പദ്ധതികൾ പലതുണ്ടായിട്ടും പുളിനെല്ലി പാലത്തിന് അവഗണന മാത്രം

കോ​ട്ടാ​യി: പ​ദ്ധ​തി​ക​ൾ പ​ല​തും ക​ഴി​ഞ്ഞെ​ങ്കി​ലും പു​ളി​നെ​ല്ലി പാ​ല​ത്തി​ന് ഇ​പ്പോ​ഴും അ​വ​ഗ​ണ​ന ത​ന്നെ. കോ​ട്ടാ​യി, കു​ത്ത​നൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന​താ​ണ് പു​ളി​നെ​ല്ലി പാ​ലം. 60 വ​ർ​ഷം പ​ഴ​ക്ക​മു​ള്ള പാ​ലം ത​ക​ർ​ച്ചാ​ഭീ​ഷ​ണി​യി​ലാ​യി​ട്ട് പ​ത്തു​വ​ർ​ഷ​മാ​യി.

1965 ജൂ​ൺ 22ന് ​ഉ​ദ്ഘാ​ട​നം ചെ​യ്ത പാ​ല​ത്തി​ന്റെ നി​ർ​മാ​ണ ചെ​ല​വ് വെ​റും 22500 രൂ​പ​യാ​യാ​യി​രു​ന്നു. മൂ​ന്ന് സ്പാ​നു​ക​ളി​ലാ​യി നി​ർ​മി​ച്ച, നാ​ലു ച​ക്ര വാ​ഹ​ന​ത്തി​ന് ക​ഷ്ടി​ച്ച് ക​ട​ന്നു​പോ​കാ​വു​ന്ന വീ​തി​കു​റ​ഞ്ഞ പാ​ല​ത്തി​ന്റെ കൈ​വ​രി​ക​ൾ മാ​ത്ര​മ​ല്ല തൂ​ണു​ക​ളും വീ​ണ്ടു കീ​റി ത​ക​ർ​ന്നു​വീ​ഴാ​വു​ന്ന അ​വ​സ്ഥ​യി​ലാ​ണ്.

നി​ര​വ​ധി വാ​ഹ​ന​ങ്ങ​ൾ സ​ർ​വി​സ് ന​ട​ത്തു​ന്ന പാ​ലം പു​ന​ർ​നി​ർ​മി​ക്കു​മെ​ന്ന ജ​ന​പ്ര​തി​നി​ധി​ക​ളു​ടെ പ്ര​ഖ്യാ​പ​ന​ത്തി​നും പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. എ​ന്നാ​ൽ, അ​റ്റ​കു​റ്റ​പ്പ​ണി​ക​ൾ ന​ട​ത്തി ബ​ല​പ്പെ​ടു​ത്താ​നു​ള്ള ന​ട​പ​ടി​ക​ൾ പോ​ലും ഉ​ണ്ടാ​യി​ട്ടി​ല്ല.പ​ഴ​യ കാ​ല നി​ർ​മാ​ണ വൈ​ദ​ഗ്ധ്യം കൊ​ണ്ട് മാ​ത്രം നി​ല​നി​ൽ​ക്കു​ന്ന പു​ളി നെ​ല്ലി പാ​ലം ദു​ര​ന്തം വ​രു​ത്തി​വെ​ക്ക​രു​തേ എ​ന്ന പ്രാ​ർ​ഥ​ന​യി​ലാ​ണ് ജ​ന​ങ്ങ​ൾ. എ​ന്നാ​ൽ, പാ​ലം ത​ക​ർ​ന്നു വീ​ണാ​ലേ പു​തി​യ​ത് നി​ർ​മി​ക്കൂ എ​ന്ന നി​ല​പാ​ടി​ലാ​ണ് ജ​ന​പ്ര​തി​നി​ധി​ക​ൾ.