ജ​ല​ത്തി​ന് കേ​ഴു​മ്പോ​ഴും പൈ​പ്പ് പൊ​ട്ട​ലി​ന് ശാ​ശ്വ​ത പ​രി​ഹാ​ര​മി​ല്ല

ഷൊ​ർ​ണൂ​ർ: കു​ള​പ്പു​ള്ളി-​ക​ല്ലു​രു​ട്ടി-​കു​റു​വ​ട്ടൂ​ർ റോ​ഡി​ലൂ​ടെ യാ​ത്ര ചെ​യ്താ​ൽ ജ​ല അ​തോ​റി​റ്റി വെ​ള്ളം പാ​ഴാ​ക്കു​ന്ന​തി​ന്‍റെ തോ​ത് വ്യ​ക്ത​മാ​കും. മൂ​ന്ന് കി​ലോ​മീ​റ്റ​റി​നു​ള്ളി​ൽ ഇ​രു​പ​തോ​ളം സ്ഥ​ല​ത്താ​ണ് പൈ​പ്പ് പൊ​ട്ടി വെ​ള്ളം പാ​ഴാ​കു​ന്ന​ത്. ക​ല്ലു​രു​ട്ടി​യി​ൽ​നി​ന്ന് ക​ണ​യം സെ​ന്‍റ​റി​ലേ​ക്കു​ള്ള ഒ​രു കി​ലോ​മീ​റ്റ​ർ ദൂ​ര​ത്തി​ൽ നി​ര​വ​ധി സ്ഥ​ല​ത്ത് പൈ​പ്പ് പൊ​ട്ടി വെ​ള്ളം പാ​ഴാ​കു​ന്ന​ുണ്ട്.

ക​ണ​യം വാ​യ​ന​ശാ​ല ഭാ​ഗ​ത്തു​നി​ന്ന് പാ​റ​പ്പു​റം, പാ​ല​ന്നൂ​ർ വ​ഴി കു​ള​പ്പു​ള്ളി​യി​ലേ​ക്ക് പോ​കു​ന്ന റോ​ഡി​ൽ തോ​ട് ക​ണ​ക്കെ​യാ​ണ് വെ​ള്ളം പ​ര​ന്നൊ​ഴു​കു​ന്ന​ത്. കു​ള​പ്പു​ള്ളി ചി​ന്താ​മ​ണി ജ​ങ്ഷ​ൻ, തൃ​പ്പു​റ്റ പാ​ടം എ​ന്നി​വി​ട​ങ്ങ​ളി​ലും സ്ഥി​തി വ്യ​ത്യ​സ്ത​മ​ല്ല. ക​ടു​ത്ത വേ​ന​ലി​ൽ വെ​ള്ളം പാ​ഴാ​കു​മ്പോ​ഴും ന​ഗ​ര​സ​ഭ അ​ധി​കൃ​ത​രും അം​ഗ​ങ്ങ​ളും ഒ​ന്നു​മ​റി​യാ​ത്ത ഭാ​വ​ത്തി​ലാ​ണ്. പു​തി​യ പൈ​പ്പി​ട്ട​ശേ​ഷം വെ​ള്ളം ക​ട​ത്തി​വി​ട്ട ഭാ​ഗ​ങ്ങ​ളി​ലാ​ണ് പൈ​പ്പ് പൊ​ട്ടി​യും, കൂ​ട്ടി​ച്ചേ​ർ​ത്ത​യി​ട​ത്ത്‌ ഒ​ലി​ച്ചി​റ​ങ്ങി​യും വെ​ള്ളം പാ​ഴാ​കു​ന്ന​ത്.

ക​ല്ലു​രു​ട്ടി​യി​ൽ ജ​ല സ​മ്മ​ർ​ദം കു​റ​ക്കാ​ൻ നേരത്തേ സ്ഥാ​പി​ച്ച വാ​ൽ​വി​ലെ ചോ​ർ​ച്ച വ​ർ​ഷ​ങ്ങ​ൾ പി​ന്നി​ട്ടി​ട്ടും അ​ട​ക്കാ​നാ​യി​ട്ടി​ല്ല. അ​ഞ്ച് മീ​റ്റ​റി​നു​ള്ളി​ൽ പു​തി​യ പൈ​പ്പി​ട്ടി​ട​ത്ത് പു​തി​യ വാ​ൽ​വ് ഘ​ടി​പ്പി​ച്ചി​ട്ട് ദി​വ​സ​ങ്ങ​ൾ മാ​ത്ര​മേ ആ​യി​ട്ടു​ള്ളൂ. ഇ​വി​ടെ വ്യാ​പ​ക​മാ​യാ​ണ് വെ​ള്ളം ചോ​രു​ന്ന​ത്. റോ​ഡി​ലൂ​ടെ പ​ര​ന്നൊ​ഴു​കി നേ​ര​ത്തേ അ​ട​ർ​ന്ന​തി​ന്‍റെ ബാ​ക്കി ഭാ​ഗ​ങ്ങ​ൾ കൂ​ടി ത​ക​രു​ക​യാ​ണ്. വെ​ള്ളം പാ​ഴാ​കു​ന്ന​ത് മാ​ത്ര​മ​ല്ല, പു​ന:​രു​ദ്ധ​രി​ച്ച റോ​ഡു​ക​ൾ ദി​വ​സ​ങ്ങ​ൾ​ക്ക​കം ത​ക​രു​ന്ന​തും സ​ങ്ക​ട​ക​ര​മാ​ണ്.