ജ​ന​ങ്ങ​ളെ നി​രാ​ശ​രാ​ക്കി സ​പ്ലൈ​കോ ഔ​ട്ട്​​ലെ​റ്റ്

പാ​ല​ക്കാ​ട്: ക്രി​സ്മ​സ് കാ​ല​ത്ത് ആ​ളു​ക​ളെ നി​രാ​ശ​രാ​ക്കി സ​പ്ലൈ​കോ വി​പ​ണി. ജി​ല്ല​യി​ലെ ഔ​ട്ട്ലെ​റ്റു​ക​ളി​ലൊ​ന്നും സ​ബ്സി​ഡി നി​ര​ക്കി​ലെ സാ​ധ​ന​ങ്ങ​ൾ പ​ല​തും കി​ട്ടാ​നി​ല്ല. ജി​ല്ല​യി​ൽ സ​പ്ലൈ​കോ​ക്ക് 38 ഔ​ട്ട് ലെ​റ്റു​ക​ളാ​ണു​ള്ള​ത്. പ​റ​മ്പി​ക്കു​ള​ത്തേ​ക്കു​ൾ​പ്പെ​ടെ സാ​ധ​ന​ങ്ങ​ളെ​ത്തി​ക്കു​ന്ന ഒ​രു മൊ​ബൈ​ൽ മാ​വേ​ലി യൂ​നി​റ്റു​മു​ണ്ട്. 13 ഇ​ന​ങ്ങ​ളി​ൽ വെ​ളി​ച്ചെ​ണ്ണ​യൊ​ഴി​കെ മ​റ്റ് സാ​ധ​ന​ങ്ങ​ളി​ല്ലാ​ത്ത സ്ഥി​തി​യാ​ണ്. പ​ഞ്ച​സാ​ര​യും മു​ള​കും വ​ൻ​പ​യ​റും കി​ട്ടാ​താ​യി​ട്ട് കാ​ല​മേ​റെ​യാ​യി. ഓ​ണ​ശേ​ഷം ഈ ​ഉ​ൽ​പ​ന്ന​ങ്ങ​ളു​ടെ സ്റ്റോ​ക്ക് വ​ല്ല​പ്പോ​ഴു​മേ എ​ത്തി​യി​ട്ടു​ള്ളൂ​വെ​ന്ന് അ​ധി​കൃ​ത​ർ ത​ന്നെ സ​മ്മ​തി​ക്കു​ന്നു.

ചെ​റു​പ​യ​ർ, മ​ല്ലി, ക​ട​ല തു​ട​ങ്ങി​യ ഉ​ൽ​പ​ന്ന​ങ്ങ​ളു​ടെ സ്റ്റോ​ക്ക് ക​ഴി​ഞ്ഞ​മാ​സം വ​ന്നി​രു​ന്നെ​ങ്കി​ലും എ​ത്തി​യ​പാ​ടേ തീ​ർ​ന്നു. ക​ഴി​ഞ്ഞ​വ​ർ​ഷം ക്രി​സ്മ​സ് കാ​ല​ത്ത് ഔ​ട്ട് ലെ​റ്റു​ക​ളോ​ട് ചേ​ർ​ന്ന് സ​പ്ലൈ​കോ ച​ന്ത​യു​ണ്ടാ​യി​രു​ന്നു. ഇ​ക്കു​റി സാ​ധ​ന​ക്ഷാ​മം മൂ​ലം ച​ന്ത​ക​ൾ പ്ര​വ​ർ​ത്തി​ക്കു​ന്നി​ല്ല. പ​രി​പ്പു​ൾ​പ്പെ​ടെ നോ​ൺ സ​ബ്സി​ഡി നി​ര​ക്കി​ലു​ള്ള സാ​ധ​ന​ങ്ങ​ളും മി​ക്ക​തും വ​രു​ന്നേ​യു​ള്ളൂ.

ഒ​റ്റ​പ്പാ​ലം സ​പ്ലൈ​കോ പീ​പ്പി​ൾ​സ് ബ​സാ​റി​ലും ക്രി​സ്മ​സ് വി​പ​ണി​യി​ൽ സ​ബ്സി​ഡി​യു​ള്ള സാ​ധ​ന​ങ്ങ​ൾ ന​ന്നേ കു​റ​വ്. മ​ല്ലി​ക്കും വെ​ളി​ച്ചെ​ണ്ണ​ക്കും മാ​ത്ര​മാ​ണ് സ​ബ്സി​ഡി​യു​ള്ള​ത്. ഇ​തി​ൽ വെ​ളി​ച്ചെ​ണ്ണ ക​ഴി​ഞ്ഞ​ദി​വ​സ​മാ​ണ് എ​ത്തി​യ​ത്. ആ​ളു​ക​ൾ​ക്ക് കൂ​ടു​ത​ലാ​യി ആ​വ​ശ്യ​മു​ള്ള പ​ഞ്ച​സാ​ര, മു​ള​ക്, ക​ട​ല, വ​ൻ​പ​യ​ർ, പ​രി​പ്പ്, ഉ​ഴു​ന്ന് തു​ട​ങ്ങി​യ​വ​യൊ​ന്നും ഇ​പ്പോ​ഴി​ല്ല. വ​രു​മാ​ന​ത്തി​ലും വ​ൻ ഇ​ടി​വു​ണ്ടാ​യ​താ​യാ​ണ് വി​വ​രം. സ​ബ്സി​ഡി സാ​ധ​ന​ങ്ങ​ൾ ഉ​ണ്ടാ​യി​രു​ന്ന​പ്പോ​ൾ 500 ഓ​ളം പേ​ർ എ​ത്തി​യി​രു​ന്നി​ട​ത്ത് ഇ​പ്പോ​ൾ 150 മു​ത​ൽ 200 പേ​ർ​വ​രെ മാ​ത്ര​മാ​ണെ​ത്തു​ന്ന​ത്.