തൂക്കുഭരണത്തിൽ ഉലഞ്ഞ പഞ്ചായത്തുകൾ പിടിക്കാൻ മുന്നണികൾ

പാ​ല​ക്കാ​ട്: ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ വ്യ​ക്ത​മാ​യ ഭൂ​രി​പ​ക്ഷം ല​ഭി​ക്കാ​തെ വെ​ള്ളം കു​ടി​ച്ച പ​ഞ്ചാ​യ​ത്തു​ക​ൾ തി​രി​കെ പി​ടി​ക്കാ​ൻ ക​ച്ച​കെ​ട്ടി​യി​റ​ങ്ങി പ്ര​ധാ​ന മു​ന്ന​ണി​ക​ൾ. ഏ​തു വി​ധേ​ന​യും ഭൂ​രി​പ​ക്ഷം നേ​ടാ​നു​ള്ള ത​ത്ര​പ്പാ​ടി​ലാ​ണ് എ​ൽ.​ഡി.​എ​ഫും യു.​ഡി.​എ​ഫും. കി​ട്ടി​യ സീ​റ്റ് വി​ട്ടു​ക​ള​യാ​തെ കൂ​ടു​ത​ൽ നേ​ടാ​നു​ള്ള ശ്ര​മ​ത്തി​ലാ​ണ് ബി.​ജെ.​പി.

ജി​ല്ല​യി​ൽ ആ​കെ​യു​ള്ള 88 പ​ഞ്ചാ​യ​ത്തു​ക​ളി​ൽ എ​ട്ടെ​ണ്ണ​ത്തി​ലാ​ണ് ക​ഴി​ഞ്ഞ​ത​വ​ണ ഏ​ത് ക​ക്ഷി​ക്കും ഭൂ​രി​പ​ക്ഷം ല​ഭി​ക്കാ​തെ തൂ​ക്കു ഭ​ര​ണ​ത്തി​ലാ​യ​ത്. ന​റു​ക്കെ​ടു​പ്പി​ലൂ​ടെ​യാ​ണ് ഇ​വി​ട​ങ്ങ​ളി​ൽ ഭ​ര​ണ​സ​മി​തി അ​ധി​കാ​ര​ത്തി​ലെ​ത്തി​യ​ത്. ക​രി​മ്പു​ഴ, കാ​വ​ശ്ശേ​രി, കു​ഴ​ൽ​മ​ന്ദം, മ​ല​മ്പു​ഴ, മ​ങ്ക​ര, നെ​ന്മാ​റ, പ​റ​ളി, കൊ​പ്പം എ​ന്നീ എ​ട്ടു പ​ഞ്ചാ​യ​ത്തു​ക​ളി​ലാ​ണ് യു.​ഡി.​എ​ഫും എ​ൽ.​ഡി.​എ​ഫും ഒ​പ്പ​ത്തി​നൊ​പ്പം സീ​റ്റ് നേ​ടി​യ​ത്.

തു​ട​ർ​ന്ന് ന​ട​ന്ന ന​റു​ക്കെ​ടു​പ്പി​ൽ ക​രി​മ്പു​ഴ, കു​ഴ​ൽ​മ​ന്ദം, നെ​ന്മാ​റ, മ​ങ്ക​ര പ​ഞ്ചാ​യ​ത്തു​ക​ൾ യു.​ഡി.​എ​ഫ് നേ​ടി​യ​പ്പോ​ൾ കാ​വ​ശ്ശേ​രി, മ​ല​മ്പു​ഴ, പ​റ​ളി, കൊ​പ്പം പ​ഞ്ചാ​യ​ത്തു​ക​ൾ എ​ൽ.​ഡി.​എ​ഫി​ന് ല​ഭി​ച്ചു. ക​പ്പൂ​ർ, മാ​ത്തൂ​ർ, പ​ര​തൂ​ർ, പ​ട്ട​ഞ്ചേ​രി പ​ഞ്ചാ​യ​ത്തു​ക​ളി​ൽ ഓ​രോ സീ​റ്റി​ന്‍റെ ഭൂ​രി​പ​ക്ഷ​ത്തി​ലാ​ണ് യു.​ഡി.​എ​ഫ് ഭ​രി​ക്കു​ന്ന​ത്. 17 വാ​ർ​ഡു​ള്ള കാ​വ​ശ്ശേ​രി പ​ഞ്ചാ​യ​ത്തി​ൽ പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​ലെ ഒ​രു മു​തി​ർ​ന്ന അം​ഗ​ത്തി​ന്‍റെ വോ​ട്ട് അ​സാ​ധു ആ​യി.

