ഒ​റ്റ​പ്പാ​ലത്ത് നി​ള​യി​ൽ അ​ഗ്നി​ബാ​ധ തു​ട​ർ​ക്ക​ഥ; ത​ക​രാ​റി​ലാ​യി ദേ​ശാ​ട​ന പ​ക്ഷി​ക​ളു​ടെ ആ​വാ​സ വ്യ​വ​സ്ഥ

ഒ​റ്റ​പ്പാ​ലം: നി​ള​ാനദിയി​ൽ അ​ടി​ക്ക​ടി​യു​ണ്ടാ​കു​ന്ന അ​ഗ്നി​ബാ​ധ ദേ​ശാ​ട​ന കി​ളി​ക​ൾ ഉ​ൾ​പ്പ​ടെ​യു​ള്ള പ​ക്ഷി​ക​ൾ​ക്ക് ഭീ​ഷ​ണി​യാ​വു​ന്നു. വേ​ന​ൽ പി​റ​ന്ന​ത് മു​ത​ൽ നി​ര​വ​ധി ത​വ​ണ​യാ​ണ് വെള്ളം കുറഞ്ഞ പു​ഴ​യി​ലെ ആ​റ്റു​വ​ഞ്ചി​ക​ളും പൊ​ന്ത​ക്കാ​ടു​ക​ളും ഉ​ൾ​പ്പെ​ട്ട വി​ശാ​ല​മാ​യ പ്ര​ദേ​ശം ക​ത്തി​യ​മ​ർ​ന്ന​ത്. പു​ഴ​യി​ലി​റ​ങ്ങു​ന്ന ഇ​ത​ര സം​സ്ഥാ​ന തൊ​ഴി​ലാ​ളി​ക​ളാ​ണ് പു​ഴ​യി​ൽ തീ​യി​ടു​ന്ന​തി​ന് പി​ന്നി​ലെ​ന്ന് വ​നം വ​കു​പ്പ് പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നെ​ങ്കി​ലും ന​ട​പ​ടി​യു​ടെ അ​ഭാ​വ​ത്തി​ൽ അ​ഗ്നി​ബാ​ധ തു​ട​രു​ക​യാ​ണ്. വ​ർ​ഷം തോ​റും പ​റ​ന്നെ​ത്തു​ന്ന ദേ​ശാ​ട​ന പ​ക്ഷി​ക​ളു​ടെ ആ​വാ​സ വ്യ​വ​സ്ഥ ത​കി​ടം മ​റി​ക്കു​ന്ന​താ​ണ് പു​ഴ​യി​ൽ അ​ടി​ക്ക​ടി അ​ര​ങ്ങേ​റു​ന്ന അ​ഗ്നി​ബാ​ധ.

പ​തി​വാ​യി എ​ത്തു​ന്ന ദേ​ശാ​ട​ന കി​ളി​ക​ളു​ടെ എ​ണ്ണ​ത്തി​ലു​ണ്ടാ​യ കു​റ​വി​ന് കാ​ര​ണം അ​ടി​ക്ക​ടി​യു​ള്ള അ​ഗ്നി​ബാ​ധ​യാ​ണെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. ദേ​ശാ​ട​ന കി​ളി​ക​ളി​ൽ ഒ​രു വി​ഭാ​ഗം പു​ഴ​യോ​ര​ങ്ങ​ളി​ലെ മ​ണ​ൽ തി​ട്ട​ക​ൾ കേ​ന്ദ്രീ​ക​രി​ച്ച് കൂ​ടു​കൂ​ട്ടി മു​ട്ട​യി​ട്ട് കു​ഞ്ഞു​ങ്ങ​ളെ വ​ള​ർ​ത്തു​ന്ന​വ​യാ​ണ്. നി​ര​ന്ത​ര അ​ഗ്നി​ബാ​ധ കാ​ര​ണം പ​ക്ഷി​ക​ൾ കൂ​ടു​കൂ​ട്ടി ആ​വാ​സ​മു​റ​പ്പി​ക്കു​ന്ന​തി​ൽ ഗ​ണ്യ​മാ​യ കു​റ​വാ​ണ് ഉ​ണ്ടാ​യി​രി​ക്കു​ന്ന​ത്. അ​ഞ്ച് വ​ർ​ഷം മു​മ്പ് ന​ട​ന്ന തീ​യി​ട​ലി​ൽ കൂ​ടു​ക​ൾ ക​ത്തി ന​ശി​ക്കു​ക​യും പ​ക്ഷി​ക​ളും മു​ട്ട​ക​ളും വെ​ന്തി​ല്ലാ​താ​കു​ക​യും ചെ​യ്തി​രു​ന്നു. സം​ഭ​വം പു​റ​ത്താ​യ​തോ​ടെ ഹ​രി​ത ട്രൈ​ബ്യൂ​ണ​ൽ കേ​സെ​ടു​ക്കു​ക​യും സു​ര​ക്ഷ​യൊ​രു​ക്കാ​ൻ നി​ർ​ദേ​ശി​ക്കു​ക​യു​മു​ണ്ടാ​യി. എ​ന്നാ​ൽ ഇ​തു​വ​രെ​യും യാ​തൊ​രു ന​ട​പ​ടി​ക​ളും ഉ​ണ്ടാ​യി​ട്ടി​ല്ല. മാ​ത്ര​മ​ല്ല, അ​ഗ്നി​ബാ​ധ തു​ട​ർ​സം​ഭ​വ​മാ​കു​ക​യും ചെ​യ്തു.

ദേ​ശാ​ട​ന പ​ക്ഷി​ക​ളു​ടെ പ​തി​വ് ആ​വാ​സ കേ​ന്ദ്ര​മാ​യി അ​റി​യ​പ്പെ​ടു​ന്ന​ത് മാ​യ​ന്നൂ​ർ പാ​ലം പ​രി​സ​ര​മാ​ണ്. പ​തി​വാ​യി സാ​മൂ​ഹ്യ വി​രു​ദ്ധ​ർ കൊ​ള്ളി​വെ​ക്കു​ന്ന​തും ഇ​വി​ടെ​യാ​ണെ​ന്ന​താ​ണ് ദു​ര​ന്ത​ങ്ങ​ൾ​ക്ക് ആ​ക്കം കൂ​ട്ടു​ന്ന​ത്. ന​വം​ബ​ർ മു​ത​ൽ ഫെ​ബ്രു​വ​രി വ​രെ മാ​സ​ങ്ങ​ളി​ലാ​ണ് ദേ​ശാ​ട​ന പ​ക്ഷി​ക​ൾ ഇ​വി​ടെ​യെ​ത്തു​ന്ന​ത്. വേ​ന​ലി​ൽ പു​ഴ​യി​ൽ തീ​യി​ടു​ന്ന​ത് ത​ട​യാ​ൻ കൃ​ത്യ​മാ​യ ന​ട​പ​ടി​ക​ൾ ഉ​ണ്ടാ​വാ​ത്ത പ​ക്ഷം ദേ​ശാ​ട​ന കി​ളി​ക​ൾ ഉ​ൾ​പ്പ​ടെ വി​രു​ന്നു​കാ​രു​ടെ വ​ര​വ് നി​ല​ക്കാ​ൻ കാ​ര​ണ​മാ​കു​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.