സൗ​ഹൃ​ദം, സു​ന്ദ​രം ഈ ​ഭി​ന്ന​ശേ​ഷി അം​ഗ​ൻ​വാ​ടി

പ​ട്ടാ​മ്പി: ജി​ല്ല​യി​ലെ ആ​ദ്യ​ത്തെ ഭി​ന്ന​ശേ​ഷി സൗ​ഹൃ​ദ അം​ഗ​ൻ​വാ​ടി​യു​ടെ നി​ർ​മാ​ണം വി​ള​യൂ​രി​ൽ പൂ​ർ​ത്തി​യാ​വു​ന്നു. മു​ഹ​മ്മ​ദ് മു​ഹ്സി​ൻ എം.​എ​ൽ.​എ​യു​ടെ പ്രാ​ദേ​ശി​ക വി​ക​സ​ന ഫ​ണ്ടും, വി​ള​യൂ​ർ പ​ഞ്ചാ​യ​ത്ത് അ​നു​വ​ദി​ച്ച പ്ര​ത്യേ​ക ഫ​ണ്ടും ഉ​പ​യോ​ഗി​ച്ചാ​ണ് പ​ദ്ധ​തി ന​ട​പ്പാ​ക്കു​ന്ന​ത്. 12 ല​ക്ഷം രൂ​പ​യാ​ണ് പ​ദ്ധ​തി​ക്കാ​യി എം.​എ​ൽ.​എ അ​നു​വ​ദി​ച്ച​ത്.

കേ​ര​ള​ത്തെ ഭി​ന്ന​ശേ​ഷി സൗ​ഹൃ​ദ സം​സ്ഥാ​ന​മാ​യി പ്ര​ഖ്യാ​പി​ച്ച ഘ​ട്ട​ത്തി​ലാ​ണ് പ​ട്ടാ​മ്പി മ​ണ്ഡ​ല​ത്തി​ലെ മു​ഴു​വ​ൻ വി​ദ്യാ​ല​യ​ങ്ങ​ളും ഭി​ന്ന​ശേ​ഷി സൗ​ഹൃ​ദ ഇ​ൻ​ക്ലൂ​സീ​വ് ആ​യി മാ​റ്റാ​നു​ള്ള പ​ദ്ധ​തി​ക്ക് എം.​എ​ൽ.​എ​യു​ടെ നേ​തൃ​ത്വ​ത്തി​ൽ തു​ട​ക്ക​മി​ട്ട​ത്. ഭി​ന്ന​ശേ​ഷി​ക്കാ​രാ​യ വി​ദ്യാ​ർ​ഥി​ക​ൾ മാ​റ്റി നി​ർ​ത്തേ​ണ്ട​വ​ര​ല്ലെ​ന്ന പൊ​തു​ബോ​ധം സൃ​ഷ്ടി​ക്കു​ക എ​ന്ന​തും പ​ദ്ധ​തി​ക്ക് പി​ന്നി​ലു​ണ്ട്. അം​ഗ​ൻ​വാ​ടി​യി​ൽ​നി​ന്ന് ത​ന്നെ ഭി​ന്ന​ശേ​ഷി സാ​ധ്യ​ത​യു​ള്ള കു​ട്ടി​ക​ളെ ക​ണ്ടെ​ത്തു​ക​യും ഇ​വ​ർ​ക്ക് ശാ​സ്ത്രീ​യ പ​രി​ശീ​ല​ന​ത്തി​ലൂ​ടെ മെ​ച്ച​പ്പെ​ട്ട ബാ​ല്യം ഉ​റ​പ്പാ​ക്കു​ക​യും മ​റ്റു കു​ട്ടി​ക​ളോ​ടൊ​പ്പം ത​ന്നെ അ​വ​ർ​ക്കും അം​ഗ​ൻ​വാ​ടി വി​ദ്യാ​ഭ്യാ​സം ന​ൽ​കു​ക​യു​മാ​ണ് പ​ദ്ധ​തി ല​ക്ഷ്യം.

പു​തി​യ അം​ഗ​ൻ​വാ​ടി​യി​ൽ വേ​വ്വേ​റെ ക്ലാ​സ്മു​റി​ക​ൾ ഇ​വ​ർ​ക്കാ​യി സ​ജ്ജ​മാ​ക്കി​യി​ട്ടു​ണ്ടെ​ങ്കി​ലും ബാ​രി​ക്കേ​ഡു​ക​ൾ ഇ​ല്ലാ​തെ എ​ല്ലാ കു​ട്ടി​ക​ൾ​ക്കും ഒ​രു​മി​ച്ച് വി​ദ്യ​ഭ്യാ​സ സൗ​ക​ര്യം ല​ഭി​ക്കു​ന്ന രീ​തി​യി​ലാ​യി​രി​ക്കും സെ​ന്‍റ​റി​ന്‍റെ പ്ര​വ​ർ​ത്ത​നം. ഫി​സി​യോ​തെ​റ​പ്പി അ​ട​ക്ക​മു​ള്ള സൗ​ക​ര്യ​ങ്ങ​ളും ഇ​വി​ടെ​യു​ണ്ട്. അ​ടു​ത്ത​കാ​ല​ത്ത് സം​സ്ഥാ​ന സ​ർ​ക്കാ​റും ഇ​ത്ത​രം പ​ദ്ധ​തി​ക​ൾ ന​ട​പ്പാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ചു വ​രു​ന്നു​ണ്ട്.

മു​ഹ​മ്മ​ദ്‌ മു​ഹ്സി​ൻ എം.​എ​ൽ.​എ, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ്‌ ബേ​ബി ഗി​രി​ജ, വൈ​സ് പ്ര​സി​ഡ​ന്റ്‌ നൗ​ഫ​ൽ, വാ​ർ​ഡ്‌ മെം​ബ​ർ രാ​ജി മ​ണി​ക​ണ്ഠ​ൻ, മു​ര​ളി, മ​ണി​ക​ണ്ഠ​ൻ എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു.