സക്ഷം പദ്ധതി; കൊല്ലങ്കോട് ഐ.സി.ഡി.എസിൽ ക്രമക്കേട് നടന്നതായി കണ്ടെത്തൽ

പാ​ല​ക്കാ​ട്: സ​ക്ഷം പ​ദ്ധ​തി​യു​ടെ ഭാ​ഗ​മാ​യി അം​ഗ​ൻ​വാ​ടി​ക​ളി​ലേ​ക്ക് ഉ​പ​ക​ര​ണ​ങ്ങ​ൾ വാ​ങ്ങി​യ​തി​ൽ കൊ​ല്ല​ങ്കോ​ട് ഐ.​സി.​ഡി.​എ​സ് പ്രോ​ജ​ക്ടി​ൽ വ്യാ​പ​ക ക്ര​മ​ക്കേ​ട് ന​ട​ന്ന​താ​യി ക​ണ്ടെ​ത്ത​ൽ. കൊ​ല്ല​ങ്കോ​ട് ഐ.​സി.​ഡി.​എ​സി​ൽ സ​ക്ഷം ഫ​ണ്ട് ചെ​ല​വ​ഴി​ച്ച​തി​ൽ 50 ല​ക്ഷം രൂ​പ​യു​ടെ അ​ഴി​മ​തി ന​ട​ന്ന​താ​യി ‘മാ​ധ്യ​മം’ നേ​ര​ത്തെ റി​പ്പോ​ർ​ട്ട് ചെ​യ്തി​രു​ന്നു. ഇ​തേ​തു​ട​ർ​ന്ന് കൊ​ല്ല​ങ്കോ​ട് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റി​ന്റെ നി​ർ​ദേ​ശ പ്ര​കാ​രം അ​ഞ്ചം​ഗ ക​മ്മി​റ്റി ന​ട​ത്തി​യ അ​ന്വേ​ഷ​ണ​ത്തി​ലാ​ണ് ക​ണ്ടെ​ത്ത​ൽ. ഐ.​സി.​ഡി.​എ​സി​ന് കീ​ഴി​ലു​ള്ള 142 അം​ഗ​ൻ​വാ​ടി​ക​ളി​ലേ​ക്കാ​യി 1.42 കോ​ടി രൂ​പ​യാ​ണ് പ​ദ്ധ​തി പ്ര​കാ​രം സ​ർ​ക്കാ​ർ അ​നു​വ​ദി​ച്ചി​രു​ന്ന​ത്.

കു​ട്ടി​ക​ൾ​ക്ക് ആ​വ​ശ്യ​മാ​യ ക​ളി​യു​പ​ക​ര​ണ​ങ്ങ​ൾ, ക​സേ​ര​ക​ൾ, മാ​റ്റു​ക​ൾ, വാ​ട്ട​ർ പ്യൂ​രി​ഫ​യ​റു​ക​ൾ തു​ട​ങ്ങി​യ സാ​ധ​ന​ങ്ങ​ൾ വാ​ങ്ങാ​നാ​ണ് തു​ക വി​നി​യോ​ഗി​ക്കേ​ണ്ട​ത്. ഇ​തി​ലാ​ണ് വ​ൻ അ​ഴി​മ​തി ന​ട​ന്നി​രി​ക്കു​ന്ന​ത്. ബ്ലോ​ക്ക് ത​ല അ​ന്വേ​ഷ​ണ​ത്തി​ലും ക്ര​മ​ക്കേ​ട് ന​ട​ന്ന​ത് ക​ണ്ടെ​ത്തി​യി​ട്ടു​ണ്ട്. ജെം ​പോ​ർ​ട്ട​ലി​ന്‍റെ മ​റ​വി​ലാ​ണ് ത​ട്ടി​പ്പ് ന​ട​ന്നി​രി​ക്കു​ന്ന​ത്. കു​റ​ഞ്ഞ വി​ല​യ്ക്ക് ല​ഭി​ക്കു​മാ​യി​രു​ന്ന പ​ല സാ​ധ​ന​ങ്ങ​ളും മാ​ർ​ക്ക​റ്റ് വി​ല​യേ​ക്കാ​ൾ ഉ​യ​ർ​ന്ന നി​ര​ക്കി​ലാ​ണ് വാ​ങ്ങി​യി​രി​ക്കു​ന്ന​തെ​ന്നും ആ​രോ​പ​ണ​ത്തി​ന് വി​ധേ​യ​രാ​യ​വ​രെ നി​യ​മ​ത്തി​നു​മു​ന്നി​ൽ കൊ​ണ്ടു​വ​ര​ണ​മെ​ന്നും അ​ന്വേ​ഷ​ണ ക​മീ​ഷ​ൻ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റി​ന് ന​ൽ​കി​യ റി​പ്പോ​ർ​ട്ടി​ൽ പ​റ​യു​ന്നു.

