ഒലവക്കോട്ടെ പ്രിപെയ്ഡ് ഓട്ടോ ബൂത്ത്; മാറ്റി സ്ഥാപിക്കാൻ ഫണ്ടില്ലെന്ന് പൊലീസ്

പാ​ല​ക്കാ​ട്: ഒ​ല​വ​ക്കോ​ട് റെ​യി​ൽ​വേ സ്റ്റേ​ഷ​നു മു​ന്നി​ലെ പ്രിപെ​യ്ഡ് ഓ​ട്ടോ ബൂ​ത്ത് മാ​റ്റി സ്ഥാ​പി​ക്കാ​ൻ റെ​യി​ൽ​വേ അ​നു​മ​തി ന​ൽ​കി​യെ​ങ്കി​ലും ഫ​ണ്ടി​ല്ലാ​ത്ത​ത് ത​ട​സ്സ​മാ​വു​ന്നു. പ്രി​പെ​യ്ഡ് ബൂ​ത്ത് യാ​ത്രി​ക​രു​ടെ ശ്ര​ദ്ധ പ​തി​യ​ത്ത​ക്ക​വി​ധം പ്ര​വേ​ശ​ന ക​വാ​ട​ത്തോ​ട് ചേ​ർ​ന്ന് കൂ​ലി പോ​ർ​ട്ട​ർ​മാ​രു​ടെ വി​ശ്ര​മ​കേ​ന്ദ്ര​ത്തി​ന് സ​മീ​പം സ്ഥാ​പി​ക്ക​ണ​മെ​ന്ന് താ​ലൂ​ക്ക് വി​ക​സ​ന സ​മി​തി​യി​ലു​യ​ർ​ന്ന പ​രാ​തി​യെ തു​ട​ർ​ന്നാ​ണ് ന​ട​പ​ടി​യാ​യ​ത്. സ​മി​തി അം​ഗം ബോ​ബ​ൻ മാ​ട്ടു​മ​ന്ത​യാ​ണ് വി​ഷ​യം സ​ഭ​യു​ടെ ശ്ര​ദ്ധ​യി​ൽ​പ്പെ​ടു​ത്തി​യ​ത്. എ​ന്നാ​ൽ, ബൂ​ത്ത് മാ​റ്റി സ്ഥാ​പി​ക്കാ​ൻ ഫ​ണ്ടി​ല്ലെ​ന്നാ​ണ് പൊ​ലീ​സ് താ​ലൂ​ക്ക് സ​മി​തി​യെ അ​റി​യി​ച്ചി​രി​ക്കു​ന്ന​ത്.

നി​ല​വി​ലു​ള്ള പ്രിപെ​യ്ഡ് ബൂ​ത്ത് യാ​ത്ര​ക്കാ​ർ​ക്ക് പെ​ട്ടെ​ന്ന് കാ​ണാ​ൻ സാ​ധി​ക്കാ​ത്ത ഭാ​ഗ​ത്താ​ണു​ള്ള​ത്. ഇ​തു​മൂ​ലം സ്റ്റേ​ഷ​നി​ൽ വ​ന്നി​റ​ങ്ങു​ന്ന യാ​ത്ര​ക്കാ​ർ പു​റ​ത്തെ ഓ​ട്ടോ​റി​ക്ഷ​ക​ളെ​യാ​ണ് ആ​ശ്ര​യി​ക്കു​ന്ന​ത്. ട്രെ​യി​ൻ യാ​ത്രി​ക​ർ​ക്ക് നി​യ​മാ​നു​സൃ​ത നി​ര​ക്കി​ൽ ഓ​ട്ടോ യാ​ത്ര ഉ​റ​പ്പു​വ​രു​ത്തു​ന്ന​തി​നു​ള്ള സം​വി​ധാ​ന​മാ​ണ് പ്രീ​പെ​യ്ഡ് ബൂ​ത്ത്. പൊ​ലീ​സ് നി​യ​ന്ത്ര​ണ​ത്തി​ലാ​ണ് പ്ര​വ​ർ​ത്ത​നം. യാ​ത്രി​ക​ർ പ​ല​ർ​ക്കും പ്ര​ത്യ​കി​ച്ച് ജി​ല്ല​ക്ക് പു​റ​ത്തു​ള്ള​വ​ർ​ക്ക് പാ​ല​ക്കാ​ട് ജ​ങ്ഷ​ൻ റെ​യി​ൽ​വേ സ്റ്റേ​ഷ​നി​ൽ ബൂ​ത്തു​ള്ള വി​വ​രം അ​റി​യി​ല്ലെ​ന്ന​താ​ണ് വാ​സ്ത​വം.

മ​റ്റു ജി​ല്ല​ക​ളി​ൽ റെ​യി​ൽ​വേ സ്റ്റേ​ഷ​ന്‍റെ പൂ​മു​ഖ​ത്തി​ന് മു​ന്നി​ലാ​യി ട്രെ​യി​ൻ ഇ​റ​ങ്ങി വ​രു​ന്ന ഏ​തൊ​രാ​ൾ​ക്കും കാ​ണാ​വു​ന്ന രീ​തി​യി​ലാ​ണ് സ്ഥാ​പി​ച്ചി​രി​ക്കു​ന്ന​ത്. എ​ന്നാ​ൽ, പാ​ല​ക്കാ​ട് ബൂ​ത്ത് സ്റ്റേ​ഷ​ന്‍റെ ഇ​ട​തു​വ​ശ​ത്ത് അ​ധി​കം ശ്ര​ദ്ധ പ​തി​യാ​ത്ത ഒ​രി​ട​ത്താ​ണ്. മാ​വ് മ​ര​ത്തി​ന്‍റെ ചി​ല്ല​ക​ൾ മ​റ​ഞ്ഞ് ബൂ​ത്തി​ന്‍റെ ബോ​ർ​ഡ് പാ​തി​മ​റ​ഞ്ഞി​രി​ക്കു​ക​യാ​ണ്. അ​തി​ഥി തൊ​ഴി​ലാ​ളി​ക​ൾ ഉ​ൾ​പ്പെ​ടെ ആ​യി​ര​ക്ക​ണ​ക്കി​നാ​ളു​ക​ൾ ദി​നം​പ്ര​തി വ​ന്നു​പോ​കു​ന്ന റെ​യി​ൽ​വേ സ്റ്റേ​ഷ​നി​ൽ യാ​ത്ര​ക്കാ​ർ ഓ​ട്ടോ​ക്കാ​രു​ടെ ചൂ​ഷ​ണ​ത്തി​ന് ഇ​ര​യാ​കു​ന്നു എ​ന്ന പ​രാ​തി ഉ​യ​രാ​റു​ണ്ട്. ബൂ​ത്ത് മാ​റ്റി യാ​ത്ര​ക്കാ​ർ​ക്ക് കാ​ണാ​ൻ പ​റ്റു​ന്ന രീ​തി​യി​ൽ സ്ഥാ​പി​ച്ചാ​ൽ നി​ര​വ​ധി പേ​ർ​ക്ക് പ്ര​യോ​ജ​ന​പ്പെ​ടും.