കൃ​ഷി​യി​ലെ വേ​റി​ട്ട സാ​ന്നി​ധ്യ​വു​മാ​യി സാ​ന്ത്വ​നം കു​ടും​ബ​ശ്രീ

ആ​ല​ത്തൂ​ർ: കു​ടും​ബ​ശ്രീ​യു​ടെ തു​ട​ക്കം ത​ന്നെ​യാ​ണ് ‘സാ​ന്ത്വ​നം’ കൂ​ട്ടാ​യ്മ​യു​ടെ​യും തു​ട​ക്കം. ‘സാ​ന്ത്വ​നം’ എ​ന്ന് പേ​രി​ൽ മാ​ത്ര​മ​ല്ല, ശ​രി​ക്കും ക​ർ​ഷ​ക​ർ​ക്ക് സാ​ന്ത്വ​ന​മാ​ണ് ഈ ​പെ​ൺ​കൂ​ട്ടാ​യ്മ. ആ​ല​ത്തൂ​ർ ഗ്രാ​മ​പ​ഞ്ചാ​യ​ത്തി​ലെ വാ​നൂ​രി​ൽ ആ​രം​ഭി​ക്കു​ന്ന വി​ജ​യ​ഗാ​ഥ. നെ​ൽ​കൃ​ഷി​ക്കാ​വ​ശ്യ​മു​ള്ള ജൈ​വ വ​ള​ക്കൂ​ട്ടു​ക​ൾ ഉ​ൾ​പ്പെ​ടെ സം​ഘം വി​പ​ണി​യി​ലെ​ത്തി​ക്കു​ന്നു​ണ്ട്. കൃ​ഷി​യി​ലും ഇ​വ​ർ സ്വ​ന്ത​മാ​യ ഇ​ടം ക​ണ്ടെ​ത്തി​യി​ട്ടു​ണ്ട്.

20 പേ​ർ ചേ​ർ​ന്ന് ആ​രം​ഭി​ച്ച യൂ​നി​റ്റി​ന്റെ പ്ര​വ​ർ​ത്ത​ന​മേ​ഖ​ല കൃ​ഷി​യാ​ണ്. കൃ​ഷി​യു​മാ​യി ബ​ന്ധ​മു​ള്ള അം​ഗ​ങ്ങ​ളു​ടെ പ​ശ്ചാ​ത്ത​ല​വും മേ​ഖ​ല​യി​ലെ വി​ദ​ഗ്ധ​രു​ടെ സ​ഹാ​യ​വും സം​രം​ഭ​ത്തി​ന് പ്രേ​ര​ക​മാ​യി. ആ​ല​ത്തൂ​ർ കൃ​ഷി​ഭ​വ​ന്റെ സ​ഹാ​യ​ത്തോ​ടെ നൂ​ത​ന കാ​ർ​ഷി​ക വി​ക​സ​ന പ​ദ്ധ​തി​യി​ൽ ജൈ​വീ​ക കീ​ട നി​യ​ന്ത്ര​ണ​ത്തി​നാ​യി ട്രൈ​ക്കോ​ഗ്ര​മ്മ ഉ​ത്പാ​ദ​ന യൂ​നി​റ്റ് ആ​രം​ഭി​ക്കാ​നു​ള്ള പ്ര​വ​ർ​ത്ത​നം 2019-’20 ലാ​ണ് ആ​രം​ഭി​ച്ച​ത്. അ​ഞ്ച് പേ​ർ​ക്കാ​ണ് തു​ട​ക്ക​ത്തി​ൽ പ​രി​ശീ​ല​നം ന​ൽ​കി​യി​രു​ന്ന​ത്. 2020ൽ ​പ്ര​വ​ർ​ത്ത​നം ഉ​ദ്ഘാ​ട​നം ചെ​യ്ത കെ.​ഡി. പ്ര​സേ​ന​ൻ എം.​എ​ൽ.​എ​യു​ടെ പി​ന്തു​ണ​യും ക​രു​ത്താ​യി.

