ഹൈ​മാ​സ്റ്റ് വി​ള​ക്ക് ക​ണ്ണ​ട​ച്ചതോടെ ഇരുട്ടിൽ തപ്പി സ്റ്റേ​ഡി​യം ബസ് സ്റ്റാ​ൻ​ഡ്

പാ​ല​ക്കാ​ട്: ദി​നം​പ്ര​തി നൂ​റു​ക​ണ​ക്കി​ന് യാ​ത്ര​ക്കാ​ർ വ​ന്നു​പോ​കു​ന്ന സ്റ്റേ​ഡി​യം ബ​സ് സ്റ്റാ​ൻ​ഡ് സ​ന്ധ്യ​യാ​യാ​ൽ ഇ​രു​ട്ടി​ൽ. ല​ക്ഷ​ങ്ങ​ൾ മു​ട​ക്കി​യ ഹൈ​മാ​സ്റ്റ് വി​ള​ക്കു​ക​ൾ സ്ഥാ​പി​ച്ചി​ട്ടും സ്റ്റാ​ൻ​ഡി​ൽ വെ​ളി​ച്ച​മി​ല്ലാ​ത്ത സ്ഥി​തി​യാ​ണ്. സ്റ്റാ​ൻ​ഡി​ലെ​ത്തു​ന്ന യാ​ത്ര​ക്കാ​ർ​ക്ക് മൊ​ബൈ​ൽ ടോ​ർ​ച്ചും ബ​സു​ക​ളി​ൽ നി​ന്നു​ള്ള വെ​ളി​ച്ച​വു​മാ​ണ് ആ​ശ്ര​യം. സ്റ്റാ​ൻ​ഡി​ൽ​നി​ന്ന് ബ​സു​ക​ൾ പു​റ​ത്തി​റ​ങ്ങു​ന്ന ഭാ​ഗ​ത്തു​ള്ള ഹൈ​മാ​സ്റ്റ് വി​ള​ക്ക് പ്ര​വ​ർ​ത്ത​ന​ര​ഹി​ത​മാ​കു​ന്ന​താ​ണ് പ്ര​ശ്നം. പ​ത്തു​വ​ർ​ഷം മു​മ്പാ​ണ് 40 ല​ക്ഷം രൂ​പ ചെ​ല​വി​ൽ ഒ​ല​വ​ക്കോ​ട്, സ്റ്റേ​ഡി​യം സ്റ്റാ​ൻ​ഡ്, മേ​ഴ്സി കോ​ള​ജ്, ബി.​ഇ.​എം സ്കൂ​ൾ ജ​ങ്ഷ​ൻ, ഐ.​എം.​എ ജ​ങ്ഷ​ൻ എ​ന്നി​വി​ട​ങ്ങ​ളി​ൽ ഹൈ​മാ​സ്റ്റ് വി​ള​ക്കു​ക​ൾ സ്ഥാ​പി​ച്ച​ത്. ഇ​തി​ൽ മി​ക്ക​തി​ലെ​യും ബ​ൾ​ബു​ക​ൾ കേ​ടാ​യി​ട്ട് കാ​ല​ങ്ങ​ളാ​യി.

സ്റ്റേ​ഡി​യം സ്റ്റാ​ൻ​ഡി​ലെ എ​ട്ടു ബ​ൾ​ബു​ക​ളു​ള്ള ഹൈ​മാ​സ്റ്റ് വി​ള​ക്കി​ൽ ഒ​രെ​ണ്ണം മാ​ത്ര​മാ​ണ് ഇ​പ്പോ​ൾ പ്ര​കാ​ശി​ക്കു​ന്ന​ത്. സ്റ്റാ​ൻ​ഡി​ന്റെ വ​ട​ക്കു​വ​ശ​ത്ത് സ്ഥാ​പി​ച്ച ഹൈ​മാ​സ്റ്റ് വി​ള​ക്കു കൊ​ണ്ട് യാ​തൊ​രു പ്ര​യോ​ജ​ന​വു​മി​ല്ലാ​ത്ത സ്ഥി​തി​യു​മാ​ണ്. സ്റ്റാ​ൻ​ഡി​നു മു​ൻ​വ​ശ​ത്തെ ട്രാ​ക്കു​ക​ളി​ൽ മ​തി​യാ​യ വി​ള​ക്കു​ക​ളി​ല്ലാ​ത്ത​തി​നാ​ൽ ഇ​വി​ട​വും രാ​ത്രി​യാ​യാ​ൽ ഇ​രു​ട്ടി​ലാ​ണ്. സ​മീ​പ​ത്ത് സ്വ​കാ​ര്യ ബാ​റു​ള്ള​തി​നാ​ൽ സ​ന്ധ്യ മ​യ​ങ്ങി​യാ​ൽ സ്റ്റാ​ൻ​ഡും പ​രി​സ​ര​വും മ​ദ്യ​പ​രു​ടെ​യും സാ​മൂ​ഹി​ക​വി​രു​ദ്ധ​രു​ടെ​യും താ​വ​ള​മാ​യി മാ​റു​ക​യാ​ണ്.

അ​റ്റ​കു​റ്റ​പ്പ​ണി​ക​ൾ ന​ട​ത്താ​ത്ത​തും സാ​ങ്കേ​തി​ക ത​ക​രാ​റു​ക​ൾ പ​രി​ഹ​രി​ക്കാ​ത്ത​തു​മാ​ണ് ഹൈ​മാ​സ്റ്റ് വി​ള​ക്കു​ക​ൾ മി​ഴി​യ​ട​ക്കാ​ൻ കാ​ര​ണ​മാ​കു​ന്ന​ത്. രാ​പ​ക​ല​ന്യേ നി​ര​വ​ധി ബ​സു​ക​ളും യാ​ത്ര​ക്കാ​രും വ​ന്നു പോ​കു​ന്ന തി​ര​ക്കേ​റി​യ സ്റ്റേ​ഡി​യം സ്റ്റാ​ൻ​ഡി​ൽ ഹൈ​മാ​സ്റ്റ് വി​ള​ക്കു​ക​ൾ പ്ര​വ​ർ​ത്ത​ന​ക്ഷ​മ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.