രോഗികൾ ദുരിതത്തിൽ; പെരിട്ടോണിയൽ ഡയാലിസിസ് ഫ്ലൂയിഡ് കിറ്റ് കിട്ടാനില്ല

പാ​ല​ക്കാ​ട്: വീ​ട്ടി​ൽ ചെ​യ്യാ​വു​ന്ന പെ​രി​ട്ടോ​ണി​യ​ല്‍ ഡ​യാ​ലി​സി​സി​ന് ഫ്ലൂ​യി​ഡ് കി​റ്റ് ല​ഭി​ക്കാ​ത്ത​തി​നാ​ൽ ദു​രി​ത​ത്തി​ലാ​യി രോ​ഗി​ക​ൾ. ജി​ല്ല ആ​ശു​പ​ത്രി​യി​ലോ സ​ർ​ക്കാ​ർ ഫാ​ർ​മ​സി​ക​ളി​ലോ ഫ്ലൂ​യി​ഡ് കി​റ്റ് കി​ട്ടാ​നി​ല്ല. ദി​വ​സ​വും മൂ​ന്ന് ഡ​യാ​ലി​സി​സ് വ​രെ ചെ​യ്യേ​ണ്ട രോ​ഗി​ക​ളാ​ണ് ഇ​തു​മൂ​ലം ദു​രി​തം അ​നു​ഭ​വി​ക്കു​ന്ന​ത്.

മാ​സ​ങ്ങ​ളാ​യി ഫ്ലൂ​യി​ഡ് കി​റ്റു​ക​ൾ ല​ഭി​ക്കു​ന്നി​ല്ലെ​ന്നും ഇ​തു​മൂ​ലം ശാ​രീ​രി​ക അ​വ​ശ​ത​ക​ൾ​ക്ക് പു​റ​മേ സാ​മ്പ​ത്തി​ക ന​ഷ്ട​വും ഉ​ണ്ടാ​കു​ന്നു​ണ്ടെ​ന്നും രോ​ഗി​ക​ൾ ആ​രോ​പി​ച്ചു. ‘മ​രു​ന്ന് ല​ഭ്യ​മ​ല്ല, വ​ന്നി​ട്ടി​ല്ല’ എ​ന്ന സ്ഥി​രം മ​റു​പ​ടി​യാ​ണ് ത​ങ്ങ​ള്‍ക്ക് ല​ഭി​ക്കു​ന്ന​തെ​ന്നും രോ​ഗി​ക​ള്‍ പ​റ​യു​ന്നു.

മ​ന്ത്രി​ക്കും ജ​ന​പ്ര​തി​നി​ധി​ക​ൾ​ക്കും ആ​ശു​പ​ത്രി അ​ധി​കൃ​ത​ർ​ക്കു​മെ​ല്ലാം നി​ര​വ​ധി ത​വ​ണ പ​രാ​തി ന​ൽ​കി​യെ​ങ്കി​ലും ഇ​തു​വ​രെ ന​ട​പ​ടി​യു​ണ്ടാ​യി​ട്ടി​ല്ല. കൃ​ത്യ​മാ​യ ഡ​യാ​ലി​സി​സ് ന​ട​ത്താ​നാ​വാ​തെ രോ​ഗ​തീ​വ്ര​ത​യി​ൽ പ​ല​രും വീ​ർ​പ്പു​മു​ട്ടു​മ്പോ​ഴും മ​രു​ന്ന് വാ​ങ്ങാ​ൻ ഫ​ണ്ടി​ല്ലെ​ന്ന മ​റു​പ​ടി​യാ​ണ് ആ​രോ​ഗ്യ വ​കു​പ്പും സ​ർ​ക്കാ​റും ന​ൽ​കു​ന്ന​ത്.