ട്രൈ​ക്കോ​ക്കാ​ർ​ഡി​ലെ വി​പ​ണ​ന സാ​ധ്യ​ത

നെ​ൽ​കൃ​ഷി​യി​ൽ വി​ല്ല​ൻ​മാ​രാ​യ ഓ​ല​ചു​രു​ട്ടി, ത​ണ്ടു​തു​ര​പ്പ​ൻ കീ​ട​ങ്ങ​ൾ​ക്കെ​തി​രെ ഫ​ല​പ്ര​ദ​മാ​യ ട്രൈ​ക്കോ​ഗ്ര​മ്മ കാ​ർ​ഡു​ക​ളാ​ണ് സം​ഘ​ത്തി​ന്റെ വി​പ​ണി​യി​ലെ സാ​ന്നി​ധ്യ​ങ്ങ​ളി​ലൊ​ന്ന്. മി​ത്ര​കീ​ട​ങ്ങ​ളെ ഉ​പ​യോ​ഗി​ച്ചു​ള്ള കീ​ട​നി​യ​ന്ത്ര​ണം പാ​രി​സ്ഥി​തി​ക​മാ​യി പ്ര​ശ്നം ​സൃ​ഷ്ടി​ക്കാ​ത്ത​തും ഫ​ല​പ്ര​ദ​വു​മാ​യ​തു​കൊ​ണ്ടു​ത​ന്നെ ക​ർ​ഷ​ക​ർ ഉ​ൽ​പ​ന്ന​ത്തെ ഇ​രു​കൈ​യും നീ​ട്ടി സ്വീ​ക​രി​ച്ചു​ എ​ന്ന് സാ​ന്ത്വ​നം കു​ടും​ബ​ശ്രീ അം​ഗ​ങ്ങ​ൾ പ​റ​യു​ന്നു. ഒ​രു ഏ​ക്ക​റി​ൽ നാ​ലു ത​വ​ണ​ക​ളാ​യി ട്രൈ​ക്കോ കാ​ർ​ഡു​ക​ൾ വ​യ്ക്കാ​ൻ 640 രൂ​പ​യാ​ണ് ചെ​ല​വ്. അ​തേ​സ​മ​യം ഒ​രു ഏ​ക്ക​റി​ൽ കീ​ട​നാ​ശി​നി ത​ളി​ക്കാ​ൻ ഒ​രു ത​വ​ണ 1000 രൂ​പ​യോ​ളം ചെ​ല​വ് വ​രും.

നെ​ല്ലി​നു ദോ​ഷ​ക​ര​മാ​കു​ന്ന ഓ​ല​ചു​രു​ട്ടി​പ്പു​ഴു, ത​ണ്ടു​തു​ര​പ്പ​ൻ എ​ന്നി​വ​ക്കെ​തി​രാ​യ ജൈ​വീ​ക കീ​ട നി​യ​ന്ത്ര​ണ ഉ​പാ​ധി​യാ​ണ്‌ ട്രൈ​ക്കോ കാ​ർ​ഡ്. ട്രൈ​ക്കോ​ഗ്ര​മ്മ എ​ന്ന വേ​ട്ടാ​ള​ൻ വ​ർ​ഗ്ഗ​ത്തി​ൽ പെ​ട്ട പ്രാ​ണി​യെ​യാ​ണ്‌ ഇ​തി​നാ​യി ഉ​പ​യോ​ഗി​ക്കു​ന്ന​ത്. ഈ ​പ്രാ​ണി​യു​ടെ 18000 മു​ത​ൽ 20000 വ​രെ മു​ട്ട​ക​ൾ ഒ​രു കാ​ർ​ഡി​ൽ അ​ട​ക്കം ചെ​യ്തി​രി​ക്കു​ന്നു.

ഈ ​കാ​ർ​ഡു​ക​ൾ ചെ​റു​തു​ണ്ടു​ക​ളാ​ക്കി ചെ​ടി​ക​ളു​ടെ ഇ​ല​ക​ളി​ൽ പ​തി​ച്ചോ ഇ​ല​ക്കു​മ്പി​ളി​ൽ കു​ത്തി കൊ​മ്പു​ക​ളി​ൽ നാ​ട്ടി​യോ കീ​ട​ശ​ല്യ​മു​ള്ള പാ​ട​ങ്ങ​ളി​ൽ വ​യ്ക്കാ​വു​ന്ന​താ​ണ്‌. ര​ണ്ട് കാ​ർ​ഡു​ക​ൾ വ​രെ ഒ​രേ​ക്ക​ർ കൃ​ഷി​സ്ഥ​ല​ത്ത് ഉ​പ​യോ​ഗി​ക്കാം. ഈ ​മു​ട്ട​ക​ൾ വി​രി​ഞ്ഞി​റ​ങ്ങി ത​ണ്ടു​തു​ര​പ്പ​ന്റെ​യും (ട്രൈ​ക്കോ​ഗ്ര​മ്മ ജ​പ്പോ​ണി​ക്കം), ഓ​ല​ചു​രു​ട്ടി​പ്പു​ഴു​വി​ന്റെ​യും (ട്രൈ​ക്കോ​ഗ്ര​മ്മ ചി​ലോ​ണി​സ്) മു​ട്ട​ക്കൂ​ട്ട​ങ്ങ​ളെ തി​ര​ഞ്ഞു​പി​ടി​ച്ച് അ​വ​യി​ൽ മു​ട്ട​യി​ടു​ന്നു. ഇ​ങ്ങ​നെ​യി​ടു​ന്ന മു​ട്ട​ക​ൾ വി​രി​ഞ്ഞി​റ​ങ്ങു​ന്ന​വ ശ​ത്രു​പ്രാ​ണി​ക​ളു​ടെ മു​ട്ട​ക്കൂ​ട്ട​ങ്ങ​ളു​ടെ ഉ​ൾ​ഭാ​ഗം തി​ന്നു​വ​ള​രു​ക​യും അ​വ​യു​ടെ ജീ​വി​ത​ച​ക്രം പൂ​ർ​ത്തി​യാ​വു​ക​യും ചെ​യ്യു​ന്നു. കീ​ട​നാ​ശി​നി​ക​ളെ​ക്കാ​ൾ ചെ​ല​വ് കു​റ​വും സു​ര​ക്ഷി​ത​വു​മാ​ണ് മു​ട്ട​കാ​ർ​ഡു​ക​ളെ​ന്ന​തു​കൊ​ണ്ട് ഇ​വ​ർ​ക്ക് കൃ​ഷി വ​കു​പ്പി​ന്റെ സ​ഹാ​യ​വും പി​ന്തു​ണ​യു​മു​ണ്ട്. കാ​ർ​ഷി​ക സ​ർ​വ​ക​ലാ​ശാ​ല​യു​ടെ ജൈ​വീ​ക കീ​ടാ​രോ​ഗ നി​യ​ന്ത്ര​ണ വി​ഭാ​ഗ​ത്തി​ൽ നി​ന്നാ​ണ് അം​ഗ​ങ്ങ​ൾ പ​രി​ശീ​ല​നം നേ​ടി​യ​ത്.

