സംഭരിച്ച നെല്ലിന് തുക ലഭിച്ചില്ല; ദുരിതം പേറി 68 കർഷകർ

പത്തിരിപ്പാല: നെല്ലളന്ന് മാസങ്ങൾ കഴിഞ്ഞും തുക ലഭിക്കാതായ​തോടെ കർഷകർ ദുരിതത്തിൽ. മങ്കര പഞ്ചായത്തിലെ മാങ്കുറുശ്ശി കാരാംകോട് പാടശേഖരത്തിലെ 68 കർഷകരാണ് പണം ലഭിക്കാത്തതിനാൽ ആഴ്ചകളായി വലയുന്നത്.

സെപ്​റ്റംബറിൽ കൊയ്ത നെല്ല്​ ഒക്ടോബർ അവസാനത്തോടെയാണ്​ സ​െപ്ലെകോ സംഭരിച്ചത്​.

നവംബർ മൂന്നിന് ലഭിച്ച രസീതുമായി ബാങ്കുകളെ സമീപിച്ചെങ്കിലും പണം എത്തിയിട്ടില്ലെന്ന്​ കാണിച്ച്​ നിരസിക്കുകയായിരുന്നു. കിലോക്ക്​ 27-48 രൂപ നിരക്കിലാണ് നെല്ല് സംഭരിച്ചത്.

പാടശേഖര സമിതി പ്രസിഡൻറ്​ കെ.പി. ചാമുണ്ണി സംഭരിച്ച 16.5 ടൺ നെല്ലി​െൻറ വില ലഭിക്കാനുണ്ട്. പണം കിട്ടിയാ​േല രണ്ടാം വിളയുടെ പ്രവൃത്തികൾ നടത്താനാകൂ എന്ന് കർഷകർ പറയുന്നു. വിഷയത്തിൽ സർക്കാർ അടിയന്തരമായി ഇടപെടണമെന്നാണ് കർഷകരുടെ ആവശ്യം.