നെ​ല്ലു​സം​ഭ​ര​ണം പ്ര​തി​സ​ന്ധി​ക്ക് അ​യ​വ് വ​രു​മോ?

പാ​ല​ക്കാ​ട്: ഒ​ന്നാം​വി​ള കൊ​യ്ത്ത് ജി​ല്ല​യി​ൽ സ​ജീ​വ​മാ​യി​ട്ടും നെ​ല്ലു​സം​ഭ​ര​ണ​ത്തി​ൽ അ​നി​ശ്ചി​ത​ത്വം തു​ട​രു​ന്ന​ത് ക​ർ​ഷ​ക​രെ ആ​ശ​ങ്ക​യി​ലാ​ക്കു​ന്നു. ഭൂ​രി​ഭാ​ഗം മി​ല്ലു​ക​ളും സ​പ്ലൈ​കോ​യു​മാ​യി ഇ​തു​വ​രെ ക​രാ​റി​ൽ എ​ത്തി​യി​ട്ടി​ല്ല. കൊ​യ്​​ത്തു​ക​ഴി​ഞ്ഞ്​ ആ​ഴ്ച​ക​ൾ​ക്കി​പ്പു​റ​വും സം​ഭ​ര​ണം ന​ട​ക്കാ​തെ നെ​ല്ല് കെ​ട്ടി​ക്കി​ട​ക്കു​ക​യാ​ണ്.

സ​മ​യ​ബ​ന്ധി​ത​മാ​യി സം​ഭ​ര​ണം ന​ട​ക്കാ​തെ വ​രു​മ്പോ​ൾ ക​ർ​ഷ​ക​ർ മി​ല്ലു​ട​മ​ക​ളു​ടെ ഏ​ജ​ൻ​റു​മാ​ർ​ക്ക് കു​റ​ഞ്ഞ വി​ല​യ്​​ക്ക്​ ന​ൽ​കാ​ൻ നി​ർ​ബ​ന്ധി​ത​രാ​കു​ക​യാ​ണ്. ഓ​രോ സീ​സ​ണി​ലും ഏ​ക​ദേ​ശം 1.25 ല​ക്ഷം മെ​ട്രി​ക് ട​ൺ ജി​ല്ല​യി​ൽ​നി​ന്ന് സ​പ്ലൈ​കോ സം​ഭ​രി​ക്കു​ന്നു​ണ്ട്. ഓ​രോ സീ​സ​ണി​ലും 52ഓ​ളം മി​ല്ലു​ക​ളാ​ണ് ജി​ല്ല​യി​ൽ​നി​ന്ന്​ നെ​ല്ല് സം​ഭ​ര​ണ​ത്തി​ന് എ​ത്തു​ന്ന​ത്.

ഇ​തി​നാ​യി നാ​ല് പി.​എം.​ഒ വേ​ണ്ട​യി​ട​ത്ത് ഒ​രു പാ​ഡി മാ​ർ​ക്ക​റ്റി​ങ് ഓ​ഫി​സ​ർ മാ​ത്ര​മാ​ണ് ജി​ല്ല​യി​ലു​ള്ള​ത്. ഈ ​സീ​സ​ണി​ൽ തൃ​ശൂ​ർ പി.​എം.​ഒ​ക്ക് ആ​ല​ത്തൂ​ർ താ​ലൂ​ക്കി​ലെ അ​ധി​ക ചു​മ​ത​ല ന​ൽ​കി‍യി​ട്ടു​ണ്ട്. മ​തി‍യാ​യ ഫീ​ൽ​ഡ് ജീ​വ​ന​ക്കാ​രെ അ​നു​വ​ദി​ക്കു​ന്ന​തി​ലും വീ​ഴ്ച പ​തി​വാ​ണ്.

കൃ​ഷി​ഭ​വ​നി​ലെ കൃ​ഷി അ​സി​സ്​​റ്റ​ൻ​റു​മാ​രെ​യാ​ണ് സം​ഭ​ര​ണ​കാ​ല​യ​ള​വി​ൽ ഡെ​പ്യൂ​ട്ടേ​ഷ​നി​ൽ സം​ഭ​ര​ണ ജീ​വ​ന​ക്കാ​രാ​യി നി​യ​മി​ക്കു​ന്ന​ത്. 18 പേ​രെ ഇ​തി​നാ​യി ആ​വ​ശ്യ​പ്പെെ​ട്ട​ങ്കി​ലും ഇ​തു​വ​രെ ജീ​വ​ന​ക്കാ​രെ അ​നു​വ​ദി​ച്ചി​ട്ടി​ല്ല.

ഇ​ന്നു​മു​ത​ൽ സം​ഭ​ര​ണം ആ​രം​ഭി​ക്കു​മെ​ന്ന് സ​പ്ലൈ​കോ

ജി​ല്ല​യി​ൽ ചൊ​വ്വാ​ഴ്ച മു​ത​ൽ നെ​ല്ല് സം​ഭ​ര​ണം ആ​രം​ഭി​ക്കു​മെ​ന്ന് സ​പ്ലൈ​കോ. പു​തു​ക്കോ​ട് പ​ഞ്ചാ​യ​ത്തി​ൽ​നി​ന്നാ​ണ് ഈ ​സീ​സ​ണി​ലെ ആ​ദ്യ​സം​ഭ​ര​ണം തു​ട​ങ്ങു​ന്ന​ത്. ഇ​തു​വ​രെ മൂ​ന്ന് മി​ല്ലു​ക​ളാ​ണ് സ​പ്ലൈ​കോ​യു​മാ​യി ക​രാ​റി​ൽ എ​ത്തി​യ​ത്.

അ​ടു​ത്ത ദി​വ​സ​ങ്ങ​ളി​ൽ കൂ​ടു​ത​ൽ മി​ല്ലു​ക​ളെ സം​ഭ​ര​ണ​ത്തി​ൽ പ​ങ്കെ​ടു​പ്പി​ക്കു​ന്ന​തി​ൽ ച​ർ​ച്ച ന​ട​ക്കു​ക​യാ​ണ്. ഇ​തു​വ​രെ എ​ല​പ്പു​ള്ളി പാ​ഡി​കോ, കാ​ല​ടി, കോ​ട്ട​യം എ​ന്നി​വ​ട​ങ്ങ​ളി​ലെ ഓ​രോ മി​ല്ലു​ക​ളാ​ണ് സ​പ്ലൈ​കോ​യു​മാ​യി ക​രാ​റി​ൽ എ​ത്തി​യ​ത്.