മ​ലി​ന​ജ​ലം റോ​ഡി​ലേ​ക്ക്; കാ​ൽ​ന​ട​ക്കാ​ർ​ക്ക് ദു​രി​തം

പു​തു​ന​ഗ​രം: വീ​ടു​ക​ളി​ല്‍നി​ന്ന് മാ​ലി​ന​ജ​ലം റോ​ഡി​ലേ​ക്ക് ഒ​ഴു​ക്കു​ന്ന​ത് വ്യാ​പ​കം. കൊ​ല്ല​ങ്കോ​ട്, പു​തു​ന​ഗ​രം, കൊ​ടു​വാ​യൂ​ര്‍ പ​ഞ്ചാ​യ​ത്തു​ക​ളി​ലാ​ണ് വീ​ടു​ക​ളി​ല്‍നി​ന്ന് മ​ലി​ന​ജ​ലം റോ​ഡി​ലേ​ക്ക് ഒ​ഴു​ക്കു​ന്ന​ത്. മം​ഗ​ലം-​ഗോ​വി​ന്ദാ​പു​രം, പാ​ല​ക്കാ​ട്-​മീ​നാ​ക്ഷി​പു​രം എ​ന്നീ അ​ന്ത​ര്‍സം​സ്ഥാ​ന റോ​ഡു​ക​ളി​ലും മൂ​ന്ന് പ​ഞ്ചാ​യ​ത്തി​ലെ​യും റോ​ഡു​ക​ളി​ലും മാ​ലി​ന്യം ക​ല​ർ​ന്ന വെ​ള്ളം റോ​ഡി​ലേ​ക്ക് ഒ​ഴു​ക്കു​ന്നു​ണ്ട്.

രാ​ത്രി​യു​ടെ മ​റ​വി​ലാ​ണ് പ​ല​പ്പോ​ഴും നാ​റു​ന്ന വെ​ള്ള​മ​ട​ക്കം പാ​ത​ക​ളി​ല്‍ ഒ​ഴു​ക്കു​ന്ന​ത്. കൊ​ടു​വാ​യൂ​രി​ൽ ഓ​ട​ക​ളി​ൽ മ​ലി​ന്യം ത​ള്ളു​ന്നു​മു​ണ്ട്. നാ​ട്ടു​കാ​ര്‍ പൊ​തു​മ​രാ​മ​ത്ത് വ​കു​പ്പി​നും പ​ഞ്ചാ​യ​ത്ത് അ​ധി​കൃ​ത​ർ​ക്കും നി​ര​വ​ധി ത​വ​ണ പ​രാ​തി ന​ല്‍കി​യി​ട്ടും ന​ട​പ​ടി​യു​ണ്ടാ​യി​ട്ടി​ല്ല. വീ​ടു​ക​ൾ​ക്കു പു​റ​മെ ചി​ല ഹോ​ട്ട​ലു​ക​ളും ചെ​റു​കി​ട വ്യ​വ​സാ​യ കേ​ന്ദ്ര​ങ്ങ​ളും മാ​ലി​ന ജ​ലം ഓ​ട​ക​ളി​ലും റോ​ഡു​ക​ളി​ലും ഒ​ഴു​ക്കു​മ്പോ​ൾ ഉ​ദ്യോ​ഗ​സ്ഥ​ർ ക​ണ്ണ​ട​ക്കു​ക​യാ​ണ്.

മ​ലി​ന​ജ​ലം കു​ഴി​യെ​ടു​ത്ത് സം​സ്ക​രി​ക്ക​ണ​മെ​ന്ന നി​ര്‍ദേ​ശം പാ​ലി​ക്കു​ന്ന​വ​ർ കു​റ​വാ​ണ്. ക​ഴി​ഞ്ഞ​ദി​വ​സം കൊ​ല്ല​ങ്കോ​ട് പൊ​ള്ളാ​ച്ചി റോ​ഡി​ലേ​ക്ക് വീ​ടു​ക​ളി​ൽ​നി​ന്നും സ്വ​കാ​ര്യ​ബ​സ് ഡി​പ്പോ​യി​ൽ​നി​ന്നും മ​ലി​ന​ജ​ലം ഒ​ഴു​ക്കി​യ​ത് യാ​ത്ര​ക്കാ​രെ ഏ​റെ വ​ല​ച്ചു. പു​തു​ന​ഗ​ര​ത്ത് പ​ഞ്ചാ​യ​ത്ത് റോ​ഡി​ൽ ഉ​ൾ​പ്പെ​ടെ മ​ലി​ന​ജ​ലം പ​ക​ൽ സ​മ​യ​ത്ത് പോ​ലും ഒ​ഴു​ക്കാ​റു​ണ്ട്. വി​ദ്യാ​ര്‍ഥി​ക​ള്‍ ഉ​ള്‍പ്പെ​ടെ​യു​ള്ള കാ​ല്‍ന​ട​യാ​ത്ര​ക്കാ​ർ​ക്ക് ഇ​ത് ദു​രി​ത​മാ​യി. റോ​ഡി​ലെ മാ​ലി​ന്യ​മൊ​ഴു​ക്ക​ൽ വ്യാ​പാ​ര​സ്ഥാ​പ​ന​ങ്ങ​ൾ​ക്കും ശ​ല്യ​മാ​ണ്. മ​ലി​ന​ജ​ലം റോ​ഡി​ലേ​ക്ക് ഒ​ഴു​ക്കു​ന്ന​തി​നെ​തി​രെ പ​ഞ്ചാ​യ​ത്ത് അ​ധി​കൃ​ത​രും ആ​രോ​ഗ്യ​വ​കു​പ്പും ശ​ക്ത​മാ​യ നി​യ​മ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.