വാ​ണി​യം​കു​ളം, അ​മ്പ​ല​പ്പാ​റ, കേ​ര​ള​ശ്ശേ​രി, അ​ക​ത്തേ​ത്ത​റ എ​ന്നീ ഗ്രാ​മ​പ​ഞ്ചാ​യ​ത്തു​ക​ള​ൽ യു.​ഡി.​എ​ഫ് ഇ​ല്ല. ഈ ​നാ​ല് പ​ഞ്ചാ​യ​ത്തി​ലും ബി.​ജെ.​പി​ക്ക് ജ​ന​പ്ര​തി​നി​ധി​ക​ളു​ണ്ട്. കൊ​പ്പം പ​ഞ്ചാ​യ​ത്തി​ൽ ഒ​രു സീ​റ്റാ​ണ് ബി.​ജെ.​പി​ക്ക് ല​ഭി​ച്ച​ത്. സാ​മൂ​ഹ്യ​മാ​ധ്യ​മ​ത്തി​ലൂ​ടെ​യും പ​ര​മാ​വ​ധി നേ​രി​ട്ടും ക​ണ്ടും വി​ക​സ​ന പ്ര​വ​ർ​ത്ത​ന​ങ്ങ​ൾ ബോ​ധ്യ​പ്പെ​ടു​ത്തി​യും വോ​ട്ട​ർ​മാ​രെ കൈ​യി​ലെ​ടു​ക്കാ​നു​ള്ള തി​ര​ക്കി​ലാ​ണ് മു​ന്ന​ണി​ക​ൾ. വ്യ​ക്ത​മാ​യ ഭൂ​രി​പ​ക്ഷ​മാ​ണ് ഈ ​പ​ഞ്ചാ​യ​ത്തു​ക​ളി​ൽ മു​ന്ന​ണി​ക​ളു​ടെ ല​ക്ഷ്യം.

മു​ത​ല​മ​ട പ​ഞ്ചാ​യ​ത്തി​ൽ അ​ഞ്ചു വ​ർ​ഷ​ത്തി​നി​ടെ മൂ​ന്ന് ത​വ​ണ​യാ​ണ് പ​ഞ്ചാ​യ​ത്ത് പ്ര​സി​ഡ​ന്‍റ് സ്ഥാ​നം മാ​റി​യ​ത്. ആ​ദ്യം എ​ൽ.​ഡി.​എ​ഫി​ന്‍റെ നേ​തൃ​ത്വ​ത്തി​ലാ​യി​രു​ന്ന ഭ​ര​ണ​സ​മി​തി​യെ കോ​ൺ​ഗ്ര​സി​ന്‍റെ പി​ന്തു​ണ​യോ​ടെ തോ​ൽ​പി​ച്ച് സ്വ​ത​ന്ത്ര പ​ഞ്ചാ​യ​ത്ത് അം​ഗ​ങ്ങ​ൾ പ്ര​സി​ഡ​ന്‍റും വൈ​സ് പ്ര​സി​ഡ​ന്‍റു​മാ​യി. പി​ന്നീ​ട് എ​ൽ.​ഡി.​എ​ഫ് അ​വി​ശ്വാ​സം കൊ​ണ്ടു​വ​ന്നു. കോ​ൺ​ഗ്ര​സി​ലെ ര​ണ്ട് അം​ഗ​ങ്ങ​ൾ പി​ന്തു​ണ​ച്ച​തോ​ടെ അ​വി​ശ്വാ​സം പാ​സാ​യി.

നി​ല​വി​ൽ ഇ​വ​ർ എ​ൽ.​ഡി.​എ​ഫി​ന്‍റെ പി​ന്തു​ണ​യോ​ടെ​യാ​ണ് പ​ഞ്ചാ​യ​ത്ത് ഭ​രി​ക്കു​ന്ന​ത്. പ​ഞ്ചാ​യ​ത്തി​ൽ ആ​ദി​വാ​സി വി​ഭാ​ഗ​ങ്ങ​ളും ഇ​ത്ത​വ​ണ മ​ത്സ​ര​ത്തി​ന് സാ​ധ്യ​ത​ക​ളു​ണ്ട്. മു​ൻ എം.​എ​ൽ.​എ ആ​യി​രു​ന്ന എം.​വി. ഗോ​വി​ന്ദ​ൻ കോ​ൺ​ഗ്ര​സ് വി​ട്ട് ഇ​ട​തു​പ​ക്ഷ​ത്തേ​ക്ക് ചാ​ഞ്ഞ​താ​ണ് പെ​രു​ങ്ങോ​ട്ടു​കു​റി​ശ്ശി​യി​ലെ മ​ത്സ​ര​രം​ഗം കൊ​ഴു​പ്പി​ക്കു​ന്ന​ത്.