‘വാ​യ്പ തി​രി​മ​റി​യെ​ക്കു​റി​ച്ച വാ​ർ​ത്ത​ക​ൾ ബാ​ങ്കി​നെ ത​ക​ർ​ക്കാ​നു​ള്ള ഗൂ​ഢാ​ലോ​ച​ന’

ഷൊ​ർ​ണൂ​ർ: ഷൊ​ർ​ണൂ​ർ അ​ർ​ബ​ൻ കോ-​ഓ​പ​റേ​റ്റീ​വ് ബാ​ങ്കി​നെ ബ​ന്ധ​പ്പെ​ടു​ത്തി മാ​ധ്യ​മ​ങ്ങ​ളി​ൽ വ​രു​ന്ന വാ​ർ​ത്ത​ക​ൾ അ​ടി​സ്ഥാ​ന ര​ഹി​ത​മെ​ന്ന് ബാ​ങ്ക് ചെ​യ​ർ​മാ​ൻ വാ​ർ​ത്ത​കു​റി​പ്പി​ൽ വ്യ​ക്ത​മാ​ക്കി. സ​ഹ​ക​ര​ണ മേ​ഖ​ല​യെ പൊ​തു​വെ ത​ക​ർ​ക്കാ​നു​ള്ള ഗു​ഢാ​ലോ​ച​ന​യു​ടെ ഭാ​ഗ​മാ​ണി​തെ​ന്നും കു​റി​പ്പി​ൽ കു​റ്റ​പ്പെ​ടു​ത്തി​യി​ട്ടു​ണ്ട്. ഷൊ​ർ​ണൂ​ർ ടൗ​ണി​ലേ​ത​ട​ക്കം ബാ​ങ്കി​ന് ആ​റ് ബ്രാ​ഞ്ചു​ക​ളു​ണ്ട്. 120 കോ​ടി രൂ​പ​യു​ടെ നി​ക്ഷേ​പ​ത്തി​ൽ​നി​ന്ന് 74 കോ​ടി രൂ​പ വാ​യ്പ ന​ൽ​കി​യി​ട്ടു​ണ്ട്. ക​ഴി​ഞ്ഞ വ​ർ​ഷ​ത്തെ ഓ​ഡി​റ്റ് റി​പ്പോ​ർ​ട്ട് പ്ര​കാ​രം 43 ല​ക്ഷം രൂ​പ​യു​ടെ അ​റ്റാ​ദാ​യം ഉ​ണ്ട്.

ബാ​ങ്കി​ന്റെ ഓ​ഡി​റ്റി​ലോ റി​സ​ർ​വ്‌ ബാ​ങ്ക് പ​രി​ശോ​ധ​ന​യി​ലോ ഒ​രു ഇ​ട​പാ​ടി​ലും ക്ര​മ​ക്കേ​ട് ക​ണ്ടെ​ത്തി​യി​ട്ടി​ല്ല. ഏ​തൊ​രു ധ​ന​കാ​ര്യ സ്ഥാ​പ​ന​ത്തി​നു​മെ​ന്ന​ത് പോ​ലെ ബാ​ങ്കി​നും വാ​യ്പ കു​ടി​ശ്ശി​ക​ക​ളു​ണ്ട്.

ബാ​ങ്ക് ന​ൽ​കി​യ എ​ല്ലാ വാ​യ്പ​ക​ൾ​ക്കും ഇ​ര​ട്ടി മൂ​ല്യ​മു​ള്ള വ​സ്തു​വോ ജാ​മ്യ​വ്യ​വ​സ്ഥ​യോ പാ​ലി​ച്ചി​ട്ടു​ണ്ട്. കു​ടി​ശി​ക​യു​ള്ള​വ​രി​ൽ നി​ന്നും തു​ക ഈ​ടാ​ക്കാ​നു​ള്ള ന​ട​പ​ടി ആ​രം​ഭി​ച്ചി​ട്ടു​മു​ണ്ടെ​ന്ന് വാ​ർ​ത്ത​ക്കു​റി​പ്പി​ൽ അ​റി​യി​ച്ചു.