മരം കയറ്റിയ ലോറി താഴ്ചയിലേക്ക് മറിഞ്ഞു

പത്തിരിപ്പാല: മരം കയറ്റിവന്ന ലോറി 20 അടി താഴ്ചയുള്ള വീട്ടുമുറ്റത്തേക്ക് മറിഞ്ഞു. മണ്ണൂർ കൊട്ടക്കുന്ന് പള്ളിക്ക് സമീപം മരുതൂർ കുണ്ടിൽ വെള്ളിയാഴ്ച വൈകീട്ട് നാലിനാണ് സംഭവം.

റബർ തടി കയറ്റി ഇടുങ്ങിയ റോഡിലൂടെ വരുമ്പോൾ റോഡിന്റെ ഒരുഭാഗം ഇടിഞ്ഞ് താഴ്ന്നതോടെ വീട്ടുമുറ്റത്തേക്ക് മറിയുകയായിരുന്നു.

ഏകദേശം 20 അടി താഴ്ചയിലേക്കാണ് മറിഞ്ഞത്. കല്ലടിക്കോട് സ്വദേശിയായ ലോറിഡ്രൈവറും മണ്ണൂരിലെ സി.ഐ.ടി.യു തൊഴിലാളിയുമായിന്നു ലോറിയിലുണ്ടായിരുന്നത്. ഇരുവരും അത്ഭുതകരമായി രക്ഷപെട്ടു.