നിർമാണത്തിലിരുന്ന വീട് തകർന്നു

പത്തിരിപ്പാല: ശക്തമായ മഴയിൽ പത്തിരിപ്പാലക്ക് സമീപം നിർമാണത്തിലിരിക്കുന്ന ഇരുനില വീട് തകർന്നു. പൂക്കാട്ടുകുന്ന് റോഡിൽ ചുനങ്ങാടൻ തൊടി ഐഷകുട്ടിയുടെ വീടാണ് തകർന്നത്.

ഞായറാഴ്ച രാവിലെ 11.30നാണ് സംഭവം. കെട്ടിടം വീണ് അയൽവാസിയായ കോഴിശേരി കളമ്പടി ശിവദാസന്റെ വീടിന്റെ മതിലും ഭാഗികമായി തകർന്നു. ആറു മാസം മുമ്പാണ് ഐഷകുട്ടി പണി പൂർത്തിയാവാത്ത വീട് വാങ്ങിയത്.