കാർ ലോറിയിലിടിച്ചു; ഒരാൾക്ക് പരിക്ക്

കല്ലടിക്കോട്: ക്വാളിസ് കാർ ലോറിയിലിടിച്ചുവെങ്കിലും തലനാരിഴക്ക് ആളപായം ഒഴിവായി. പാലക്കാട് -കോഴിക്കോട് ദേശീയപാതയിൽ കരിമ്പക്കടുത്ത് കച്ചേരിപ്പടിയിലാണ് നിയന്ത്രണംവിട്ട കാർ ലോറിയുടെ ഡീസൽ ടാങ്കിലിടിച്ച് കറങ്ങി നിന്നത്.

വാഹനങ്ങൾക്ക് കേടുപറ്റിയെങ്കിലും യാത്രക്കാരിലൊരാൾ വെട്ടത്തൂർ ബഷീർ നിസ്സാര പരിക്കുകളോടെ രക്ഷപ്പെട്ടു. ഇദ്ദേഹം തച്ചമ്പാറ സ്വകാര്യ ആശുപത്രിയിൽ ചികിത്സ തേടി.

വ്യാഴാഴ്ച വൈകീട്ട് നാലിനാണ് ഒലവക്കോടുനിന്ന് വരുന്ന ക്വാളിസും എതിരെ പാലക്കാട്ടേക്ക് വരുന്ന ലോറിയും അപകടത്തിൽപ്പെട്ടത്. കല്ലടിക്കോട് പൊലീസ് സ്ഥലത്തെത്തി.