കൊ​ല്ല​ങ്കോ​ട്, വ​ട​വ​ന്നൂ​ർ, കൊ​ടു​വാ​യൂ​ർ, പെ​രു​മാ​ട്ടി, മു​ത​ല​മ​ട, പു​തു​ന​ഗ​രം, പ​ട്ട​ഞ്ചേ​രി പ​ഞ്ചാ​യ​ത്തു​ക​ളി​ലെ 142 അം​ഗ​ൻ​വാ​ടി​ക​ളി​ൽ ശി​ശു സൗ​ഹൃ​ദ ഫ്ലോ​ർ മാ​റ്റ് കൃ​ത്യ​മാ​യി ന​ൽ​കി​യി​ട്ടി​ല്ല. ഓ​രോ അം​ഗ​ൻ​വാ​ടി​ക്കും കു​റ​ഞ്ഞ​ത് 200 ച​തു​ര​ശ്ര അ​ടി ഫ്ലോ​ർ മാ​റ്റ് എ​ങ്കി​ലും വേ​ണ​മെ​ന്നി​രി​ക്കെ ന​ൽ​കി​യ​ത് 100 ച​തു​ര​ശ്ര അ​ടി മാ​ത്ര​മാ​ണ്. ടെ​ൻ​ഡ​ർ വി​ളി​ച്ച​പ്പോ​ൾ ആ​വ​ശ്യ​മാ​യ ഫ​ണ്ട് ഉ​ണ്ടാ​യി​ട്ടും മ​നഃ​പൂ​ർ​വം കു​റ​വ് അ​ള​വി​ൽ മാ​ത്രം ശി​ശു സൗ​ഹൃ​ദ ഫ്ലോ​ർ മാ​റ്റ് വാ​ങ്ങി​യ​താ​യാ​ണ് ആ​രോ​പ​ണം.

മ​റ്റു ഐ.​സി.​ഡി.​എ​സ് പ്രോ​ജ​ക്റ്റ് ഓ​ഫി​സു​ക​ൾ​ക്ക് കീ​ഴി​ലു​ള്ള അം​ഗ​ൻ​വാ​ടി​ക​ളി​ൽ ആ​വ​ശ്യ​ത്തി​ന് വി​ത​ര​ണം ചെ​യ്തി​ട്ടു​ണ്ടെ​ങ്കി​ലും കൊ​ല്ല​ങ്കോ​ട് ഐ.​സി.​ഡി.​എ​സി​ന് കീ​ഴി​ൽ ഇ​ത് ന​ട​പ്പാ​ക്കി​യി​ട്ടി​ല്ല. പ​ല കേ​ന്ദ്ര​ങ്ങ​ളി​ലും പ​കു​തി മാ​ത്ര​മാ​ണ് പെ​യി​ന്റി​ങ് ചെ​യ്തി​ട്ടു​ള്ള​ത്. ഐ.​സി.​ഡി.​എ​സ് സൂ​പ്പ​ർ​വൈ​സ​ർ​മാ​ർ ത​ങ്ങ​ളു​ടെ പ​ഞ്ചാ​യ​ത്തി​ലെ അം​ഗ​ൻ​വാ​ടി​ക​ൾ​ക്ക് ആ​വ​ശ്യ​മാ​യ സൗ​ക​ര്യ​ങ്ങ​ൾ ഉ​റ​പ്പാ​ക്കാ​ൻ ഇ​ട​പെ​ട​ൽ ന​ട​ത്തി​യി​ല്ല എ​ന്ന വി​മ​ർ​ശ​ന​വും ശ​ക്ത​മാ​ണ്.

ത​ട്ടി​പ്പ് സം​ബ​ന്ധി​ച്ച് നേ​ര​ത്തെ വ​ട​ക്ക​ഞ്ചേ​രി സ്വ​ദേ​ശി പ​രാ​തി ന​ൽ​കി​യി​രു​ന്നു​വെ​ങ്കി​ലും വ​കു​പ്പ് ന​ട​ത്തി​യ ഓ​ഡി​റ്റി​ങ്ങി​ൽ വാ​ങ്ങ​ൽ ന​ട​പ​ടി​ക​ളെ​ല്ലാം സു​താ​ര്യ​മാ​യി​രു​ന്നു​വെ​ന്നാ​ണ് ഐ.​സി.​ഡി.​എ​സ് ജി​ല്ല പ്രോ​ഗ്രാം ഓ​ഫി​സ് അ​ധി​കൃ​ത​രു​ടെ മ​റു​പ​ടി. തു​ട​ർ​ന്നാ​ണ് ബ്ലോ​ക്ക് പ​ഞ്ചാ​യ​ത്ത് അ​ന്വേ​ഷ​ണം ന​ട​ത്തി​യ​ത്. നി​ല​വി​ൽ വ​നി​ത ശി​ശു വി​ക​സ​ന വ​കു​പ്പ് ഡ​യ​റ​ക്ട​ർ, വി​ജി​ല​ൻ​സ് ഡ​യ​റ​ക്ട​ർ, ജി​ല്ല വ​നി​ത ശി​ശു വ​കു​പ്പ് ഓ​ഫി​സ​ർ, ജി​ല്ല ക​ല​ക്ട​ർ എ​ന്നി​വ​ർ​ക്ക് വ​ട​ക്ക​ഞ്ചേ​രി സ്വ​ദേ​ശി പ​രാ​തി ന​ൽ​കി​യി​ട്ടു​ണ്ട്.