സെ​വ​ൻ​സ് ഫു​ട്ബാ​ൾ പാലക്കാട് ജി​ല്ല​യി​ൽ പ​ത്ത് ടൂ​ർ​ണ​മെ​ന്റു​ക​ൾ

പാ​ല​ക്കാ​ട്: ജി​ല്ല​യി​ൽ സെ​വ​ൻ​സ് ഫു​ട്ബാ​ൾ സീ​സ​ണി​ന് ന​വം​ബ​റി​ൽ തു​ട​ക്ക​മാ​വും. സെ​വ​ൻ​സ് ഫു​ട്​​ബാ​ൾ അ​സോ​സി​യേ​ഷ​ന്റെ മേ​ൽ​നോ​ട്ട​ത്തി​ൽ ജി​ല്ല​യി​ൽ ഈ ​സീ​സ​ണി​ൽ പ​ത്ത് ടൂ​ർ​ണ​മെ​ന്റു​ക​ളാ​ണ് അ​ര​ങ്ങേ​റു​ക. ടൂ​ർ​ണ​മെ​ന്റു​ക​ളു​ടെ സം​ഘാ​ട​ന​വു​മാ​യി ബ​ന്ധ​പ്പെ​ട്ട പ​ദ്ധ​തി​ക​ൾ​ക്ക് ഞാ​യ​റാ​ഴ്ച ചെ​ർ​പ്പു​ള​ശ്ശേ​രി​യി​ൽ ചേ​രു​ന്ന ​അ​സോ​സി​യേ​ഷ​ൻ ജി​ല്ല സ​മ്മേ​ള​നം അ​ന്തി​മ രൂ​പം ന​ൽ​കും. ജി​ല്ല​യി​ലെ ആ​ദ്യ ടൂ​ർ​ണ​മെ​ന്റ് ചെ​ർ​പ്പു​ള​ശേ​രി​യി​ലാ​ണ്. ചെ​ർ​പ്പു​ള​ശ്ശേ​രി ഫു​ട്ബാ​ൾ അ​സോ​സി​യേ​ഷ​ന്റെ (സി.​എ​ഫ്.​എ) നേ​തൃ​ത്വ​ത്തി​ൽ ഹൈ​സ്കൂ​ൾ മൈ​താ​ന​ത്ത് ന​ട​ക്കു​ന്ന ടൂ​ർ​ണ​മെ​ന്റ് ന​വം​ബ​ർ പ​ത്തി​ന് തു​ട​ങ്ങും.

എം.​എ​ഫ്.​എ മ​ണ്ണാ​ർ​ക്കാ​ട്, ച​ല​ഞ്ചേ​ഴ്സ് എ​ട​ത്ത​നാ​ട്ടു​ക​ര, അ​ഭി​ലാ​ഷ് എ​ഫ്.​സി കു​പ്പൂ​ത്ത്, ടൗ​ൺ ബോ​യ്സ് കൊ​പ്പം, പാ​സ്ക് പ​ട്ടാ​മ്പി, ജ്വാ​ല ഷൊ​ർ​ണൂ​ർ, ടൗ​ൺ സ്​​പോ​ർ​ട്സ് ഒ​റ്റ​പ്പാ​ലം, ജ​ന​ശ​ക്തി പ​രു​തൂ​ർ, സി.​എ​ഫ്.​എ ചാ​ലി​ശ്ശേ​രി എ​ന്നി​വ​യാ​ണ് ജി​ല്ല​യി​ൽ ന​ട​ക്കു​ന്ന മ​റ്റു ടൂ​ർ​ണ​മെ​ന്റു​ക​ൾ. ഏ​പ്രി​ൽ, മേ​യ് മാ​സ​ങ്ങ​ളി​ലാ​യി ന​ട​ക്കു​ന്ന ചാ​ലി​ശ്ശേ​രി ടൂ​ർ​ണ​മെ​​​ന്റോ​ടെ ജി​ല്ല​യി​ലെ സെ​വ​ൻ​സ് സീ​സ​ണി​ന് തി​ര​ശ്ശീ​ല വീ​ഴും. സം​സ്ഥാ​ന​ത​ല​ത്തി​ൽ ഇ​ത്ത​വ​ണ മാ​റ്റു​ര​ക്കു​ന്ന 31 ടീ​മു​ക​ളി​ൽ നാ​ലെ​ണ്ണം ജി​ല്ല​യി​ൽ​നി​ന്നാ​ണ്. ലി​ൻ​ഷ മെ​ഡി​ക്ക​ൽ​സ് മ​ണ്ണാ​ർ​ക്കാ​ട്, അ​ൽ​മ​ദീ​ന ചെ​ർ​പ്പു​ള​ശ്ശേ​രി, സോ​ക്ക​ർ ഷൊ​ർ​ണൂ​ർ, അ​ഭി​ലാ​ഷ് എ​ഫ്.​സി കു​പ്പൂ​ത്ത് എ​ന്നി​വ​യാ​ണി​വ.

