മേലാര്‍ക്കോടും പന്നിപ്പനി: ഏഴ് പഞ്ചായത്തുകള്‍ നിരീക്ഷണ മേഖല

പാ​ല​ക്കാ​ട്​: ജി​ല്ല​യി​ലെ മേ​ലാ​ര്‍ക്കോ​ട് ഗ്രാ​മ​പ​ഞ്ചാ​യ​ത്തി​ല്‍ ആ​ഫ്രി​ക്ക​ന്‍ പ​ന്നി​പ്പ​നി സ്ഥി​രീ​ക​രി​ച്ച​താ​യി ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ര്‍ റി​പ്പോ​ര്‍ട്ട് ചെ​യ്ത സാ​ഹ​ച​ര്യ​ത്തി​ല്‍, ചി​റ്റി​ല​ഞ്ചേ​രി​യി​ലെ പി​പ പ​ന്നി​ഫാ​മി​ന് ചു​റ്റു​മു​ള്ള ഒ​രു കി​ലോ​മീ​റ്റ​ര്‍ പ്ര​ദേ​ശം രോ​ഗ​ബാ​ധി​ത പ്ര​ദേ​ശ​മാ​യും സ​മീ​പ​ത്തെ അ​യി​ലൂ​ര്‍, കി​ഴ​ക്ക​ഞ്ചേ​രി, വ​ണ്ടാ​ഴി, നെ​ന്മാ​റ, ആ​ല​ത്തൂ​ര്‍, വ​ട​ക്ക​ഞ്ചേ​രി, എ​ല​വ​ഞ്ചേ​രി പ​ഞ്ചാ​യ​ത്തു​ക​ള്‍ രോ​ഗ​നി​രീ​ക്ഷ​ണ മേ​ഖ​ല​യാ​യും പ്ര​ഖ്യാ​പി​ച്ച് ജി​ല്ല ക​ല​ക്ട​ര്‍ മൃ​ണ്‍മ​യി ജോ​ഷി ഉ​ത്ത​ര​വി​റ​ക്കി.

രോ​ഗ​വ്യാ​പ​നം നി​യ​ന്ത്രി​ക്കു​ന്ന​തി​ന്റെ ഭാ​ഗ​മാ​യി പ്ര​ദേ​ശ​ത്ത് മു​ന്‍ക​രു​ത​ൽ സ്വീ​ക​രി​ക്കാ​നും ജി​ല്ല ക​ല​ക്ട​ര്‍ നി​ര്‍ദേ​ശി​ച്ചു. മേ​ലാ​ര്‍ക്കോ​ട് പ​ഞ്ചാ​യ​ത്തി​ല്‍ ആ​ഫ്രി​ക്ക​ന്‍ പ​ന്നി​പ്പ​നി സ്ഥി​രീ​ക​രി​ച്ച പ​ന്നി ഫാ​മി​ലെ​യും ഒ​രു കി​ലോ​മീ​റ്റ​ര്‍ ചു​റ്റ​ള​വി​ലെ ഫാ​മു​ക​ളി​ലെ​യും എ​ല്ലാ പ​ന്നി​ക​ളെ​യും കേ​ന്ദ്ര സ​ര്‍ക്കാ​റി​ന്റെ പ്ലാ​ന്‍ ഓ​ഫ് ആ​ക്ഷ​ന്‍ പ്ര​കാ​ര​മു​ള്ള എ​ല്ലാ​വി​ധ പ്രോ​ട്ടോ​ക്കോ​ളു​ക​ളും പാ​ലി​ച്ച് ഉ​ന്മൂ​ല​നം ചെ​യ്യ​ണ​മെ​ന്നും ജ​ഡം സം​സ്‌​ക​രി​ച്ച് ആ ​വി​വ​രം ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ര്‍ അ​റി​യി​ക്ക​ണ​മെ​ന്നും ക​ല​ക്ട​ര്‍ നി​ര്‍ദേ​ശി​ച്ചു. നേ​ര​ത്തേ മു​ത​ല​മ​ട പ​ഞ്ചാ​യ​ത്തി​ലെ നീ​ളി​പ്പാ​റ​യി​ലും അ​ഫ്രി​ക്ക​ൻ പ​ന്നി​പ്പ​നി സ്ഥി​രീ​ക​രി​ച്ചി​രു​ന്നു.

