പൊ​ൻ മാ​സം ചി​ങ്ങ​ച്ചി​രി; പശുപരിപാലനം ജീവിതചര്യയാക്കി വാസുദേവനും ഭാര്യയും

ഇ​ന്ന് ചി​ങ്ങം ഒ​ന്ന്. മ​ല​യാ​ളി​ക​ൾ​ക്ക് ഇ​ന്ന് പു​തു​വ​ർ​ഷാ​രം​ഭ​മാ​ണ്. പ​ഞ്ഞ ക​ർ​ക്ക​ട​കം മാ​റി ചി​ങ്ങ​പ്പു​ല​രി പി​റ​ക്കു​ന്ന​തോ​ടെ സ​മൃ​ദ്ധി​യു​ടേ​യും ഐ​ശ്വ​ര്യ​ത്തി​ന്റെ​യും ദി​ന​ങ്ങ​ളാ​ണ് ഓ​രോ മ​ല​യാ​ളി​ക്കും. കാ​ർ​ഷി​ക സം​സ്‌​കാ​ര​ത്തി​ന്റെ​യും ഓ​ണ​ക്കാ​ല​ത്തി​ന്റെ​യും ഗൃ​ഹാ​തു​ര സ്മ​ര​ണ​ക​ളാ​ണ് ഓ​രോ മ​ല​യാ​ളി​യുടെ​യും മ​ന​സി​ൽ ചി​ങ്ങ​മാ​സം ഉ​ണ​ർ​ത്തു​ന്ന​ത്. കൊ​ല്ല​വ​ർ​ഷ​ത്തി​ലെ ആ​ദ്യ മാ​സ​മാ​ണ് ചി​ങ്ങം. ഇത് മ​ല​യാ​ള ഭാ​ഷാ മാ​സം എ​ന്നും അ​റി​യ​പ്പെ​ടു​ന്നു.

പ​ട്ടാ​മ്പി: കൈ​യി​ൽ ചെ​ങ്കൊ​ടി​യും ച​ങ്കി​ൽ വി​പ്ല​വ മു​ദ്രാ​വാ​ക്യ​ങ്ങ​ളു​മാ​യി രാ​ഷ്ട്രീ​യം ത​ല​ക്ക് പി​ടി​ച്ചോ​ടു​മ്പോ​ഴും വാ​സു​ദേ​വ​ൻ മാ​ഷി​ന് പ​ശു പ​രി​പാ​ല​നം ജീ​വി​ത​ച​ര്യ​യാ​യി​രു​ന്നു. മ​ണ്ണെ​ങ്ങോ​ട് എ.​യു.​പി സ്‌​കൂ​ളി​ൽ​നി​ന്ന് 15 വ​ർ​ഷം മു​മ്പ് വി​ര​മി​ച്ച ഈ ​സം​സ്‌​കൃ​തം അ​ധ്യാ​പ​ക​ൻ മ​രു​തൂ​രി​ലെ ക്ഷീ​ര ക​ർ​ഷ​ക​നാ​ണ്. 20 ലി​റ്റ​റോ​ളം പാ​ൽ വി​വി​ധ വീ​ടു​ക​ളാ​യി​ലാ​യും 100 ലി​റ്റ​റി​ല​ധി​കം പാ​ൽ മ​രു​തൂ​ർ ക്ഷീ​ര സം​ഘ​ത്തി​ലും ന​ൽ​കു​ന്നു. സി.​പി.​ഐ മു​ൻ മ​ണ്ഡ​ലം സെ​ക്ര​ട്ട​റി​യാ​യ മ​രു​തൂ​ർ പാ​റ​മ​ന വാ​സു​ദേ​വ​ൻ 1971ലാ​ണ് അ​ധ്യാ​പ​ക​നാ​യി ജോ​ലി​യി​ൽ പ്ര​വേ​ശി​ച്ച​ത്. ആ​ദ്യ ശ​മ്പ​ള​ത്തി​ൽ​നി​ന്ന് ഒ​രു പ​ശു​വി​നെ വാ​ങ്ങി​യാ​ണ് കൃ​ഷി​യി​ലേ​ക്ക് തി​രി​ഞ്ഞ​ത്. ഓ​ർ​മ​യി​ലെ അ​റു​പ​തി​ലേ​റെ വ​ർ​ഷ​ങ്ങ​ളി​ൽ വീ​ട്ടി​ൽ പ​ശു​ക്ക​ളി​ല്ലാ​ത്ത കാ​ലം വി​ര​ള​മാ​യി​രു​ന്നു​വെ​ന്ന് മാ​ഷ് ഓ​ർ​ക്കു​ന്നു.

1983ൽ ​ജീ​വി​ത പ​ങ്കാ​ളി​യാ​യി എ​ത്തി​യ വാ​സ​ന്തി ടീ​ച്ച​ർ വ​ലി​യ പ​ശു പ്രേ​മി​യാ​യ​ത് ത​ന്റെ പു​ണ്യ​മാ​ണെ​ന്ന് വാ​സു​ദേ​വ​ൻ പ​റ​യു​ന്നു. 12 പ​ശു​ക്ക​ളും നാ​ല് പ​ശു​ക്കു​ട്ടി​ക​ളു​മാ​യി വ​ള​ർ​ന്ന മ​രു​തൂ​രി​ലെ ഫാം ​ഈ അ​ധ്യാ​പ​ക ദ​മ്പ​തി​ക​ളു​ടെ ക​ഠി​ന പ്ര​യ​ത്ന​ത്തി​ന്റെ പ്ര​തീ​ക​മാ​ണ്.

തീ​റ്റ വ​സ്തു​ക്ക​ളു​ടെ വി​ല​ക്ക​യ​റ്റം തി​രി​ച്ച​ടി​യാ​ണ്. ക്ഷീ​ര​സം​ഘ​ങ്ങ​ളി​ൽ അ​ള​ക്കു​ന്ന പാ​ലി​ന് ത​ദ്ദേ​ശ സ്ഥാ​പ​ന​ങ്ങ​ൾ ന​ൽ​കു​ന്ന പാ​ലി​ന്റെ അ​ധി​ക വി​ല കി​ട്ടു​ന്നി​ല്ലെ​ന്ന​തും മേ​ഖ​ല​ക്ക് പ്ര​തി​സ​ന്ധി​യാ​ണെ​ന്ന് മാ​ഷ് പ​റ​യു​ന്നു.