പെരുന്നാളിന് പാലക്കാട്​ ജില്ലയിലെ​ കണ്ടെയ്​മെൻറ്​ സോണിൽ അറവിന്​ വിലക്ക്; മാംസകടകൾക്ക്​ നിയന്ത്രണം ബാധകമല്ല

പാലക്കാട്​: ജില്ലയിലെ ക​െണ്ടയ്ൻമെൻറ്​ സോണുകളിൽ മേയ്​ 12, 13 തീയതികളിൽ ആഘോഷവുമായി ബന്ധപ്പെട്ട് മൃഗങ്ങളെ അറുക്കൽ, മാംസവിതരണം എന്നിവ നിരോധിച്ചു. കോവിഡ് പശ്ചാത്തലത്തിൽ ജനക്കൂട്ടം ഒഴിവാക്കുക, സമ്പർക്കം കുറക്കുക എന്നിവ ലക്ഷ്യമിട്ടാണ്​ നടപടിയെന്ന്​ ജില്ല കലക്​ടർ മൃൺമയി ജോഷി അറിയിച്ചു.

സാധാരണ മാംസ കടകൾക്ക്​ നിയന്ത്രണം ബാധകമല്ല. തിങ്കളാഴ്​ച ജില്ലാ ദുരന്തനിവാരണ അതോറിറ്റി യോഗത്തിലാണ് തീരുമാനം. മറ്റു സ്ഥലങ്ങളിൽ ആവശ്യമുള്ളവർ മാത്രം ചേർന്നും കോവിഡ് പ്രോട്ടോക്കോൾ പാലിച്ചുകൊണ്ടും മൃഗങ്ങളെ അറുക്കുന്നതിൽ തടസമില്ല.

ഇങ്ങനെ അറുക്കുന്ന മാംസം ബന്ധപ്പെട്ടവർ വീടുകളിൽ എത്തിച്ചുകൊടുക്കണം. അറുക്കുന്ന സ്ഥലത്ത് മാംസ വിതരണം കർശനമായി നിരോധിച്ചിട്ടുണ്ട്.