ക​ഴി​ഞ്ഞ വ​ർ​ഷം ജി​ല്ല​യി​ൽ ആ​റ് ടൂ​ർ​ണ​മെ​ന്റു​ക​ളാ​ണ് ന​ട​ന്ന​ത്. ലോ​ക​ക​പ്പും റ​മ​ദാ​ൻ വ്ര​ത​വും വ​ന്ന​താ​ണ് എ​ണ്ണം കു​റ​യാ​ൻ കാ​ര​ണം. പ​ട്ടാ​മ്പി​യി​ലേ​ത് ഒ​ഴി​കെ ലാ​ഭ​ത്തി​ലാ​യി​രു​ന്നു. ഈ ​വ​ർ​ഷ​വും വി​ദേ​ശ താ​ര​ങ്ങ​ളെ ക​ളി​ക്കാ​ൻ അ​നു​വ​ദി​ക്കും. ടീ​മി​ൽ പ​ര​മാ​വ​ധി മൂ​ന്ന് വി​ദേ​ശ താ​ര​ങ്ങ​ളെ ക​ളി​പ്പി​ക്കാം. നോ​ക്കൗ​ട്ട് അ​ടി​സ്ഥാ​ന​ത്തി​ലാ​യി​രി​ക്കും മ​ത്സ​രം.

ഓ​രോ ടൂ​ർ​ണ​മെ​ന്റി​ലും ര​ജി​സ്റ്റ​ർ ചെ​യ്ത 24 ടീ​മു​ക​ൾ മാ​റ്റു​ര​ക്കും. മൊ​ത്തം 23 മ​ത്സ​രം ഉ​ണ്ടാ​കും. സെ​മി ര​ണ്ടു പാ​ദ​മാ​യി ന​ട​ത്തു​ന്ന​തി​ന് വി​ല​ക്കി​ല്ല. അ​സോ​സി​യേ​ഷ​ൻ നി​യോ​ഗി​ക്കു​ന്ന റ​ഫ​റി​മാ​രാ​ണ് ക​ളി നി​യ​ന്ത്രി​ക്കു​ക. ഇ​തി​നാ​യി 75 റ​ഫ​റി​മാ​രു​ടെ പാ​ന​ൽ ത​യാ​റാ​യി​ട്ടു​ണ്ട്. ഓ​രോ ടൂ​ർ​ണ​മെ​ന്റും ഒ​രു കോ​ടി രൂ​പ​ക്ക് ഇ​ൻ​ഷൂ​ർ ചെ​യ്തി​ട്ടു​ണ്ട്. ക​ളി​ക്കാ​ർ, കാ​ണി​ക​ൾ, ഒ​ഫീ​ഷ്യ​ൽ​സ് ഉ​ൾ​പ്പെ​ടെ എ​ല്ലാ​വ​ർ​ക്കും ഇ​ൻ​ഷൂ​റ​ൻ​സ് ക​വ​റേ​ജ് ല​ഭി​ക്കും. ടൂ​ർ​ണ​മെ​ന്റി​ൽ​നി​ന്ന് കി​ട്ടു​ന്ന വ​രു​മാ​നം പ്ര​ധാ​ന​മാ​യും കു​ട്ടി​ക​ൾ​ക്ക് പ​രി​ശീ​ല​നം ന​ൽ​കാ​നും ജീ​വ​കാ​രു​ണ്യ പ്ര​വ​ർ​ത്ത​ന​ത്തി​നു​മാ​ണ് വി​നി​യോ​ഗി​ക്കു​ക​യെ​ന്ന് ജി​ല്ല സെ​ക്ര​ട്ട​റി വാ​ഹി​ദ് കു​പ്പൂ​ത്ത് അ​റി​യി​ച്ചു.