ജി​ല്ല ആ​ശു​പ​ത്രി​യി​ൽ ന​വീ​ക​ര​ണത്തിന് തുടക്കം; ​പ്രാ​ഥ​മി​ക സൗ​ക​ര്യ​ങ്ങ​ൾ അ​ക​ലെ

പാ​ല​ക്കാ​ട്: ന​വീ​ക​ര​ണ പ്ര​വൃ​ത്തി തു​ട​ങ്ങി​യ​തോ​ടെ ജി​ല്ല ആ​ശു​പ​ത്രി​യി​ലും വ​നി​ത ശി​ശു ആ​ശു​പ​ത്രി​ക​ളി​ലും രോ​ഗി​ക​ളു​മാ​യെ​ത്തു​ന്ന​വ​ർ​ക്ക് ദു​രി​ത​മേ​റി. ന​വീ​ക​ര​ണ പ്ര​വൃ​ത്തി​ക​ളു​ടെ ഭാ​ഗ​മാ​യി ജി​ല്ല ആ​ശു​പ​ത്രി കോ​മ്പൗ​ണ്ടി​ലു​ണ്ടാ​യി​രു​ന്ന പ​ഴ​യ ടി.​ബി വാ​ർ​ഡും ഇ​വി​ടെ​യു​ണ്ടാ​യി​രു​ന്ന കാ​ന്റീ​നും പൊ​ളി​ച്ചു. വ​നി​ത ശി​ശു ആ​ശു​പ​ത്രി​ക്ക് മു​ന്നി​ലെ ശൗ​ചാ​ല​യ​വും പൊ​ളി​ച്ചു​മാ​റ്റി.

കാ​ന്റീ​ൻ പൊ​ളി​ച്ച​തോ​ടെ രോ​ഗി​ക​ൾ​ക്കും മ​റ്റും ഭ​ക്ഷ​ണം വാ​ങ്ങി​ക്കാ​ൻ ജി​ല്ല ആ​ശു​പ​ത്രി​ക്ക് മു​ന്നി​ലെ ഹോ​ട്ട​ലു​ക​ളി​ലോ സ​ഹ​ക​ര​ണ ആ​ശു​പ​ത്രി കോ​മ്പൗ​ണ്ടി​ലെ കാ​ന്റീ​നി​ലോ പോ​ക​ണം. നേ​ര​ത്തെ വ​നി​ത ശി​ശു ആ​ശു​പ​ത്രി റോ​ഡി​ൽ നി​ര​വ​ധി ചാ​യ​ക്ക​ട​ക​ളു​ണ്ടാ​യി​രു​ന്ന​തും കൈ​യേ​റ്റ​ത്തി​ന്റെ പേ​രി​ൽ ഒ​ഴി​പ്പി​ച്ചു. രോ​ഗി​ക​ളും കൂ​ട്ടി​രി​പ്പു​കാ​രു​മെ​ല്ലാം ആ​ശു​പ​ത്രി​ക്ക​ക​ത്തെ ശു​ചി​മു​റി​ക​ളു​പ​യോ​ഗി​ക്കു​മെ​ങ്കി​ലും സ​ന്ദ​ർ​ശ​ക​ർ​ക്ക് ശു​ചി​മു​റി​യി​ല്ല. ദി​നം​പ്ര​തി നൂ​റു​ക​ണ​ക്കി​നാ​ളു​ക​ളെ​ത്തു​ന്ന ആ​ശു​പ​ത്രി​ക്ക് സ​മീ​പം കാ​ന്റീ​നും ശു​ചി​മു​റി​യും ഒ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. നൂ​റു​ക​ണ​ക്കി​നാ​ളു​ക​ളാ​ണ് ദി​നം​പ്ര​തി​യെ​ത്തു​ന്ന​ത്. ന​വീ​ക​ര​ണ​ം അ​നി​വാ​ര്യ​മാ​ണെ​ങ്കി​ലും ബ​ദ​ൽ സൗ​ക​ര്യ​മൊ​രു​ക്കേ​ണ്ടതും അത്യാവശ്യമാണെന്ന് നാട്ടുകാർ പറയുന്നു.