കൃ​ഷി​യി​ലെ വേ​റി​ട്ട സം​രം​ഭം

ട്രൈ​ക്കോ കാ​ർ​ഡ് നി​ർ​മാ​ണം ഏ​റ്റെ​ടു​ക്കു​ന്ന സം​സ്ഥാ​ന​ത്തെ ആ​ദ്യ കു​ടും​ബ​ശ്രീ ഗ്രൂ​പ്പാ​ണി​ത്. അ​തി​ന് പ്രോ​ത്സാ​ഹ​ന​മാ​യ​താ​വ​ട്ടെ ന​ൽ​കി​യ​ത് ആ​ല​ത്തൂ​ർ കൃ​ഷി ഓ​ഫീ​സ​ർ എം.​വി. ര​ശ്മി​യും. ആ​ല​ത്തൂ​ർ കൃ​ഷി​ഭ​വ​ന് കീ​ഴി​ൽ 550 ഹെ​ക്ട​റോ​ളം നെ​ൽ​കൃ​ഷി​ക്കും സ​മീ​പ പ്ര​ദേ​ശ​ങ്ങ​ളി​ലും കീ​ട​നി​യ​ന്ത്ര​ണ​ത്തി​നാ​യി ട്രൈ​ക്കോ കാ​ർ​ഡു​ക​ൾ നി​ർ​മി​ക്കു​ന്ന​ത് ‘സാ​ന്ത്വ​ന’​മാ​ണ്. നെ​ൽ​കൃ​ഷി​ക്ക് 50 ശ​ത​മാ​നം സ​ബ്സി​ഡി നി​ര​ക്കി​ലാ​ണ് മു​ട്ട കാ​ർ​ഡു​ക​ൾ ക​ർ​ഷ​ക​ർ​ക്ക് ന​ൽ​കു​ന്ന​ത്. ആ​ല​ത്തൂ​ർ ബ​സ് സ്റ്റാ​ന്റി​നോ​ട് ചേ​ർ​ന്ന കെ​ട്ടി​ട​ത്തി​ലാ​ണ് നി​ല​വി​ൽ യൂ​നി​റ്റ് പ്ര​വ​ർ​ത്തി​ക്കു​ന്ന​ത്.

പൊ​ന്നു​ക്കു​ട്ടി പ്ര​സി​ഡ​ൻ​റും ജ്യോ​തി ല​ക്ഷ്മി സെ​ക്ര​ട്ട​റി​യു​മാ​യ ക​മ്മി​റ്റി​യാ​ണ് നേ​തൃ​ത്വം ന​ൽ​കു​ന്ന​ത്. വ​ർ​ഷ​ത്തി​ൽ നാ​ല് ല​ക്ഷ​ത്തോ​ളം രൂ​പ കാ​ർ​ഡി​ലും ജൈ​വ​വ​ള​ക്കൂ​ട്ടി​ലു​മാ​യി വി​റ്റു​വ​ര​വു​ണ്ടെ​ന്ന് ഇ​വ​ർ പ​റ​യു​ന്നു. ഇ​നി​യും വ​ള​ർ​ച്ച​യു​ടെ പ​ട​വു​ക​ൾ ക​യ​റാ​ൻ കൂ​ടു​ത​ൽ പ​ദ്ധ​തി​ക​ളു​മാ​യി ‘സാ​ന്ത്വ​നം’ ത​യാ​റെ​ടു​ക്കു​മ്പോ​ൾ പി​ന്തു​ണ​യു​മാ​യി പ​ഞ്ചാ​യ​ത്തും കൃ​ഷി​വ​കു​പ്പും കാ​ർ​ഷി​ക സ​ർ​വ​ക​ലാ​ശാ​ല​യും ഒ​പ്പ​മു​ണ്ട്.