ഷോക്കേറ്റ് മയിൽ ചത്തു

കോട്ടായി: അയ്യംകുളം -കോഴിയോട് റോഡിൽ അയ്യംകുളത്തിന് സമീപം ആൺ മയിലിനെ ചത്ത നിലയിൽ കണ്ടെത്തി. ശനിയാഴ്ച പുലർച്ചയാണ് പരിസരവാസികൾ ജഡം കണ്ടത്. പറക്കുമ്പോൾ വൈദ്യുതി ലൈനിൽ തട്ടി ഷോക്കേറ്റതാകാമെന്ന് കരുതുന്നു.

പഞ്ചായത്ത്‌ പ്രസിഡന്‍റ് എ. സതീഷ്, പഞ്ചായത്ത് അംഗം കണ്ണൻ എന്നിവർ സ്ഥലത്തെത്തി വനംവകുപ്പ് അധികൃതരെ അറിയിച്ചു. ഒലവക്കോട്ടുനിന്ന് വനപാലകരെത്തി മയിലിനെ കൊണ്ടുപോയി.