റോഡിലെ സ്ലാബ് തകർന്ന് അപകട ഗർത്തം

പറളി: പഞ്ചായത്തിലെ രണ്ടാം വാർഡിൽ തേനൂർ പൂതങ്കോട് അയ്യപ്പ ക്ഷേത്രം റോഡിലെ കോൺക്രീറ്റ് സ്ലാബ് തകർന്ന് ഗർത്തമായിട്ട് മാസങ്ങളായി. നിരവധി തവണ അധികൃതരെ അറിയിച്ചിട്ടും ഫലമില്ലെന്ന് പരാതി.

പാലക്കാട് - കുളപ്പുള്ളി സംസ്ഥാനപാതയിൽനിന്ന് തേനൂർ പൂതങ്കോട് അയ്യപ്പക്ഷേത്രം റോഡിലേക്ക് തിരിയുന്ന ഭാഗത്ത് പ്രധന റോഡിലെ അഴുക്കുചാലിനു മുകളിൽ നിരത്തിയ കോൺക്രീറ്റ് സ്ലാബാണ് തകർന്നത്.

പഞ്ചായത്തധികൃതരെയും ജനപ്രതിനിധികളെയും അറിയിച്ചപ്പോൾ പൊതുമരാമത്ത് വകുപ്പിന്‍റെ കീഴിലാണെന്ന മറുപടിയാണ് നൽകിയത്. പ്രശ്‌നം പരിഹരിച്ചില്ലെങ്കിൽ പ്രക്ഷോഭം സംഘടിപ്പിക്കുമെന്ന് നാട്ടുകാർ പറഞ്ഞു.