ഒരു സ്ഥാനാർഥി കൂടി പിൻവാങ്ങി: പാലക്കാട്ട്​ ബി.ജെ.പിയിൽ പ്രതിസന്ധി മൂർച്ഛിക്കുന്നു

പാലക്കാട്: സ്ഥാനാർഥിപ്പട്ടികയുമായി ബന്ധപ്പെട്ട്​ ഉടലെടുത്ത​ അതൃപ്​തിയുടെ കനലണയുംമു​േമ്പ യുവനേതാക്കളിലൊരാൾ കൂടി മത്സരരംഗത്തുനിന്ന്​ പിൻവാങ്ങിയതോടെ പാലക്കാട്ട്​ വീണ്ടും ​പ്രതി​േരാധത്തിലായി​ ബി.ജെ.പി. തിരു​െനല്ലായി​ വെസ്​റ്റിൽ മത്സരിക്കേണ്ടിയിരുന്ന ബി.ജെ.പി സ്ഥാനാർഥി എം. സുനിലാണ്​ മത്സരത്തിൽനിന്ന്​ കഴിഞ്ഞദിവസം പിന്മാറിയത്​. പ്രാദേശികതലത്തിൽ സ്ഥാനാർഥിത്വവുമായി ബന്ധപ്പെട്ട്​ ബി.ജെ.പി-ആർ.എസ്.എസ് പ്രവർത്തകർ രണ്ടു തട്ടിലായതോടെയാണ്​ പിന്മറ്റമെന്നാണ്​ സൂചന.

ദേശീയ കൗൺസിൽ അംഗം എസ്.ആർ. ബാലസുബ്രഹ്മണ്യന് പിന്നാലെ വാർഡ് 36 തിരുനെല്ലായ് വെസ്​റ്റിൽനിന്ന്​ സുനിലും വിട്ടുനിന്നതോടെ സ്വരച്ചേർച്ചയില്ലായ്​മ തെരഞ്ഞെടുപ്പിനെ ബാധിക്കുമോ എന്ന ആശങ്കയിലാണ് ജില്ല നേതൃത്വം.

ഇവിടെ പുതിയ സ്ഥാനാർഥിയെ തീരുമാനിച്ചിട്ടില്ല. വാർഡ് 44ലെ കൗൺസിലറും നഗരസഭ സ്ഥിരംസമിതി അധ്യക്ഷനുമായിരുന്നു സുനിൽ. സംസ്ഥാനത്ത് ബി.ജെ.പി ഭരിച്ച ഏക നഗരസഭ വീണ്ടും പിടിച്ചെടുക്കാനുള്ള പുതിയ ജില്ല അധ്യക്ഷ​െൻറ പദ്ധതിയിൽ തുടക്കത്തിൽതന്നെ കല്ലുകടിച്ചതിലെ അതൃപ്​തിയും ചില പാർട്ടികേന്ദ്രങ്ങൾ മറച്ചുവെക്കുന്നില്ല​.

ചിലയിടങ്ങളിൽ സ്ഥാനാർഥിനിർണയത്തെ തുടർന്നുണ്ടായ കോലാഹലങ്ങളിൽ പ്രാദേശിക പ്രവർത്തകർ തെരഞ്ഞെടുപ്പ് പ്രവർത്തനങ്ങളിൽനിന്ന് വിട്ടുനിൽക്കുന്നുണ്ട്.

ബാലസുബ്രഹ്​മണ്യത്തി​െൻറയും സുനിലി​െൻറയും പിന്മാറ്റത്തിൽ ബി.ജെ.പി നിലപാടിനെതിരെ മൂത്താൻ സർവിസ് സൊസൈറ്റി നേതൃത്വത്തെ അതൃപ്തി അറിയിച്ചു.

നേരത്തെ സ്ഥാനാർഥിപ്പട്ടികയിൽ മുതിർന്നവരെ അവഗണിച്ചെന്ന പരസ്യ പ്രതികരണവുമായി ദേശീയ കൗൺസിൽ അംഗം എസ്‌.ആർ. ബാലസുബ്രഹ്മണ്യം രംഗത്തെത്തിയിരുന്നു. ദീർഘകാലമായി കൗൺസിലറായ ഇദ്ദേഹം മത്സരിക്കാൻ ആവശ്യപ്പെട്ട 50ാം വാർഡിൽനിന്ന് നേതൃത്വത്തി​െൻറ താൽപര്യത്തിൽ 13ാം വാർഡ്​ പുത്തൂരിലേക്ക്​ പറിച്ചുനട്ടതാണ്​ പാർട്ടിയിൽ കലഹത്തിന് വഴിമരുന്നിട്ടത്. ബാലസുബ്രഹ്​മണ്യം പിൻമാറിയതിനെ തുടർന്ന്​ ഇവിടെ ബി.ജെ.പി ജില്ല പ്രസിഡൻറ്​ ഇ. കൃഷ്ണദാസ്‌ സ്ഥാനാർഥിയായിരുന്നു.