നി​ര്‍ദേ​ശ​ങ്ങ​ള്‍

രോ​ഗ​ബാ​ധി​ത പ്ര​ദേ​ശ​ങ്ങ​ളി​ല്‍നി​ന്ന് പ​ന്നി മാം​സം വി​ത​ര​ണം ചെ​യ്യു​ന്ന​തും പ​ന്നി​ക​ള്‍, പ​ന്നി​മാം​സം, തീ​റ്റ എ​ന്നി​വ ജി​ല്ല​യി​ലെ രോ​ഗ​ബാ​ധി​ത പ്ര​ദേ​ശ​ങ്ങ​ളി​ല്‍നി​ന്ന് കൊ​ണ്ടു​പോ​കു​ന്ന​തും മ​റ്റു പ്ര​ദേ​ശ​ങ്ങ​ളി​ല്‍നി​ന്ന് രോ​ഗ​ബാ​ധി​ത മേ​ഖ​ല​യി​ലേ​ക്ക് കൊ​ണ്ടു​വ​രു​ന്ന​തും ഇ​നി​യൊ​രു ഉ​ത്ത​ര​വ് ഉ​ണ്ടാ​കു​ന്ന​തു​വ​രെ നി​ര്‍ത്തി​വെ​ക്ക​ണം.

മേ​ലാ​ര്‍ക്കോ​ട് ഗ്രാ​മ​പ​ഞ്ചാ​യ​ത്തി​ലെ രോ​ഗം സ്ഥി​രീ​ക​രി​ച്ച പ​ന്നി ഫാ​മി​ല്‍നി​ന്ന് മ​റ്റു പ​ന്നി ഫാ​മു​ക​ളി​ലേ​ക്ക് ക​ഴി​ഞ്ഞ ര​ണ്ട് മാ​സ​ത്തി​നി​ടെ പ​ന്നി​ക​ളെ കൊ​ണ്ടു​പോ​യി​ട്ടു​ണ്ടോ എ​ന്ന് അ​ന്വേ​ഷി​ച്ച് ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ര്‍ റി​പ്പോ​ര്‍ട്ട് ചെ​യ്യ​ണം.

രോ​ഗം സ്ഥി​രീ​ക​രി​ച്ച ത​ദ്ദേ​ശ സ്വ​യം​ഭ​ര​ണ സ്ഥാ​പ​ന പ​രി​ധി​യി​ലെ പൊ​ലീ​സ്, മൃ​ഗ​സം​ര​ക്ഷ​ണ വ​കു​പ്പ്, ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ത്തി​ലെ ഉ​ദ്യോ​ഗ​സ്ഥ​ര്‍, വി​ല്ലേ​ജ് ഓ​ഫി​സ​ര്‍ എ​ന്നി​വ​ര്‍ ഉ​ള്‍പ്പെ​ട്ട റാ​പ്പി​ഡ് റെ​സ്‌​പോ​ണ്‍സ് ടീം ​ഉ​ട​ന്‍ രൂ​പവത്ക​രി​ച്ച് പ്ര​വ​ര്‍ത്ത​നം ആ​രം​ഭി​ക്കാ​ന്‍ ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ര്‍ക്കും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന സെ​ക്ര​ട്ട​റി​മാ​ര്‍ക്കും നി​ര്‍ദേ​ശം ന​ല്‍കി.