പു​റ​ത്തു​നി​ന്ന് മ​രു​ന്ന് ല​ഭ്യ​മാ​ക്കി​യാ​ല്‍ പ​ല​ര്‍ക്കും താ​ങ്ങാ​ന്‍ ക​ഴി​യാ​ത്ത വി​ല​യാ​ണ്. ഇ​പ്പോ​ള്‍ എ​റ​ണാ​കു​ള​ത്ത് മാ​ത്ര​മേ മ​രു​ന്നു​ള്ളൂ​വെ​ന്ന​താ​ണ് സ്ഥി​തി. ഇ​ത് എ​ത്തി​ക്ക​ണ​മെ​ങ്കി​ലും ഒ​രു​ദി​വ​സം താ​മ​സം നേ​രി​ടും. മ​റ്റ് ഡ​യാ​ലി​സി​സ് രോ​ഗി​ക​ള്‍ക്ക് ന​ല്‍കു​ന്ന​തു​പോ​ലെ സ​ര്‍ക്കാ​ര്‍ സൗ​ജ​ന്യ​മാ​യി ന​ല്‍കു​ന്ന മ​രു​ന്നും സൗ​ക​ര്യ​ങ്ങ​ളു​മാ​ണ് പെ​രി​ട്ടോ​ണി​യ​ൽ ഡ​യാ​ലി​സി​സ് രോ​ഗി​ക​ള്‍ക്ക് നി​ഷേ​ധി​ക്ക​പ്പെ​ടു​ന്ന​ത്.

ദി​വ​സ​വും ര​ണ്ടും മൂ​ന്നു​ത​വ​ണ ഡ​യാ​ലി​സി​സ് ചെ​യ്യു​ന്ന​വ​ർ ഇ​ക്കൂ​ട്ട​ത്തി​ലു​ണ്ട്. ഇ​ത്ത​ര​ത്തി​ൽ മാ​സം ഭീ​മ​മാ​യ തു​ക ചെ​ല​വ് വ​രും. ഡ​യാ​ലി​സി​സ് കൃ​ത്യ​മാ​യി ചെ​യ്തി​ല്ലെ​ങ്കി​ൽ കാ​ലി​ൽ നീ​ര്, ചു​മ, ശ്വാ​സ​ത​ട​സ്സം, മൂ​ത്രം പോ​കാ​ൻ ബു​ദ്ധി​മു​ട്ട്, ര​ക്ത​സ​മ്മ​ർ​ദം വ​ർ​ധി​ക്കു​ക, ത​ല​വേ​ദ​ന തു​ട​ങ്ങി​യ പ്ര​യാ​സ​ങ്ങ​ളു​ണ്ടാ​കു​മെ​ന്നും രോ​ഗി​ക​ൾ പ​റ​യു​ന്നു.

വൃ​ക്ക​ക​ള്‍ ത​ക​രാ​റാ​യ​വ​രി​ല്‍ മെ​ഷീ​ന്‍ സ​ഹാ​യ​ത്തോ​ടെ ര​ക്ത​ശു​ദ്ധീ​ക​ര​ണം ന​ട​ത്തു​ന്ന ഹീ​മോ ഡ​യാ​ലി​സി​സി​ല്‍നി​ന്ന് വ്യ​ത്യ​സ്ത​മാ​യി രോ​ഗി​യു​ടെ ശ​രീ​ര​ത്തി​ന​ക​ത്ത് ത​ന്നെ ര​ക്തം ശു​ദ്ധീ​ക​രി​ക്കു​ന്ന പ്ര​ക്രി​യ​യാ​ണ് പെ​രി​ട്ടോ​ണി​യ​ല്‍ ഡ​യാ​ലി​സി​സ്. ഇ​തി​നു​വേ​ണ്ട മി​നി ക്യാ​പ്, എം​ടി ബാ​ഗ് തു​ട​ങ്ങി​യ സൗ​ക​ര്യ​ങ്ങ​ളാ​ണ് ജി​ല്ല ആ​ശു​പ​ത്രി​യി​ല്‍നി​ന്ന് രോ​ഗി​ക​ള്‍ക്ക് ന​ല്‍കി​യി​രു​ന്ന​ത്. ഇ​ത് ഇ​ല്ലാ​താ​യ​തോ​ടെ​യാ​ണ് രോ​ഗി​ക​ള്‍ ദു​രി​ത​ത്തി​ലാ​യ​ത്. ക​ടം വാ​ങ്ങി​യും മ​റ്റു​മാ​ണ് നി​ല​വി​ൽ ഡ​യാ​ലി​സി​സ് ന​ട​ത്തു​ന്ന​തെ​ന്നും എ​ന്നാ​ൽ ഏ​റെ നാ​ൾ ഇ​ത്ത​ര​ത്തി​ൽ മു​ന്നോ​ട്ടു​പോ​കാ​നാ​വി​ല്ലെ​ന്നും രോ​ഗി​ക​ൾ പ​റ​യു​ന്നു.