വി​ദ്യാ​ർ​ഥി​നി​യു​ടെ ആ​ത്മ​ഹ​ത്യ; പൊ​ലീ​സി​ന് വീ​ഴ്ച​യെ​ന്ന് ആക്ഷേപം

പാ​ല​ക്കാ​ട്: പ്രാ​യ​പൂ​ർ​ത്തി​യാ​വാ​ത്ത ​പെ​ൺ​കു​ട്ടി ​ലൈം​ഗി​കാ​തി​ക്ര​മ​ത്തി​ന് ഇ​ര​യാ​യി ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ മം​ഗ​ലം​ഡാം ​പൊ​ലീ​സി​ന് വീ​ഴ്ച​യെ​ന്ന് ബ​ന്ധു​ക്ക​ൾ. ക​ഴി​ഞ്ഞ മാ​ർ​ച്ച് 28നാ​ണ് ആ​ല​ത്തൂ​ർ വ​ണ്ടാ​ഴി സ്വ​ദേ​ശി​നി​യാ​യ ഒ​മ്പ​താം ക്ലാ​സ് വി​ദ്യാ​ർ​ഥി​നി കി​ട​പ്പു​മു​റി​യി​ലെ ഫാ​നി​ൽ ​തൂ​ങ്ങി മ​രി​ച്ച​ത്. പെ​ൺ​കു​ട്ടി​ക്ക് സ​മീ​പ​വാ​സി​യാ​യ യു​വാ​വു​മാ​യി അ​ടു​പ്പ​മു​ണ്ടാ​യി​രു​ന്നു​വെ​ന്നും ഫോ​ൺ പി​ടി​ച്ചെ​ടു​ത്ത​തി​നെ തു​ട​ർ​ന്ന് മു​റി​യി​ൽ ക​യ​റി ക​ത​ക​ട​ക്കു​ക​യാ​യി​രു​ന്നു​വെ​ന്നു​മാ​ണ് മാ​താ​പി​താ​ക്ക​ൾ മൊ​ഴി ന​ൽ​കി​യ​ത്.

കു​ട്ടി ലൈം​ഗി​കാ​തി​ക്ര​മ​ത്തി​ന് ഇ​ര​യാ​യ​താ​യി മാ​താ​പി​താ​ക്ക​ൾ സം​ശ​യം പ്ര​ക​ടി​പ്പി​ക്കു​ക​യും ചെ​യ്തി​രു​ന്നു. തു​ട​ർ​ന്ന് പോ​സ്റ്റ്മോ​ർ​ട്ട​ത്തി​ൽ ഇ​ത് സ്ഥി​രീ​ക​രി​ച്ചി​ട്ടും പൊ​ലീ​സ് ന​ട​പ​ടി ​ഇ​ഴ​യു​ക​യാ​ണെ​ന്ന് മാ​താ​പി​താ​ക്ക​ൾ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. കേ​സ് അ​ട്ടി​മ​റി​ക്കാ​ൻ രാ​ഷ്ട്രീ​യ ഇ​ട​പെ​ട​ലു​ണ്ടോ എ​ന്ന് സം​ശ​യ​മു​ണ്ട്.

നീ​തി നി​ഷേ​ധി​ക്കു​ന്ന പ​ക്ഷം പ്ര​ക്ഷോ​ഭം സം​ഘ​ടി​പ്പി​ക്കു​മെ​ന്നും ഇ​വ​ർ​ക്കൊ​പ്പ​മെ​ത്തി​യ നാ​ട്ടു​കാ​ർ പ​റ​ഞ്ഞു. എ​ന്നാ​ൽ, കേ​സു​മാ​യി ബ​ന്ധ​പ്പെ​ട്ട് അ​ന്വേ​ഷ​ണം ശ​രി​യാ​യ ദി​ശ​യി​ലാ​ണ് നീ​ങ്ങു​ന്ന​തെ​ന്ന് നി​ല​വി​ലെ അ​​ന്വേ​ഷ​ണ ഉ​ദ്യോ​ഗ​സ്ഥ​നാ​യ വ​ട​ക്ക​ഞ്ചേ​രി സി.​ഐ കെ.​പി. ബെ​ന്നി പ​റ​ഞ്ഞു. പോ​സ്റ്റ്മോ​ർ​ട്ട​ത്തി​ൽ കു​ട്ടി ലൈം​ഗി​കാ​തി​ക്ര​മ​ത്തി​ന് ഇ​ര​യാ​യ​താ​യി ക​ണ്ടെ​ത്തി​യി​ട്ടു​ണ്ട്. ​​​

സം​ഭ​വ​ത്തി​ൽ പോ​ക്സോ നി​യ​മ​പ്ര​കാ​ര​മാ​ണ് കേ​സ് ര​ജി​സ്റ്റ​ർ ചെ​യ്തി​ട്ടു​ള്ള​ത്. ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ൽ ഏ​ഴം​ഗ സം​ഘ​മാ​ണ് നി​ല​വി​ൽ കേ​സ​ന്വേ​ഷി​ക്കു​ന്ന​ത്. ഒ​ളി​വി​ൽ ക​ഴി​യു​ന്ന പ്ര​തി​യെ സം​ബ​ന്ധി​ച്ച് കൃ​ത്യ​മാ​യ വി​വ​രം ല​ഭി​ച്ചി​ട്ടു​ണ്ട്. ഇ​യാ​ളെ വ​രും​ദി​വ​സ​ങ്ങ​ളി​ൽ പി​ടി​കൂ​ടാ​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും കെ.​പി. ബെ​ന്നി പ​റ​ഞ്ഞു.