്ച വൈ​കീ​ട്ട് ആ​റി​ന് രാ​ജ​വെ​മ്പാ​ല​യെ ക​ണ്ട​ത്. വീ​ടി​ന്റെ അ​ടു​ക്ക​ള ഭാ​ഗ​ത്താ​ണ് ആ​ദ്യം പാ​മ്പി​നെ ക​ണ്ട​ത്. പി​ന്നീ​ട് സ​മീ​പ​ത്തെ ബാ​ത്റൂ​മി​ൽ ക​യ​റു​ക​യാ​യി​രു​ന്നു. സ​മീ​പ​വാ​സി​ക​ൾ പാ​മ്പി​നെ പു​റ​ത്ത് ക​ട​ക്കാ​ത്ത വി​ധം വാ​തി​ൽ അ​ട​ച്ച​ശേ​ഷം വ​നം വ​കു​പ്പി​നെ അ​റി​യി​ച്ചു.

തു​ട​ർ​ന്ന് പാ​മ്പ് പി​ടു​ത്ത വി​ദ​ഗ്ധ​ൻ കാ​ര​യ​ങ്കാ​ട് മു​ഹ​മ്മ​ദ​ലി ഉ​ൾ​പ്പെ​ടെ​യെ​ത്തി പാ​മ്പി​നെ പി​ടി​ച്ച് വ​നം വ​കു​പ്പി​ന് കൈ​മാ​റി. ആ​റ് വ​യ​സ്സ് പ്രാ​യ​മു​ള്ള പെ​ൺ രാ​ജ​വെ​മ്പാ​ല​യെ​യാ​ണ് പി​ടി​കൂ​ടി​യ​തെ​ന്ന് വ​നം വ​കു​പ്പ് അ​ധി​കൃ​ത​ർ അ​റി​യി​ച്ചു. ഇ​തി​ന് മു​മ്പും നി​ര​വ​ധി ത​വ​ണ പാ​ല​ക്കു​ഴി ഭാ​ഗ​ത്തു​നി​ന്ന് രാ​ജ​വെ​മ്പാ​ല​യെ പി​ടി​കൂ​ടി​യി​ട്ടു​ണ്ട്.