സീറ്റിനെ ചൊല്ലി ഇടംവലം പ്രതിഷേധം

പാ​ല​ക്കാ​ട്: ജി​ല്ല​യി​ൽ യു.​ഡി.​എ​ഫി​നും എ​ൽ.​ഡി.​എ​ഫി​നും എ​ൻ.​ഡി.​എ​ക്കും ത​ല​വേ​ദ​ന​യാ​യി വി​മ​ത​ശ​ല്യം. കോ​ൺ​ഗ്ര​സി​ൽ സ്ഥാ​നാ​ർ​ഥി നി​ർ​ണ​യം പൂ​ർ​ത്തി​യാ​കും മു​മ്പേ ഘ​ട​ക ക​ക്ഷി​ക​ൾ​ക്ക് ന​ൽ​കി​യ മ​ണ്ഡ​ല​ത്തി​ൽ ത​ല​പൊ​ക്കി​യ വി​മ​ത​ശ​ല്യം യു.​ഡി.​എ​ഫി​നെ പ്ര​തി​സ​ന്ധി​യി​ലാ​ക്കി. മ​ല​മ്പു​ഴ മ​ണ്ഡ​ലം യു.​ഡി.​എ​ഫ്​ ഘ​ട​ക​ക​ക്ഷി​യാ​യ ഭാ​ര​തീ​യ നാ​ഷ​ന​ൽ ജ​ന​താ​ദ​ളി​ന്​ ന​ൽ​കി​യ​താ​ണ്​ മ​ണ്ഡ​ല​ത്തി​ലെ കോ​ൺ​ഗ്ര​സ്​ പ്ര​വ​ർ​ത്ത​ക​രെ പ്ര​കോ​പി​ച്ച​ത്.

അ​ഡ്വ. ജോ​ൺ ജോ​ൺ ഇ​വി​ടെ മ​ത്സ​രി​ക്കാ​ൻ ത​യാ​റാ​യെ​ങ്കി​ലും കോ​ൺ​ഗ്ര​സ് പ്ര​വ​ർ​ത്ത​ക​ർ ക​ടു​ത്ത പ്ര​തി​ഷേ​ധം ഉ​യ​ർ​ത്തി​യ​തോ​ടെ മ​ണ്ഡ​ലം കോ​ൺ​ഗ്ര​സ് തി​രി​കെ എ​ടു​ക്കാ​ൻ തീ​രു​മാ​നി​ച്ചു. മ​ണ്ഡ​ലം ഘ​ട​ക ക​ക്ഷി​ക്ക് ന​ൽ​കി​യ​ത്​ ബി.​ജെ.​പി​യെ സ​ഹാ​യി​ക്കാ​നാ​ണെ​ന്ന് കോ​ൺ​ഗ്ര​സി​ലെ ചി​ല മു​തി​ർ​ന്ന നേ​താ​ക്ക​ൾ ആ​രോ​പി​ച്ചു. നേ​തൃ​ത്വ​വു​മാ​യി ഇ​ട​ഞ്ഞു നി​ൽ​ക്കു​ന്ന എ.​വി. ഗോ​പി​നാ​ഥും ഈ ​വി​ഷ​യ​ത്തി​ൽ ക​ടു​ത്ത വി​മ​ർ​ശ​ന​മാ​ണ് ഉ​യ​ർ​ത്തി​യ​ത്.