ജി​ല്ല​യി​ല്‍ മ​റ്റു ഭാ​ഗ​ങ്ങ​ളി​ല്‍ പ​ന്നി​പ്പ​നി വൈ​റ​സ് ക​ണ്ടെ​ത്തു​ന്ന സാ​ഹ​ച​ര്യ​ത്തി​ല്‍ ബ​ന്ധ​പ്പെ​ട്ട ന​ഗ​ര​സ​ഭ/ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​മാ​ര്‍, വി​ല്ലേ​ജ് ഓ​ഫി​സ​ര്‍മാ​ര്‍, റൂ​റ​ല്‍ ഡെയ​റി ഡെ​വ​ല​പ്‌​മെ​ന്റ് ഉ​ദ്യോ​ഗ​സ്ഥ​ര്‍ എ​ന്നി​വ​ര്‍ ബ​ന്ധ​പ്പെ​ട്ട മൃ​ഗ​സം​ര​ക്ഷ​ണ ഓ​ഫി​സ​റെ അ​റി​യി​ക്ക​ണം. വൈ​റ​സ് വ്യാ​പ​നം നി​യ​ന്ത്രി​ക്കാ​നു​ള്ള ന​ട​പ​ടി മൃ​ഗ​സം​ര​ക്ഷ​ണ ഓ​ഫി​സ​ര്‍ സ്വീ​ക​രി​ക്ക​ണ​മെ​ന്നും നി​ര്‍ദേ​ശ​മു​ണ്ട്.

പ​ന്നി മാം​സ​ത്തി​ന് നി​യ​ന്ത്ര​ണം

വ​ട​ക്ക്-​കി​ഴ​ക്ക് ഇ​ന്ത്യ​യി​ലും ബി​ഹാ​റി​ലും ആ​ഫ്രി​ക്ക​ന്‍ പ​ന്നി​പ്പ​നി പ​ട​രു​ന്ന സാ​ഹ​ച​ര്യ​ത്തി​ല്‍ ഒ​ക്‌​ടോ​ബ​ര്‍ 11 മു​ത​ല്‍ 30 ദി​വ​സ​ത്തേ​ക്ക് പ​ന്നി, മാം​സം, പ​ന്നി മാം​സം കൊ​ണ്ടു​ള്ള ഉ​ൽ​പ്പ​ന്ന​ങ്ങ​ള്‍, വ​ളം എ​ന്നി​വ കേ​ര​ള​ത്തി​ലേ​ക്കും കേ​ര​ള​ത്തി​ല്‍നി​ന്ന് മ​റ്റു സം​സ്ഥാ​ന​ങ്ങ​ളി​ലേ​ക്കും കൊ​ണ്ടു​വ​രാ​നും കൊ​ണ്ടു​പോ​കാ​നും നി​യ​ന്ത്ര​ണം ഏ​ര്‍പ്പെ​ടു​ത്തി​യി​ട്ടു​ണ്ട്.

വൈ​റ​സ് സാ​ഹ​ച​ര്യം നി​ല​നി​ല്‍ക്കു​ന്ന​തി​നാ​ല്‍ കേ​ര​ളം നി​യ​ന്ത്രി​ത മേ​ഖ​ല​യാ​ണ്. ആ​ഫ്രി​ക്ക​ന്‍ പ​ന്നി​പ്പ​നി​ക്ക് വാ​ക്‌​സി​നോ മ​റ്റു പ്ര​തി​രോ​ധ​മ​രു​ന്നു​ക​ളോ ഇ​ല്ലാ​ത്ത​തി​നാ​ല്‍ പ​ന്നി​ക​ള്‍ കൂ​ട്ട​ത്തോ​ടെ ച​ത്തു​പോ​കു​ന്ന സ്ഥി​തി ഈ ​വൈ​റ​സ് മൂലം ഉ​ണ്ടാ​കും.

ഈ ​രോ​ഗം പ​ന്നി​ക​ളി​ല്‍ മാ​ത്രം ക​ണ്ടു​വ​രു​ന്ന​തി​നാ​ല്‍ മ​റ്റു മൃ​ഗ​ങ്ങ​ളി​ലേ​ക്കും മ​നു​ഷ്യ​രി​ലേ​ക്കും പ​ക​രാ​ൻ സാ​ധ്യ​ത കു​റ​വാ​ണ്.