കൊ​ല്ല​ങ്കോ​ട്ടേ​ക്ക് വി​നോ​ദ സ​ഞ്ചാ​രി​ക​ളു​ടെ ഒ​ഴു​ക്ക്; പൊ​ലീ​സ് സേ​വ​നം ഉ​റ​പ്പാ​ക്ക​ണ​മെ​ന്ന് ആ​വ​ശ്യം

കൊ​ല്ല​ങ്കോ​ട്: കൊ​ല്ല​ങ്കോ​ട്ടേ​ക്ക് വി​നോ​ദ സ​ഞ്ചാ​രി​ക​ളു​ടെ ഒ​ഴു​ക്ക് വ​ർ​ധി​ച്ച​തോ​ടെ പൊ​ലീ​സ് സേ​വ​നം ഉ​റ​പ്പാ​ക്ക​ണ​മെ​ന്ന ആ​വ​ശ്യം ശ​ക്തം. സീ​താ​ർ​കു​ണ്ട് വെ​ള്ള​ച്ചാ​ട്ടം കാ​ണാ​ൻ മാ​ത്രം ഞാ​യ​റാ​ഴ്ച 1200ൽ ​അ​ധി​കം വി​നോ​ദ സ​ഞ്ചാ​രി​ക​ൾ ഉ​ച്ച​ക്ക് മൂ​ന്നു വ​രെ എ​ത്തി​. സ്ത്രീ​ക​ൾ​ക്കും മ​റ്റും സു​ര​ക്ഷ ഒ​രു​ക്കാ​ൻ പ്ര​ദേ​ശ​ത്ത് പൊ​ലീ​സി​നെ നി​യ​മി​ക്ക​ണ​മെ​ന്ന ആ​വ​ശ്യ​ങ്ങ​ൾ പ​രി​ഗ​ണി​ക്കാ​ത്ത​ത് വി​നോ​ദ സ​ഞ്ചാ​രി​ക​ൾ​ക്ക് വി​ന​യാ​യി.

ക​ല​ക്ട​റു​ടെ സ​ന്ദ​ർ​ശ​ന സ​മ​യ​ത്ത് പൊ​ലീ​സ്, എ​ക്സൈ​സ്, വ​നം വ​കു​പ്പു​ക​ൾ സം​യു​ക്ത​മാ​യി യാ​ത്ര​ക്കാ​രെ നി​രീ​ക്ഷി​ക്ക​ണ​മെ​ന്ന നി​ർ​ദേ​ശം പാ​ലി​ക്കാ​ത്ത​തും പ്ര​തി​സ​ഡി​ക്ക് വ​ഴി​വെ​ച്ചി​ട്ടു​ണ്ട്. സീ​താ ർ​കു​ണ്ട് വെ​ള്ള​ച്ചാ​ട്ട​ത്തി​ൽ എ​ത്തു​ന്ന​വ​ർ പ​ല​ക​പ്പാ​ണ്ടി​യി​ലേ​ക്കും പ​ല​ക​പ്പാ​ണ്ടി വെ​ള്ള​ച്ചാ​ട്ട​ത്തി​നു മു​ക​ളി​ലേ​ക്ക് സാ​ഹ​സി​ക​മാ​യി ക​യ​റു​ന്ന​ത് അ​പ​ക​ട​ങ്ങ​ൾ​ക്ക് വ​ഴി​വെ​ക്കു​മെ​ന്ന​തി​നാ​ൽ നി​രീ​ക്ഷ​ണം ശ​ക്ത​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.

സീ​താ​ർ​കു​ണ്ട് വെ​ള്ള​ച്ചാ​ട്ട​ത്തി​ലേ​ക്കു​ള്ള റോ​ഡ് ത​ക​ർ​ച്ച പ​രി​ഹ​രി​ച്ച് എ​ൽ.​ഇ.​ഡി തെ​രു​വ് വി​ള​ക്കു​ക​ൾ സ്ഥാ​പി​ക്ക​ണ​മെ​ന്നും ആ​വ​ശ്യം ഉ​യ​ർ​ന്നി​ട്ടു​ണ്ട്. 27ന് ​ക​ല​ക്ട​റു​ടെ നേ​തൃ​ത്വ​ത്തി​ലു​ള്ള കൊ​ല്ല​ങ്കോ​ട്ടി​ലെ ച​ർ​ച്ച​ക്കു മു​മ്പ് സു​ര​ക്ഷ ഉ​റ​പ്പാ​ക്ക​ണ​മെ​ന്ന​ണ് പ​രി​സ​ര​വാ​സി​ക​ളു​ടെ ആ​വ​ശ്യം.