കാ​ലി​ക്ക​റ്റ് സർവകലാശാല എ ​സോ​ൺ ക​ലോ​ത്സ​വം; കലാവസന്തത്തിന് ഇന്ന് കൊടിയിറക്കം

പ​ട്ടാ​മ്പി: കാ​ണി​ക​ളു​ടെ ക​ണ്ണും മ​ന​സ്സും ഒ​രു​പോ​ലെ നി​റ​ച്ച എ ​സോ​ൺ ക​ലോ​ത്സ​വത്തിന് തിങ്കളാഴ്ച കൊടിയിറക്കം. ര​ണ്ടാം ദി​നമായ ഞായറാഴ്ച വൈ​വി​ധ്യ​മാ​ർ​ന്ന ക​ലാ​രൂ​പ​ങ്ങ​ളാ​ൽ വേ​ദി​ക​ൾ സ​മ്പ​ന്ന​മാ​യ​തി​നൊ​പ്പം സാ​​ങ്കേ​തി​ക പി​ഴ​വു​ക​ൾ ക​ല്ലു​ക​ടി​യാ​യി.

ശാ​സ്ത്രീ​യ നൃ​ത്ത​വേ​ദി​യി​ൽ ശ​ബ്ദ​സം​വി​ധാ​ന​ത്തി​ലു​ണ്ടാ​യ ത​ക​രാ​ർ പ​രി​ഹ​രി​ക്കാ​ൻ വൈ​കു​ന്ന​തി​നി​ടെ മ​ത്സ​രാ​ർ​ഥി കു​ഴ​ഞ്ഞു​വീ​ണു.

ഇ​തോ​ടെ ത​ട​സ്സ​പ്പെ​ട്ട മ​ത്സ​രം അ​ൽ​പ​നേ​രം ക​ഴി​ഞ്ഞാ​ണ് പു​ന​രാ​രം​ഭി​ച്ച​ത്. ശാ​സ്ത്രീ​യ നൃ​ത്ത​വേ​ദി​യി​ലും സ​മാ​ന​മാ​യ രീ​തി​യി​ൽ മൈ​ക്ക് പ​ണി​മു​ട​ക്കി. തു​ട​ർ​ന്ന് മ​ത്സ​രം ത​ട​സ്സ​പ്പെ​ട്ട വി​ദ്യാ​ർ​ഥി​ക്ക് വീ​ണ്ടും അ​വ​സ​രം ന​ൽ​കു​ക​യാ​യി​രു​ന്നു.

മാ​പ്പി​ള ക​ല​ക​ളു​ടെ ഈ​റ്റി​ല്ല​മാ​യ വ​ള്ളു​വ​നാ​ട​ൻ മ​ണ്ണി​ൽ പു​തു​ത​ല​മു​റ​ക്ക് ക​ലാ​ഭി​മു​ഖ്യം കു​റ​യു​ന്നോ എ​ന്ന് സം​ശ​യി​പ്പി​ക്കു​ന്ന​താ​യി​രു​ന്നു വേ​ദി​യി​ലെ ശു​ഷ്‌​ക പ​ങ്കാ​ളി​ത്തം. ജ​ന​പ്രി​യ ആ​ക്ഷേ​പ ഹാ​സ്യ​ക​ല​യാ​യ ഓ​ട്ട​ന്തു​ള്ള​ൽ, മാ​ർ​ഗം​ക​ളി, മൈം, ​സ്കി​റ്റ് എ​ന്നി​വ​ക്ക് ഓ​ഡി​റ്റോ​റി​യ​ത്തി​ലെ നി​റ​ഞ്ഞ സ​ദ​സ്സി​ന്റെ കൈ​യ​ടി ആ​വേ​ശ​മാ​യി. വേ​ദി ഒ​ന്നി​ൽ ക്ലാ​സി​ക്ക​ൽ ഡാ​ൻ​സ്, ഭ​ര​ത​നാ​ട്യം, നാ​ട​കം, വേ​ദി ര​ണ്ടി​ൽ സം​ഘ​ഗാ​നം (പൗ​ര​സ്ത്യം), ദേ​ശ​ഭ​ക്തി​ഗാ​നം (ഗ്രൂ​പ്), ഗാ​ന​മേ​ള, ഓ​ട്ട​ന്തു​ള്ള​ൽ, മാ​ർ​ഗം​ക​ളി, മൈം, ​സ്കി​റ്റ്, മൂ​ന്നി​ൽ മാ​പ്പി​ള​പ്പാ​ട്ട് (പെ​ൺ), മാ​പ്പി​ള​പ്പാ​ട്ട് (ആ​ൺ), മാ​പ്പി​ള​പ്പാ​ട്ട് (ഗ്രൂ​പ്), നാ​ലി​ൽ ല​ളി​ത​ഗാ​നം (ആ​ൺ, പെ​ൺ), ശാ​സ്ത്രീ​യ സം​ഗീ​തം എ​ന്നീ ഇ​ന​ങ്ങ​ളാ​ണ് അ​ര​ങ്ങേ​റി​യ​ത്. രാ​ത്രി​യി​ൽ ഒ​ന്നാം വേ​ദി​യി​ൽ നാ​ട​ക​ത്തി​നും കാ​ണി​ക​ളേ​റെ​യു​ണ്ടാ​യി​രു​ന്നു. നാ​ലു ദി​വ​സ​ത്തെ എ ​സോ​ൺ ക​ലോ​ത്സ​വ​ത്തി​ന് തി​ങ്ക​ളാ​ഴ്ച തി​ര​ശ്ശീ​ല വീ​ഴും.