സം​വ​ര​ണ മ​ണ്ഡ​ല​മാ​യ കോ​ങ്ങാ​ടും പ്ര​തി​ഷേ​ധ​മു​ണ്ട്. 2016ൽ ​കോ​ൺ​ഗ്ര​സ് മ​ത്സ​രി​ച്ച ഇ​വി​ടെ ഈ​പ്ര​വാ​ശ്യം മു​സ്​​ലിം ലീ​ഗി​ലെ യു.​സി. രാ​മ​നാ​ണ് മ​ത്സ​രി​ക്കു​ന്ന​ത്. മ​ണ്ഡ​ല​ത്തി​ൽ പ​ല​യി​ട​ത്തും കോ​ൺ​ഗ്ര​സ് പ്ര​വ​ർ​ത്ത​ക​ർ പ​ര​സ്യ​മാ​യി രം​ഗ​ത്തെ​ത്തി. പ​ട്ടാ​മ്പി, ഒ​റ്റ​പ്പാ​ലം, പാ​ല​ക്കാ​ട് എ​ന്നി​വ​ട​ങ്ങ​ളി​ലും പ​ല​രും ത​ങ്ങ​ളാ​ണ് സ്ഥാ​നാ​ർ​ഥി​യെ​ന്ന് സ്വ​യം പ്ര​ഖ്യാ​പി​ച്ച് അ​ണി​യ​റ​യി​ൽ പ്ര​വ​ർ​ത്ത​ന​ങ്ങ​ൾ തു​ട​ങ്ങി. സി.​എം.​പി​ക്ക് ന​ൽ​കി​യ നെ​ന്മാ​റ മ​ണ്ഡ​ല​ത്തി​ലും കോ​ൺ​ഗ്ര​സ് പ്ര​വ​ർ​ത്ത​ക​ർ​ക്കി​ട​യി​ൽ പ്ര​തി​ഷേ​ധം ശ​ക്ത​മാ​ണ്.

സം​വ​ര​ണ മ​ണ്ഡ​ല​മാ​യ ത​രൂ​രി​ൽ സി.​പി.​എം സ്ഥാ​നാ​ർ​ഥി​ക്കെ​തി​രെ​യും പ്ര​തി​ഷേ​ധ​മു​ണ്ട്. മ​ണ്ഡ​ല​ത്തി​ലെ പി.​കെ.​എ​സ്​ നേ​താ​വ്​ പൊ​ന്നു​കു​ട്ട​നെ പ​രി​ഗ​ണി​ക്കാ​ത്ത​തി​നെ​തി​രെ​യാ​ണ് പ്ര​വ​ർ​ത്ത​ക​രി​ൽ പ്ര​തി​ഷേ​ധം പു​ക​യു​ന്ന​ത്. 2016ലും ​പൊ​ന്നു​കു​ട്ട​െൻറ പേ​ര് സ്ഥാ​നാ​ർ​ഥി​പ്പ​ട്ടി​ക​യി​ലേ​ക്ക് പ​രി​ഗ​ണി​ച്ചെ​ങ്കി​ലും അ​വ​സാ​ന ഘ​ട്ട​ത്തി​ൽ ഒ​ഴി​വാ​ക്കി. കോ​ങ്ങാ​ട് സി.​പി.​എ​മ്മിെൻറ അ​ഡ്വ. കെ. ​ശാ​ന്ത​കു​മാ​രി​ക്കെ​തി​രെ​യും മ​ണ്ഡ​ല​ത്തി​ലെ ചി​ല​യി​ട​ത്ത് പ്ര​തി​ഷേ​ധം പു​ക​യു​ന്നു​ണ്ട്. കോ​ങ്ങാ​ട് മ​ണ്ഡ​ല​ത്തി​ലെ സി.​പി.​എം നേ​താ​വ്​ ഒ.​വി. സ്വാ​മി​നാ​ഥ​നെ പ​രി​ഗ​ണി​ക്ക​ണ​മെ​ന്നാ​യി​രു​ന്നു പ്ര​വ​ർ​ത്ത​ക​രു​ടെ ആ​വ​ശ്യം. ത​ർ​ക്കം തീ​ർ​പ്പാ​വാ​ത്ത​തി​നാ​ൽ ബി.​ജെ.​പി​ക്ക്​ സ്ഥാ​നാ​ർ​ഥി​ക​ളാ​യി​ട്ടി​ല്ല. ബി​.​ജെ.​പി​യും ബി.​ഡി.​ജെ.​എ​സും സീ​റ്റു​ക​ളെ ചൊ​ല്ലി ഇ​ട​ഞ്ഞു​നി​ൽ​ക്കു​ക​യാ​ണ്.